பிரம்மாண்ட படைப்பு “பெரியார் உலகம்”… ரூ.10 லட்சம் நிதி வழங்கிய திருமாவளவன்…!

தமிழ்நாட்டின் சமூக நீதி இயக்கத்தின் தந்தை என்று அழைக்கப்படும் ஈ.வி.ராமசாமி, பெரியார் அவர்களின் சிந்தனைகள் இன்றும் தமிழக அரசியல் மற்றும் சமூக அமைப்புகளை வடிவமைக்கின்றன. அவரது பிறந்தநாள் சமூகநீதி தினமாகக் கொண்டாடப்படும் இன்றைய தமிழ்நாட்டில், பெரியாரின் கருத்துக்களைப் பரப்பும் ஒரு புதிய அடையாளமாகத் திருச்சியில் 'பெரியார் உலகம்' அமைய உள்ளது.

சிறுகணூர் என்ற சிறிய ஊரில், திருச்சி-சென்னை தேசிய நெடுஞ்சாலையின் அருகில், 27 ஏக்கர் நிலப்பரப்பில் இந்தப் பெரிய அளவிலான கல்வி-உற்சாக வசதிகள் கொண்ட இடம் உருவாக்கப்படுகிறது. இது வெறும் சிலை அல்ல, பெரியாரின் சுயமரியாதை, பகுத்தறிவு, சாதி ஒழிப்பு, பெண்ணியம் போன்ற சிந்தனைகளைப் படமாக்கி, அடுத்த தலைமுறைகளுக்கு அறிவுரை வழங்கும் ஒரு உலகமாகும்.

2021-ஆம் ஆண்டு செப்டம்பர் மாதம் அறிவிக்கப்பட்ட இந்தத் திட்டம், பெரியார் சுயமரியாதைப் பிரச்சாரப் பாடசாலை (பெரியார் அறம்) எனும் நிறுவனத்தால் மேற்கொள்ளப்படுகிறது. ரூ.100 கோடி மதிப்புள்ள இந்தப் பணியின் கட்டுமானப் பணிகள் விரைவில் தொடங்கும் எனத் தெரிகிறது. திருச்சி நகரத்திலிருந்து சுமார் 25 கி.மீ. தொலைவில் அமைந்துள்ள சிறுகணூர், மத்திய மற்றும் தென் தமிழ்நாட்டின் முக்கிய இணைப்புப் பாதையில் இருப்பதால், இந்த இடம் லட்சக்கணக்கான பார்வையாளர்களை ஈர்க்கும் என எதிர்பார்க்கப்படுகிறது.

இதையும் படிங்க: அதிமுகவை பாஜக WASHOUT பண்ணிடும்… நான் முட்டுக் குடுக்குறேனா? திருமா ஓபன் டாக்…!

இந்த நிலையில் திருச்சியில் அமைய உள்ள பெரியார் உலகத்திற்காக விசிக நிதி அளிக்கப்பட்டது. விடுதலை சிறுத்தைகள் கட்சி தலைவர் திருமாவளவன் 10 லட்ச ரூபாய்க்கான காசோலையை திராவிடர் கழகத் தலைவர் கீ. வீரமணியிடம் வழங்கினார்.

இதையும் படிங்க: அருமையான அறிவிப்பு… ஆணவக் கொலைகளை தடுக்க தனிச்சட்டம்… விசிக தலைவர் திருமா. வரவேற்பு…!