எடப்பாடி பழனிச்சாமிக்கு செங்கோட்டையன் கெடு விதித்து உள்ள நிலையில், அதிமுக முக்கிய நிர்வாகிகளுடன் இபிஎஸ் ஆலோசனை மேற்கொண்டதாக கூறப்பட்டது. இந்த நிலையில், இன்றிலிருந்து அதிமுக ஈரோடு புறநகர் மேற்கு மாவட்ட செயலாளர் பொறுப்பில் இருந்து செங்கோட்டையன் இணைக்கப்படுவதாக அறிவிக்கப்பட்டுள்ளது.

அதிமுகவின் அனைத்து பொறுப்புகளில் இருந்தும் செங்கோட்டையனை நீக்கி எடப்பாடி பழனிச்சாமி அதிரடி அறிவிப்பை வெளியிட்டுள்ளார். இது தொடர்பான அதிகாரப்பூர்வ அறிக்கையும் வெளியிடப்பட்டுள்ளது. அதுமட்டுமல்லாது செங்கோட்டையனின் ஆதரவாளர்கள் ஏழு பேரை கட்சிக் குறிப்பில் இருந்து எடப்பாடி பழனிச்சாமி அதிரடியாக நீக்கம் செய்துள்ளார். ஈரோடு புறநகர் மேற்கு மாவட்ட நம்பியூர் ஒன்றிய செயலாளர் தம்பி என்ற சுப்பிரமணியனும் நீக்கப்பட்டுள்ளார். செங்கோட்டையன் மட்டுமல்லாது அவரது ஆதரவாளர்கள் 7 பேரின் கட்சி பொறுப்பும் பறிக்கப்பட்டுள்ளது பெரும் பரபரப்பை ஏற்படுத்தி உள்ளது.

எம்ஜிஆர் காலத்தில் இருந்து அதிமுகவில் இணைந்து செயல்பட்டு வரும் செங்கோட்டையன் தற்போது அனைத்து பொறுப்புகளில் இருந்தும் நீக்கப்பட்டுள்ளார். தொண்டர்களின் கருத்தை தான் பிரதிபலித்ததாக செங்கோட்டையன் கூறிய நிலையில், அவருக்கு நோட்டீஸ் அனுப்ப முடிவு செய்யப்பட்டதாக தகவல் வெளியானது. இதற்கிடையில், செங்கோட்டையனின் கட்சிப் பதவி பறிக்கப்பட்டிருப்பது அரசியலில் பரபரப்பை ஏற்படுத்தி உள்ளது.

இதையும் படிங்க: #BREAKING: செங்கோட்டையன் இடத்தைப் பிடித்தார் ஏ.கே செல்வராஜ்… அரசியலில் பரபரப்பு

தொடர்ந்து, தன்னிடம் விளக்கம் கேட்காமலேயே கட்சியிலிருந்து நீக்கி உள்ளதாக செங்கோட்டையன் செய்தியாளர் சந்திப்பின்போது தெரிவித்தார். ஜனநாயக முறைப்படி தன்னிடம் விளக்கம் கேட்டிருக்க வேண்டும் என்றும் கூறினார். அதிமுக நிர்வாகிகள் சிலர் தன்னிடம் தொடர்பு கொண்டு பேசியதாகவும் அதிமுக தொண்டர்களின் உணர்வைதான் நான் வெளிப்படுத்தினேன் என்றும் தெரிவித்தார். மேலும் அதிமுகவை ஒருங்கிணைக்கும் தனது பணி தொடரும் என்றும் திட்டவட்டமாக கூறினார். இந்த நிலையில், அதிமுக ஒருங்கிணைப்பு குழுவை செங்கோட்டையன் உருவாக்க உள்ளதாக கூறப்பட்டுள்ளது.

நீலகிரி, திருப்பூர், ஈரோடு சேலத்தைச் சேர்ந்த ஓபிஎஸ், சசிகலா ஆதரவாளர்கள் செங்கோட்டையனை சந்திக்க வருகை வந்தனர். கட்சிப் பொறுப்பில் இருந்து நீக்கிய நிலையில் செங்கோட்டையன் வீட்டை நோக்கி தொண்டர்கள் படை எடுத்து வருகின்றனர்.

இதையும் படிங்க: #BREAKING: என்கிட்ட விளக்கம் கேட்டீங்களா? அவங்களே முடிவு பண்ணிட்டாங்க... செங்கோட்டையன் ஆதங்கம்