தமிழ்நாட்டில் வரும் ஏப்ரல் 23ஆம் தேதி சட்டமன்றப் பொதுத் தேர்தலுக்கான வாக்குப்பதிவு நடைபெற உள்ள நிலையில், தேர்தலுக்கு இன்னும் ஐந்து நாட்கள் மட்டுமே உள்ளன என்று பொதுமக்களுக்கு விழிப்புணர்வு ஏற்படுத்தும் வகையில் தமிழ்நாடு காவல்துறை சார்பில் மேற்கொள்ளப்பட்டு வரும் நடவடிக்கைகள் குறிப்பிடத்தக்கவை.

தேர்தல் ஆணையத்தின் SVEEP திட்டத்தின் கீழ் மாவட்ட நிர்வாகங்களுடன் இணைந்து காவல்துறை அதிகாரிகள் பல்வேறு விழிப்புணர்வு செயல்பாடுகளை தீவிரப்படுத்தியுள்ளனர். இந்த முயற்சியின் முக்கிய நோக்கம், 100 சதவீத வாக்குப்பதிவை உறுதி செய்வதும், வாக்காளர்களை தேர்தல் நாளில் தவறாமல் வாக்களிக்க ஊக்குவிப்பதும் ஆகும்.

தமிழ்நாடு முழுவதும் காவல்துறை சார்பில் ஏற்பாடு செய்யப்பட்டுள்ள விழிப்புணர்வு நிகழ்ச்சிகள் மக்களிடையே பெரும் எதிரொலியை ஏற்படுத்தி வருகின்றன. மாவட்ட காவல் கண்காணிப்பாளர்கள் (SP) மற்றும் உள்ளூர் போலீஸ் அதிகாரிகள் முன்னிலையில், இரு சக்கர வாகன பேரணிகள், மாரத்தான் ஓட்டங்கள், ஆட்டோ பேரணிகள் உள்ளிட்ட பல்வேறு வடிவங்களில் இந்த விழிப்புணர்வு பிரச்சாரம் மேற்கொள்ளப்படுகிறது.

இதையும் படிங்க: பெண்களின் உரிமை மறுக்கப்படும் போது பட்டாசு வைத்து கொண்டாடுகிறார்கள்..! தமிழிசை ஆதங்கம்..!

காவல்துறையின் இந்த விழிப்புணர்வு முயற்சியில், வாக்காளர்களுக்கு அவர்களின் உரிமை மற்றும் கடமை குறித்து வலியுறுத்தப்படுகிறது. “உங்கள் வாக்கு உங்கள் உரிமை”, “100 சதவீதம் வாக்களிப்போம்”, “தேர்தல் திருவிழா – தமிழ்நாட்டின் பெருவிழா” போன்ற முழக்கங்களுடன் பொதுமக்களை ஈர்க்கும் வகையில் பிரச்சாரம் செய்யப்படுகிறது. 

இதனிடையே தேர்தலுக்கு ஐந்து நாட்கள் மட்டுமே இருக்கிறது என்றும் வாக்களிக்க தயாராகுங்கள் எனவும் தமிழ்நாடு காவல்துறை அறிவுறுத்தியுள்ளது. உங்கள் வாக்கு உங்கள் எதிர்காலம் என்றும் தெரிவித்துள்ளது. 

இதையும் படிங்க: "இந்தியாவையே அமெரிக்காவிடம் விற்ற பிரதமர் மோடி"..! ராகுல் காந்தி சரமாரி குற்றச்சாட்டு..!