இந்தியாவின் முக்கிய துறைமுகங்களில் ஒன்றான தூத்துக்குடி (VOC) துறைமுகம், பசுமை ஆற்றல் முன்னோடியாக உருவெடுக்கிறது. மும்பையில் நடந்த இந்திய கடல்சார் மாநாடு 2025-இல், துறைமுகத்தை மேம்படுத்த 27 புரிந்துணர்வு ஒப்பந்தங்கள் (MoUs) கையெழுத்தாகின.

இதில் 1.27 லட்சம் கோடி ரூபாய் முதலீடு (குறிப்பாக 25,400 கோடியில் பசுமை ஹைட்ரஜன் ஆலை, 8,800 கோடியில் கப்பல் கட்டும் தளம்). தற்போது ஆண்டுக்கு 81.5 மில்லியன் டன் சரக்கு கையாளும் இத்துறைமுகம், 2030-ஆம் ஆண்டுக்குள் 160 மில்லியன் டன் திறனுக்கு உயரும். இது தமிழகத்தின் இரண்டாவது பெரிய துறைமுகத்தை உலகளாவிய பசுமை மையமாக மாற்றும்.

தூத்துக்குடி துறைமுகம், பெட்ரோலியம், LPG, எரிவாயு, நிலக்கரி, சரக்கு பெட்டிகள் இறக்குமதி செய்யும் முக்கிய இடம். சர்க்கரை, உப்பு, சிமெண்ட், பிற சரக்குகளை ஏற்றுமதி செய்யவும் இது பயன்படுகிறது. தொடர்ச்சியான விரிவாக்கப் பணிகளால், இது தமிழகத்தின் பொருளாதார இயங்கத்திறனை உயர்த்துகிறது. 

இதையும் படிங்க: உலக அளவில் மாஸ் காட்ட தயாராகும் இந்தியா! பிரிட்டன் பிரதமர் கணிப்பு! அடிச்சிக்க ஆளே இல்ல!

மும்பை கடல்சார் மாநாட்டில் (இந்தியா மாரிடைம் வீக் 2025), நாட்டின் 100க்கும் மேற்பட்ட MoUs-களில் தூத்துக்குடி 27 MoUs-களைப் பெற்றது. இதில் சேம்ப் கார்ப் நிறுவனத்துடன் 25,400 கோடி ரூபாயில் பசுமை ஹைட்ரஜன் எரிவாயு ஆலை அமைப்பதற்கான ஒப்பந்தம் முக்கியம். இது பசுமை அமோனியா சேமிப்பு, ஹைட்ரஜன் டெரிவேட்டிவ்கள் உள்ளிட்டவற்றை உள்ளடக்கியது.

இதேபோல், ஜின் அண்ட் லீ நிறுவனத்துடன் 8,800 கோடியில் புதிய கப்பல் கட்டுமான தளம் அமைக்க MoU. கப்பல் பராமரிப்பு நிலையம், பசுமை இழுவை கப்பல்கள் வாங்குதல், டீசல் ஜெனரேட்டர்களுக்கு பதிலாக மின்சார ஜெனரேட்டர்கள் பயன்படுத்துதல் போன்ற 20க்கும் மேற்பட்ட திட்டங்களும் இடம்பெற்றுள்ளன. 

துறைமுக அதிகாரிகள் கூறுகையில், "இந்த MoUs, போர்ட்-லெட் இண்டஸ்ட்ரியல், பசுமை ஹைட்ரஜன், AI தொழில்நுட்பங்களை மேம்படுத்தும். 28 MoUs-களில் மொத்தம் 1.27 லட்சம் கோடி முதலீடு. அடுத்து விரிவான திட்ட அறிக்கை, டெண்டர் வெளியீட்டிற்குப் பின் பணிகள் தொடங்கும்" என்றனர். மாநாட்டில் தூத்துக்குடி 'கிரீன் விஷனரி' விருதையும் பெற்றது.

சென்னை துறைமுகம் ஆண்டுக்கு 136 மில்லியன் டன் சரக்கு கையாளும், ஆனால் இடப் பற்றாக்குறை, கச்சா எண்ணெய்-நிலக்கரி கையாள இயலாமை போன்ற பிரச்சினைகள் உள்ளன. தூத்துக்குடியில் இவை இல்லை.

தற்போது 81.5 மில்லியன் டன் கையாளும் இது, கூடுதல் முனையங்கள், வெளிப்புற துறைமுகம் அமைத்து 2030-ல் 160 மில்லியன் டன் திறனுக்கு உயரும். சர்பனந்த சோனோவல் போன்ற மத்திய அமைச்சர்கள் இதை "பசுமை கேட் வே" என்று பாராட்டியுள்ளனர். இது 1,500க்கும் மேற்பட்ட வேலைகளை உருவாக்கும், தமிழகத்தின் சுத்தமான ஆற்றல் இலக்கை வலுப்படுத்தும்.

இந்தியா மாரிடைம் வீக் 2025, மும்பையில் 85 நாடுகள், 500 கண்காட்சியாளர்களுடன் நடந்தது. மொத்தம் 600 MoUs-கள், 12 லட்சம் கோடி முதலீட்டுடன். தூத்துக்குடி 30,000 கோடி ஈர்த்தது. இது இந்தியாவின் நீலப் பொருளாதாரத்தை வலுப்படுத்தும். தூத்துக்குடி துறைமுகம், பசுமை ஹைட்ரஜன் ஹப் ஆகி, உலகளாவிய வர்த்தகத்தில் இந்தியாவின் முகமாக மாறும்!

இதையும் படிங்க: அதிகரிக்கும் காற்று மாசு!! டெல்லி மக்கள் அவதி! 75% வீடுகளில் ஒருவருக்கு சுவாச நோய்!