தமிழகச் சட்டமன்றத் தேர்தலுக்கான தேர்தல் பணிகள் மிகத் தீவிரமாக நடைபெற்று வரும் நிலையில், வேட்புமனுவைத் திரும்பப் பெறுவதற்கான காலக்கெடு இன்று (வியாழக்கிழமை) மாலை 3:00 மணியுடன் நிறைவடைகிறது. இதனைத் தொடர்ந்து, 234 தொகுதிகளிலும் போட்டியிடும் இறுதி வேட்பாளர் பட்டியலைத் தேர்தல் ஆணையம் இன்று மாலை வெளியிட உள்ளது.

மனுக்கள் பரிசீலனை நிலவரம் கடந்த மார்ச் 30 முதல் ஏப்ரல் 6 வரை தாக்கல் செய்யப்பட்ட வேட்புமனுக்கள் மீது நேற்று முன்தினம் (ஏப்ரல் 7) தீவிரப் பரிசீலனை நடைபெற்றது. தமிழகம் முழுவதும் 234 தொகுதிகளிலும் சேர்த்துச் சுமார் 7,494 மனுக்கள் தாக்கல் செய்யப்பட்டன. இதில் முறையான ஆவணங்களுடன் தாக்கல் செய்யப்பட்ட 5,024 மனுக்கள் ஏற்றுக்கொள்ளப்பட்டுள்ளன. போதிய ஆதாரங்கள் மற்றும் பிழைகள் காரணமாக 2,470 மனுக்கள் அதிரடியாக நிராகரிக்கப்பட்டுள்ளன.

இறுதி வேட்பாளர் பட்டியல் இன்று மாலை 3 மணி வரை வேட்பாளர்கள் தங்களது மனுக்களைத் திரும்பப் பெற அவகாசம் வழங்கப்பட்டுள்ளது. கூட்டணிக் கட்சிகளுக்குள் ஏற்பட்ட உடன்பாடு அல்லது மாற்று வேட்பாளர்கள் (Dummy Candidates) தங்களது மனுக்களைத் திரும்பப் பெறுவார்கள். மாலை 3 மணிக்கு மேல், சுயேச்சை வேட்பாளர்களுக்கான சின்னங்கள் ஒதுக்கப்பட்டு, ஒவ்வொரு தொகுதியிலும் போட்டியிடும் இறுதி வேட்பாளர் பட்டியல் (Final Contestants List) அதிகாரப்பூர்வமாக வெளியிடப்படும்.

இதையும் படிங்க: நாட்டையே ஆள்கிறவருக்கு எவ்வளவு பவர் இருக்கும்! வில்லிவாக்கத்தில் எடப்பாடி பழனிசாமி 'பவர்ஃபுல்' பேச்சு!

முக்கிய மாவட்டங்களின் நிலவரம் சென்னை மற்றும் கோவை போன்ற பெரிய மாவட்டங்களில் கடும் போட்டி நிலவுகிறது: சென்னையில் 16 தொகுதிகளில் தாக்கல் செய்யப்பட்ட 628 மனுக்களில், 462 மனுக்கள் ஏற்றுக்கொள்ளப்பட்டுள்ளன. கோவையில் 10 தொகுதிகளில் தாக்கல் செய்யப்பட்ட 450 மனுக்களில், 201 மனுக்கள் மட்டுமே ஏற்றுக்கொள்ளப்பட்டுள்ளன (55% நிராகரிப்பு). ஈரோடட்டில் 8 தொகுதிகளில் 131 மனுக்கள் ஏற்கப்பட்டு, 71 மனுக்கள் நிராகரிக்கப்பட்டுள்ளன.

வாக்குப்பதிவு ஏப்ரல் 23, 2026 (வியாழக்கிழமை) நடைபெற உள்ளது, வாக்கு எண்ணிக்கை மே 04, 2026 (திங்கட்கிழமை) உள்ளது.

இறுதிப் பட்டியல் வெளியான பிறகு, தேர்தல் களம் மேலும் சூடுபிடிக்கும். கட்சித் தலைவர்கள் தங்களது தொகுதிகளில் இறுதி வேட்பாளர்களை உறுதி செய்த பின், இறுதிக்கட்டப் பரப்புரையை இன்னும் ஆக்ரோஷமாக முன்னெடுப்பார்கள் என எதிர்பார்க்கப்படுகிறது.

இதையும் படிங்க: 8 ஆயிரம் டோக்கன் கொடுத்தால் முதல்வர் பதவி தருவார்களா? ஆலந்தூரில் சீமான் நக்கல் பேச்சு!