அம்மா மக்கள் முன்னேற்றக் கழக பொதுச்செயலாளர் டிடிவி தினகரன், தாராபுரம் சட்டமன்றத் தொகுதி இடைத்தேர்தலில் நாம் தமிழர் கட்சி சார்பில் போட்டியிட்ட திருமதி கார்த்திகா உள்ளிட்ட அக்கட்சி நிர்வாகிகள் ஆறு பேர் கைது செய்யப்பட்டதை கடுமையாக கண்டித்துள்ளார். நாம் தமிழர் கட்சியின் தாராபுரம் தொகுதி வேட்பாளர் திருமதி கார்த்திகா, அவரது கணவர் உள்ளிட்ட ஆறு பேர் காவல்துறையினரால் கைது செய்யப்பட்டுள்ளதாக ஊடகங்களில் செய்திகள் வெளியாகியுள்ளன.

தேர்தல் பிரச்சாரத்தின் போது முதலமைச்சர் ஜோசப் விஜய் செல்லும் வழியில் பிரச்சாரம் மேற்கொண்டார் என்ற காரணத்திற்காகவே இவர்கள் கைது செய்யப்பட்டு சிறையில் அடைக்கப்பட்டுள்ளதாக டிடிவி தினகரன் குற்றம்சாட்டியுள்ளார். இது எதிர்க்கட்சியினர் மீதான தமிழ்நாடு வெற்றிக் கழக அரசின் பழிவாங்கல் நடவடிக்கை என்று அவர் விவரித்தார்.தமிழகத்தில் நாளுக்கு நாள் அதிகரித்து வரும் கொலை, கொள்ளை, பெண்களுக்கு எதிரான குற்றச் சம்பவங்களைத் தடுக்கவும், போதைப் பொருட்களின் நடமாட்டத்தைக் கட்டுப்படுத்தவும் காவல்துறையைப் பயன்படுத்த வேண்டும் என்று அவர் சுட்டிக்காட்டினார்.

ஆனால், எதிர்க்கட்சியினரைப் பழிவாங்கும் எண்ணத்துடன் அவர்களை கைது செய்து சிறையில் அடைக்க மட்டுமே காவல்துறை பயன்படுத்தப்படுவது அப்பட்டமான அதிகார துஷ்பிரயோகம் என்று தினகரன் கடுமையாக விமர்சித்தார்.சட்டத்தின் ஆட்சியை நிலைநாட்ட வேண்டிய பொறுப்புமிக்க காவல்துறையை அரசியல் விருப்பு வெறுப்புகளுக்காகப் பயன்படுத்துவதை உடனடியாக நிறுத்த வேண்டும் என்று அவர் வலியுறுத்தினார்.

இதையும் படிங்க: போதைப் பொருள் விஷயத்தில் தவெக நிர்வாகி..! மாரத்தான் ஓடி என்ன பயன்.? CM விஜய்க்கு TTV தினகரன் கண்டனம்..!!

கார்த்திகா உள்ளிட்ட நாம் தமிழர் கட்சி நிர்வாகிகள் அனைவர் மீதான கைது நடவடிக்கையையும் உடனடியாக கைவிட வேண்டும் என தமிழ்நாடு வெற்றிக் கழக அரசையும், முதலமைச்சர் ஜோசப் விஜயையும் அவர் வலியுறுத்தியுள்ளார்.எதிர்க்கட்சிகளின் சுதந்திரமான செயல்பாட்டைத் தடுக்கும் இத்தகைய நடவடிக்கைகள் ஜனநாயக விழுமியங்களுக்கு எதிரானவை என்று டிடிவி தினகரன் தனது கருத்தில் தெரிவித்துள்ளார்.

இதையும் படிங்க: "ஜி ராம் ஜி" ... 10 நாட்களுக்கும் மேலாக சம்பள நிலுவை..! குரல் கொடுத்த TTV தினகரன்..!!