திமுகவை "தீய சக்தி", "டப்பா இஞ்சின்", "துருப்பிடித்த வியூகம்" போன்ற சொற்களால் விஜய் தாக்கி பேசி இருந்தார். எடப்பாடி பழனிசாமி மற்றும் மு.க.ஸ்டாலின் ஆட்சிகளை ஒப்பிட்டு, எம்.ஜி.ஆர் மற்றும் கருணாநிதி காலங்களை நினைவுகூர்ந்து திமுகவின் செயல்பாடுகளை கேலி செய்தார். "பவள விழா பாப்பா", "பழைய டப்பா" போன்ற வார்த்தைகளால் திமுகவை கிண்டல் செய்து தொண்டர்களை உற்சாகப்படுத்தினார்.

கடந்த சில நாட்களாக அதிமுக குறித்து எந்த விமர்சனமும் முன்வைக்காத நிலையில், அதிமுகவை நேரடியாக பெயரிட்டு குறிப்பிடாமல், ஆனால் தெளிவாக குறிவைத்து விமர்சித்தது கவனத்தை ஈர்த்தது. 2026 சட்டமன்றத் தேர்தல் களத்தை விவரிக்கும்போது, "மும்முனை போட்டி, நான்கு முனை போட்டி என்று பேசுகிறார்கள். அவர்களைப் பொறுத்தவரை அப்படியே இருக்கட்டும்" என்று கூறிய விஜய், தவெகவை மாபெரும் மக்கள் சக்தி என்று விவரித்தார்.

பின்னர், நம்முடைய அணி ஒருபக்கம், திமுக தலைமையில் மற்ற கூட்டணி கட்சிகள் மறுபக்கம், அடுத்து பாஜக தலைமையில் மற்றும் பலர் என்று குறிப்பிட்டார். திமுக, அதிமுகவை ஊழல் கட்சி என்று விஜய் கூறி உள்ளார். விஜய் விமர்சனத்திற்கு அம்மா மக்கள் முன்னேற்ற கழகத்தின் பொதுச்செயலாளர் டிடிவி தினகரன் பதிலடி கொடுத்தார். திமுகவை வீழ்த்த வேண்டும் என்று கூறும் விஜய் அதை செய்யட்டும் என்றும் எம்ஜிஆரின் ஜெயலலிதாவையும் தனது ரோல் மாடல் என்று கூறிக்கொண்டு அதிமுக ஆட்சியில் ஊழல் ஆட்சி என்று விஜய் கூறுவதாக தெரிவித்துள்ளார்.

இதையும் படிங்க: டிடிவி OUT.. வேலுமணி IN..! பியூஷ் கோயலை சந்திக்க படையெடுக்கும் கூட்டணி கட்சிகள்..!

இத்தனை நாட்கள் அதிமுகவில் இருந்து விட்டு செங்கோட்டையன் அதிமுகவை ஊழல் கட்சி என்று கூறுவது தவறு என்று கூறியுள்ளார். விஜய் எங்களுக்கு எதிரி இல்லை என்றும் எங்களுக்கு ஒரே எதிரி திமுக தான் எனவும் தெரிவித்தார். அதுமட்டுமல்லாது இந்த பேட்டியின் போது அண்ணன் எடப்பாடி பழனிச்சாமி ஆட்சி என்று ttv தினகரன் குறிப்பிட்டு பேசியிருந்தார். கனிமொழி டெல்லிக்கு சென்றால் அனைவரும் அமைதியாக இருக்கிறார்கள் என்றும் ஆனால் எடப்பாடி பழனிச்சாமி டெல்லிக்கு போனால் அழுத்தம் என்று கூறுவதாகவும் தெரிவித்தார்.

இதையும் படிங்க: வாங்க..! சரித்திர வெற்றி படைப்போம்...! இபிஎஸ்க்கு நன்றி சொன்ன TTV தினகரன்..!