அரசுப் பணிகளுக்கான நேரடி நியமனங்களில் வயது உச்சவரம்பை 5 ஆண்டுகள் உயர்த்தி மாண்புமிகு தமிழ்நாடு முதலமைச்சர் திரு. சி. ஜோசப் விஜய் பிறப்பித்துள்ள உத்தரவு, இளைஞர்களின் எதிர்காலத்திற்குப் பெரும் நம்பிக்கையளிக்கும் வரலாற்றுச் சிறப்புமிக்க நடவடிக்கை என்று தமிழக வெற்றிக் கழகத்தின் (தவெக) தகவல் தொழில்நுட்ப அணி புகழாரம் சூட்டியுள்ளது.

தமிழகத்தில் போட்டித் தேர்வுகளுக்குத் தயாராகி வரும் பல்லாயிரக்கணக்கான இளைஞர்களின் நீண்ட நாள் கோரிக்கையை ஏற்று, குரூப் 1, குரூப் 2, குரூப் 2ஏ மற்றும் குரூப் 4 உள்ளிட்ட அனைத்து நேரடி நியமன அரசுப் பணிகளுக்கான வயது உச்சவரம்பை 5 ஆண்டுகள் உயர்த்தி முதலமைச்சர் விஜய் அதிரடி உத்தரவு பிறப்பித்தார்.

இது தொடர்பாக தவெக தகவல் தொழில்நுட்ப அணி வெளியிட்டுள்ள அறிக்கையில் தமிழகத்தில் அரசுப் பணிக்காகக் கடுமையான முயற்சிகளுடன் தயாராகி வரும் இளைஞர்களின் நலனை எப்போதும் முதன்மையாகக் கொண்டு செயல்பட்டு வருகிறது தவெக அரசு. அரசு வேலை என்ற உன்னதமான கனவோடு உழைக்கும் இளைஞர்களுக்குத் துணைநிற்கும் ஓர் அண்ணனாக, முதலமைச்சர் விஜய் இந்த வரலாற்று முடிவை எடுத்துள்ளார்.

இதையும் படிங்க: அரிசி விலை உயர்வு விவகாரம்: உதயநிதி ஸ்டாலினை கடுமையாக விமர்சித்த தவெக ஐடி விங்!

அரசு விதிகளின்படி நிர்ணயிக்கப்பட்ட வயது வரம்பு காரணமாகப் போட்டித் தேர்வுகளில் பங்கேற்கும் வாய்ப்பை இழந்துவிடும் சூழலில் இருந்த இளைஞர்களுக்கு இந்த உத்தரவு பெரும் நிம்மதியை அளித்துள்ளது. இதன்மூலம் அடுத்த 5 ஆண்டுகளுக்கு இளைஞர்கள் வயது முதிர்வைக் காரணம் காட்டி அரசுத் தேர்வுகளை எழுதும் வாய்ப்பை இழக்க மாட்டார்கள் என்பது உறுதி செய்யப்பட்டுள்ளது.

இளைஞர்களுக்கு அரசு வேலை பெற்றுத் தருவதாகக் கூறி லஞ்சத்திலும் ஊழலிலும் ஈடுபடாமல், அவர்களின் திறமைக்குரிய நேர்மையான வாய்ப்புகளை உருவாக்கித் தந்து எதிர்காலத்திற்குத் தன்னம்பிக்கையூட்டும் மக்கள் அரசாக தவெக அரசு தொடர்ந்து செயல்பட்டு வருகிறது. இளைஞர்களின் தேவையை அறிந்து செயல்படுத்தப்பட்டுள்ள இந்த ஆணை, முதலமைச்சர் விஜய் அவர்கள் இளைஞர் சமுதாயத்தின் மீது கொண்டுள்ள தனிப்பட்ட அக்கறையின் தெளிவான சான்றாகும் என்று தெரிவிக்கப்பட்டுள்ளது.

இதையும் படிங்க: மெட்ரோ பள்ளம் முதல் போதைப்பொருள் வரை பொறுப்பேற்பாரா? திமுக-வை வறுத்தெடுத்த தவெக ஐடி விங்!