தமிழக வெற்றிக் கழகத்தின் மூன்றாம் ஆண்டு தொடக்க விழா இன்று சென்னை அருகே பனையூரில் உள்ள கட்சித் தலைமை அலுவலகத்தில் மிகுந்த உற்சாகத்துடன் நடைபெற்றது. கட்சியின் தலைவரான நடிகர் விஜய் காலை 10.30 மணியளவில் கொடியேற்றி விழாவைத் தொடங்கி வைத்தார். பின்னர் கொள்கைத் தலைவர்களுக்கு மரியாதை செலுத்திய அவர், கட்சி நிர்வாகிகள் மற்றும் தொண்டர்களிடையே உரையாற்றினார்.

இந்த உரையில் திமுக, அதிமுக உள்ளிட்ட கட்சிகளை கடுமையாக விமர்சித்த அவர், பாஜக குறித்தும் குறிப்பிடத்தக்க விமர்சனங்களை முன்வைத்தார்.விஜய் தனது பேச்சில் தமிழகத்தில் திமுகவை வீழ்த்துவதற்கு பல்வேறு சக்திகள் முயற்சிப்பதாகவும், ஆனால் பாஜக தலைமையில் மற்றும் பலரும் இணைந்து கூட்டணி அமைத்தாலும் அதற்கு வாய்ப்பில்லை என்றும் தெரிவித்தார். "பாஜக தலைமையில் மற்றும் பலர்" என்று குறிப்பிட்டு, அதிமுகவை மறைமுகமாக சாடிய அதே சமயம், பாஜகவின் தலைமையில் அமையும் எந்த முயற்சியும் திமுகவை தோற்கடிக்க முடியாது என்று வலியுறுத்தினார்.

தவெக மட்டுமே மக்கள் சக்தியுடன் திமுகவை எதிர்கொள்ள முடியும் என்றும், விசில் சின்னத்தில் தவெக ஆட்சி அமைக்கும் என்றும் நம்பிக்கை தெரிவித்தார். கட்சியின் மூன்றாம் ஆண்டு விழாவில் பாடகர் வேல்முருகன் நிகழ்ச்சி நடைபெற்றது. அப்போது மேடையில் ஏறிய விஜய் வேல்முருகன் மற்றும் ஒரு குழந்தையுடன் நடனமாடியிருந்தார்.

இதையும் படிங்க: விஜய் என்ன உத்தமரா? கருப்பு பணத்தை பதுக்கி வெச்சவரு தானே? திண்டுக்கல் சீனிவாசன் விமர்சனம்..!

இந்த காட்சிகள் சமூக வலைதளங்களில் வைரலாகியது. தமிழக பாஜக தலைவர் நைனார் நாகேந்திரன் செய்தியாளர்களை சந்தித்தார். அப்போது, விஜய்க்கு டான்ஸ் ஆட தான் தெரியும் என்றும் வேறு எதுவுமே ஒரு தலைவராக தெரியாது எனவும் விமர்சித்துள்ளார். பாஜக கூட்டணி குறித்து விஜய் பேசியதற்கு நயினார் நாகேந்திரன் பதிலடி கொடுத்துள்ளார். பாஜக கூட்டணியில் உள்ள கட்சிகளின் பெயர்களையும் பட்டியலிட்டு இருந்தார்.

இதையும் படிங்க: மிகச்சிறந்த காமெடியன் விஜய்... முதல்வரை சீண்டியதால் டி கே எஸ் இளங்கோவன் பதிலடி...!