எதிர்க்கட்சித் தலைவர் உதயநிதி ஸ்டாலின் இன்று விவசாயிகளின் நலன் தொடர்பாக கடும் கண்டனம் தெரிவித்துள்ளார். குறுவை சிறப்புத்தொகுப்பு அறிவிக்கப்பட்டு இரண்டு மாதங்கள் கடந்துவிட்ட நிலையிலும் அந்த நிதி விவசாயிகளைச் சென்று சேராமல் இருப்பது கடும் கண்டனத்துக்குரியது என்று அவர் கூறியுள்ளார். விவசாயிகள் எதிர்கொள்ளும் பிரச்சினைகளை அரசு உரிய முறையில் கையாளாமல் மெத்தனப் போக்கோடு நடந்து கொள்வதாகவும் அவர் குற்றம்சாட்டியுள்ளார்.

மேட்டூர் அணையில் இருந்து ஜூன் 12-ஆம் தேதி தண்ணீர் திறக்கப்படாத காரணத்தால் குறுவை சாகுபடி முழுமையாக பாதிக்கப்பட்டுள்ளது. இதனால் விவசாயிகள் பெரும் இழப்பை சந்தித்துள்ளனர். இந்த நிலையில் விவசாயிகளுக்கு அரசு உடனடியாக வறட்சி நிவாரணம் வழங்க வேண்டும் என்று நான் ஏற்கனவே சட்டப்பேரவையில் வலியுறுத்திப் பேசியிருந்தேன். அப்போது வறட்சி நிவாரணம் பற்றிக் கேட்டபோது, குறுவை சிறப்புத்தொகுப்புக்காக நிதி ஒதுக்கப்பட்டுள்ளதாக முதலமைச்சர் விளக்கம் அளித்தார்.

ஆனால் அவர் ஒதுக்கியதாகக் கூறிய அந்த நிதி இன்றுவரை விவசாயிகளைச் சென்றடையவில்லை. இது விவசாயிகளுக்கு பெரும் ஏமாற்றத்தை அளித்துள்ளது.இந்தத் தகவல்கள் ஊடகங்களில் ஏற்கனவே வெளியாகியுள்ளன. ஆயினும் இந்த அரசு அதைக் கவனித்ததா அல்லது வழக்கம்போல விவசாயிகளின் பிரச்சினையில் அலட்சியம் காட்டுகிறதா என்ற கேள்வி எழுகிறது. எம்.எல்.ஏ.க்களுக்குக் கார் வாங்குவதில் காட்டும் வேகத்தை விவசாயிகளுக்கான நிதியைக் கொண்டு சேர்ப்பதில் இந்த அரசு காட்டியிருக்க வேண்டும். ஆனால் அப்படி நடக்கவில்லை. விவசாயிகளின் நலனில் அக்கறையின்றி தொடர்ந்து மெத்தனப் போக்கோடு நடந்து கொள்வது ஏற்புடையது அல்ல என்று உதயநிதி ஸ்டாலின் தெரிவித்துள்ளார்.

இதையும் படிங்க: சட்டமன்றமா.? சூப்பர் சிங்கர் நிகழ்ச்சியா.? சட்டப்பேரவை நிகழ்வுகளை விமர்சித்த உதயநிதி.!!

குறுவை பயிர் சாகுபடி தமிழக விவசாயிகளுக்கு முக்கியமான பருவமாகும். தண்ணீர் பற்றாக்குறையால் இந்த ஆண்டு சாகுபடி பாதிக்கப்பட்ட நிலையில், அரசு அறிவித்த சிறப்புத்தொகுப்பு உடனடியாக விவசாயிகளின் கைகளில் சேர வேண்டும். ஆனால் இரண்டு மாதங்கள் கடந்தும் அது நடைமுறைப்படுத்தப்படாதது அரசின் செயல்பாட்டில் உள்ள குறைபாடுகளை வெளிப்படுத்துகிறது. விவசாயிகள் தங்கள் உழைப்பால் நாட்டின் உணவுப் பாதுகாப்பை உறுதி செய்கிறார்கள். அவர்களின் வாழ்வாதாரம் பாதிக்கப்படும்போது அரசு உடனடி நடவடிக்கை எடுக்க வேண்டும். ஆனால் தற்போதைய நிலைமை அதற்கு மாறாக உள்ளது.இந்த விவசாயிகள் விரோத அணுகுமுறை தொடர்ந்தால் விவசாயத் துறை மேலும் பாதிப்படையும். குறுவை சிறப்புத்தொகுப்பு நிதி விவசாயிகளுக்குச் சென்று சேர இந்த அரசு உடனடியாக நடவடிக்கை எடுக்க வேண்டும் என்று உதயநிதி ஸ்டாலின் வலியுறுத்தியுள்ளார். 

இதையும் படிங்க: துரைமுருகனுக்கு அடுத்து யார்? உதயநிதியை சுற்றி புதிய பதவி பேச்சு.. அறிவாலயத்தில் பரபரப்பு!