அமெரிக்க அதிபர் டொனால்டு ட்ரம்ப், உக்ரைன் அதிபர் வோலோடிமிர் ஜெலன்ஸ்கிக்கு ஒரு குட்டு வச்சிருக்கார். "நேட்டோ அமைப்புல உக்ரைன் இணையக் கூடாது"ன்னு திட்டவட்டமா சொல்லியிருக்கார். இந்த அறிவிப்பு, ரஷ்ய அதிபர் விளாடிமிர் புடினோட நிலைப்பாட்டுக்கு ஆதரவா இருக்குன்னு பேச்சு அடிபடுது. இதோட, இன்னைக்கு வாஷிங்டன்ல ஜெலன்ஸ்கி, ட்ரம்பை சந்திக்கப் போறார். இந்த சந்திப்பு உக்ரைன்-ரஷ்யா போருக்கு ஒரு திருப்புமுனையா இருக்குமா, இல்ல மறுபடியும் மோதலா முடியுமான்னு உலகமே உத்து பார்க்குது.

உக்ரைன், கிழக்கு ஐரோப்பாவுல இருக்குற ஒரு நாடு. 2022-ல இந்த நாடு, நேட்டோன்னு சொல்லப்படுற சர்வதேச ராணுவ கூட்டமைப்புல இணைய முயற்சி செஞ்சது. இதுக்கு காரணம், ரஷ்யா தங்கள் நாட்டை ஆக்கிரமிக்கும்னு ஜெலன்ஸ்கிக்கு பயம். ஆனா, இதுக்கு ரஷ்ய அதிபர் புடின் கடுமையா எதிர்ப்பு தெரிவிச்சு, "நேட்டோவுல இணைஞ்சா உங்க நாட்டு இறையாண்மைக்கு ஆபத்து, போர் தொடுப்போம்"னு மிரட்டினார். 

ஜெலன்ஸ்கி பின்வாங்கல. அதனால, 2022 பிப்ரவரில ரஷ்யா உக்ரைன் மேல போர் தொடுத்தது. மூணு வருஷத்துக்கும் மேல நடக்குற இந்தப் போர்ல, இதுவரை 13,000-க்கும் மேல உக்ரைன் மக்கள், அதுல 700-க்கு மேல குழந்தைகள் இறந்துட்டாங்கன்னு ஐ.நா. சொல்லுது. ரஷ்யாவோட பாதிப்பு பத்தி தகவல் இல்லை.

இதையும் படிங்க: ட்ரம்பை சந்திக்கும் ஜெலன்ஸ்கி!! ரஷ்யா ஆட்டத்திற்கு முடிவா? நெருக்கடிகளை சமாளிக்குமா உக்ரைன்!!

இந்தப் போர்ல, உக்ரைனோட கிழக்கு பகுதிகளான டொனெட்ஸ்க், லுஹான்ஸ்க் ஆகியவை ரஷ்யாவோட கைவசம் போய்டுச்சு. இன்னும் சில இடங்களையும் ரஷ்யா கைப்பற்றினாலும், உக்ரைன் சில பகுதிகளை மீட்டுடுச்சு. ஆனா, இந்தப் போர் இன்னும் ஓயல.

கடந்த வாரம், அலாஸ்காவுல ட்ரம்பும் புடினும் சந்திச்சு பேசினாங்க. இந்தப் பேச்சுவார்த்தையில ஒரு முழு உடன்பாடு எட்டப்படலன்னாலும், "பெரிய முன்னேற்றம் இருக்கு"ன்னு ரெண்டு பேரும் சொன்னாங்க. இதைத் தொடர்ந்து, ட்ரம்ப் தன்னோட ட்ரூத் சோஷியல் தளத்துல ஒரு பதிவு போட்டு, "ஜெலன்ஸ்கி விரும்பினா, ரஷ்யாவோட போரை உடனடியாக முடிச்சிடலாம். இல்லேன்னா தொடர்ந்து போராடலாம். 2014-ல ஒபாமா காலத்துல கிரிமியாவை ரஷ்யா எடுத்துக்கிட்டதை மீட்க முடியாது. நேட்டோவுல உக்ரைன் இணையவே கூடாது. சில விஷயங்கள் மாறவே மாறாது"ன்னு தெளிவா சொல்லியிருக்கார். இது ரஷ்யாவோட நீண்ட நாள் கோரிக்கையோட ஒத்துபோகுது.

இன்னைக்கு வாஷிங்டன்ல ஜெலன்ஸ்கி, ட்ரம்பை சந்திக்கப் போறார். ஆனா, இந்த முறை ஜெலன்ஸ்கி தனியா வரல. ஐரோப்பிய யூனியன் தலைவர் உருசுலா வான் டேர், ஜெர்மனி பிரதமர் பிரெட்ரிச் மெர்ஸ், பிரான்ஸ் அதிபர் இம்மானுவேல் மேக்ரான், பின்லாந்து அதிபர் அலெக்சாண்டர் ஸ்டப், இங்கிலாந்து பிரதமர் கெய்ர் ஸ்டார்மர், இத்தாலி பிரதமர் ஜியோர்ஜியா மெலோனி, நேட்டோ செயலாளர் மார்க் ரூட்டான்னு ஒரு பெரிய கூட்டணியே ஆதரவுக்கு வந்திருக்கு. 

ஏன்னா, கடந்த பிப்ரவரி 28-ல ட்ரம்பும் ஜெலன்ஸ்கியும் சந்திச்சப்போ, ட்ரம்ப் காரசாரமா பேசி, "நீங்க ரஷ்யாவுக்கு முன்னாடி பெரிய ஆளு இல்ல"னு கடிஞ்சதால, ஜெலன்ஸ்கி கோபமா பாதியில வெளியேறிட்டார். இந்த முறை அப்படி ஒரு மோதல் வரக் கூடாதுன்னு ஐரோப்பிய நாடுகள் உஷாரா இருக்காங்க.

இந்த சந்திப்புல, ரஷ்யா கைப்பற்றிய டொனெட்ஸ்க், லுஹான்ஸ்க் பகுதிகளை விட்டுத்தர்றது, உக்ரைனுக்கு அமெரிக்கா கொடுத்த பல லட்சம் கோடி ராணுவ உதவிக்கு பதிலா, உக்ரைனோட அரிய கனிமங்களை அமெரிக்காவுக்கு பயன்படுத்த அனுமதிக்கிறது பத்தி பேச்சு நடக்கும்னு சொல்றாங்க. 

ஆனா, ஜெலன்ஸ்கி இதுக்கு ஒத்துக்குவாரான்னு பெரிய கேள்வி. உக்ரைன் தன்னோட நிலங்களையும், இறையாண்மையையும் விட்டுக்கொடுக்க தயாரா இல்ல. மேலும், நேட்டோ மாதிரி ஒரு பாதுகாப்பு உத்தரவாதம் இல்லாம போர் நிறுத்தத்துக்கு ஒத்துக்க மாட்டார்னு சொல்றார்.

இந்த சந்திப்பு உக்ரைன்-ரஷ்யா போருக்கு ஒரு முக்கியமான திருப்பமா இருக்கலாம். ஆனா, ட்ரம்ப் சொல்ற மாதிரி உக்ரைன் நேட்டோவுல இணையாம, கிரிமியாவையும், டொனெட்ஸ்க், லுஹான்ஸ்கையும் விட்டுக்கொடுக்க ஒத்துக்கலைன்னா, மறுபடியும் வார்த்தை மோதல் வரலாம். ஐரோப்பிய நாடுகள், "எந்த முடிவும் உக்ரைன் இல்லாம எடுக்கக் கூடாது"னு உறுதியா சொல்றாங்க. இந்த சந்திப்பு உலக அரசியலுக்கு ஒரு மைல்கல்லா இருக்குமா, இல்ல மறுபடியும் பதட்டத்தை அதிகப்படுத்துமான்னு பார்ப்போம்!!
 

இதையும் படிங்க: போர் நிறுத்தத்தை ஏற்க மறுக்கும் ரஷ்யா!! இது சிக்கலான சூழ்நிலை என ஜெலன்ஸ்கி காட்டம்!!