சென்னை ராயபுரம் தொகுதியில் தமிழக வெற்றிக் கழகம் சார்பில் போட்டியிட்டு வெற்றி பெற்ற புதிய எம்எல்ஏ கே.வி. விஜய் தாமு தனது பிறந்தநாளை கொண்டாடிய விதம் பெரும் சர்ச்சையை ஏற்படுத்தியுள்ளது. முன்பு ஆட்டோ ஓட்டுநராக பணியாற்றிய அவர், தவெகவின் அமோக வெற்றியில் ஒரு முக்கிய உதாரணமாக உருவெற்றார். ஆனால், அவரது பிறந்தநாள் கொண்டாட்ட வீடியோ சமூக ஊடகங்களில் வைரலாகி, கட்சி ஆதரவாளர்கள் மற்றும் எதிர்க்கட்சியினர் இடையே கடும் விமர்சனங்களுக்கு வழிவகுத்துள்ளது.
தமிழ்நாடு சட்டமன்றத் தேர்தலில் தவெக தனிப்பெரும் கட்சியாக உருவெடுத்த நிலையில், ராயபுரம் தொகுதியில் விஜய் தாமு பெரும் வாக்கு வித்தியாசத்தில் வெற்றி பெற்றார். முன்னாள் அமைச்சர் டி. ஜெயகுமார் உள்ளிட்ட அரசியல் பெரும்புள்ளிகளை தோற்கடித்த அவரது வெற்றி, கட்சியின் புதிய அரசியல் அலையை பிரதிபலிப்பதாக பார்க்கப்பட்டது. இந்நிலையில், அவரது பிறந்தநாள் விழாவில் நடந்த சம்பவம் எல்லோரையும் அதிர்ச்சியில் ஆழ்த்தியது.
விழாவில் விஜய் தாமுவுக்கு அவரது ஆதரவாளர்கள் ஒரு பெரிய கேக்கை தயார் செய்திருந்தனர். அப்போது, ஒரு ஆதரவாளர் வாள் ஒன்றைகொடுத்தார். விஜய் தாமு அதை உயர்த்திக் காட்டி, கேக்கை வாளால் வெட்டி கொண்டாடினார். இந்தக் காட்சி உடனடியாக வீடியோவாக பதிவாகி சமூக ஊடகங்களில் பரவியது.
இதையும் படிங்க: #BREAKING: #TNElectionResults2026: ஆட்டோ ஓட்டுநர் TO MLA..! ராயபுரத்தில் விஜய் தாமு வெற்றி..!! டெபாசிட் இழந்த ஜெயக்குமார்..!!
கட்சியின் நிர்வாகி லயோலா மணி இந்த செயலை தடுக்க முயன்றார் என்றும், ஆனால் விஜய் தாமு அதை பொருட்படுத்தாமல் தொடர்ந்தார் என்றும் தகவல்கள் தெரிவிக்கின்றன. இந்த சம்பவம் தவெகவின் புதிய ஆட்சி மற்றும் கட்சி பிம்பத்தை பாதிக்கும் வகையில் இருப்பதாக பலர் விமர்சித்தனர்.
இதற்கு TVK விர்ச்சுவல் வாரியர்ஸ் கண்டனம் தெரிவித்துள்ளது. MLA தான் ஆயிருக்கீங்க...ராஜா கிடையாது நீங்கல்லாம்...மத்த கட்சிக்காரன் மாதிரி நீங்க எது பண்ணாலும் முட்டு கொடுக்குற கூட்டம் இல்ல இது..கொஞ்சம் அடக்கி வாசிங்க என்று கூறியுள்ளது. ஆரம்பத்துலேயே இவங்க தொடைய ராவி விட்டாத்தான் ஒழுங்கா இருப்பாங்க.. என்றும் விஜய் பெயரை கெடுக்கும் வகையில் யார் நடந்து கொண்டாலும் யாராக இருந்தாலும் பார்த்துக் கொண்டு சும்மா இருக்க மாட்டோம் என தெரிவிக்கப்பட்டுள்ளது.
இதையும் படிங்க: தலைமைச் செயலகத்தில் செங்கோட்டையன்..! சட்டமன்ற செயலாளருடன் தீவிர ஆலோசனை..!