தமிழக அரசியல் களத்தில் ஆளும் தமிழக வெற்றிக் கழகத்தின் தலைவரும் முதலமைச்சருமான விஜய், வரவிருக்கும் இடைத்தேர்தலில் நேரடியாக களமிறங்கத் தயாராகி வருகிறார். மதுராந்தகம் மற்றும் தாராபுரம் ஆகிய இரு சட்டமன்றத் தொகுதிகளுக்கான இடைத்தேர்தல் அக்டோபர் 6ஆம் தேதி நடைபெற உள்ள நிலையில், இந்த இரு தொகுதிகளிலும் விஜய் தீவிர பிரச்சாரத்தை மேற்கொள்ளவுள்ளதாக தகவல்கள் வெளியாகி உள்ளன.

ஒரு தொகுதிக்கு இரண்டு நாட்கள் வீதம் மொத்தம் நான்கு நாட்கள் அவர் பிரச்சாரத்தில் ஈடுபட திட்டமிடப்பட்டுள்ளது. மதுராந்தகத்தில் இரண்டு நாட்களும் தாராபுரத்தில் இரண்டு நாட்களும் அவர் நேரடியாக மக்களை சந்தித்து வாக்குகளை திரட்டவுள்ளார். இதற்கான துல்லியமான தேதி விரைவில் அறிவிக்கப்பட வாய்ப்புள்ளது.இந்த இடைத்தேர்தல், தமிழக அரசியலில் ஒரு முக்கியமான சோதனையாக பார்க்கப்படுகிறது. கடந்த சட்டமன்றத் தேர்தலில் அதிமுக சார்பில் வெற்றி பெற்ற மரகதம் குமரவேல் மதுராந்தகத்திலும், சத்யபாமா தாராபுரத்திலும் வெற்றி பெற்றனர்.

பின்னர் அவர்கள் தங்கள் பதவிகளை ராஜினாமா செய்து தமிழக வெற்றிக் கழகத்தில் இணைந்ததால் இந்த இரண்டு தொகுதிகளும் காலியாயின. இதையடுத்து தேர்தல் ஆணையம் இடைத்தேர்தலை அறிவித்தது. தற்போது இந்த இரு தொகுதிகளிலும் தமிழக வெற்றிக் கழகம் அதே வேட்பாளர்களை மீண்டும் களமிறக்கியுள்ளது. மரகதம் குமரவேல் மதுராந்தகத்திலும், சத்யபாமா தாராபுரத்திலும் போட்டியிடுகின்றனர். இதனால் ஆளும் கட்சிக்கு இந்த இடைத்தேர்தல் ஒரு கௌரவப் போராக மாறியுள்ளது.விஜய்யின் பிரச்சாரம் இந்த தேர்தலின் தன்மையையே மாற்றிவிடும் என அரசியல் வட்டாரங்கள் கருதுகின்றன. அவர் மதுராந்தகத்திலும் தாராபுரத்திலும் நேரடியாக மக்களைச் சந்தித்து கட்சியின் சாதனைகளையும், எதிர்காலத் திட்டங்களையும் விளக்கவுள்ளார்.

இதையும் படிங்க: லண்டன் முதலீடுகள்.. புதிய திட்டங்கள்..! எகிறும் எதிர்ப்பார்ப்பு...! உயரதிகாரிகளுடன் முதல்வர் விஜய் ஆலோசனை..!

தொகுதி மக்களின் அன்றாடப் பிரச்சினைகள், வளர்ச்சித் திட்டங்கள், சமூக நீதி தொடர்பான உறுதிமொழிகள் ஆகியவற்றை முன்னிறுத்தி அவர் பேசுவார் என எதிர்பார்க்கப்படுகிறது. ஒவ்வொரு தொகுதியிலும் இரண்டு நாட்கள் என நீண்ட நேரம் அவர் தங்கியிருந்து உள்ளூர் பிரச்சினைகளைக் கேட்டுக்கொண்டு, வாக்காளர்களுடன் நேரடி உரையாடல் நடத்தவுள்ளார். இது கட்சிப் பணியாளர்களுக்கு பெரும் உத்வேகத்தை அளிக்கும் என்பதுடன், வாக்காளர்களிடையேயும் வலுவான தாக்கத்தை ஏற்படுத்தும்.இந்த இடைத்தேர்தலில் பல கட்சிகள் களமிறங்கியுள்ளன. திமுக, அதிமுக, நாம் தமிழர் கட்சி மற்றும் இடதுசாரிக் கட்சிகள் தனித்தனியே வேட்பாளர்களை நிறுத்தியுள்ளன. இதனால் ஐந்து கோணப் போட்டியாக உருவெடுத்துள்ளது. ஆளும் தமிழக வெற்றிக் கழகத்திற்கு இது ஆட்சி அமைந்த பிறகு முதல் தேர்தல் சோதனையாக அமைந்துள்ளதால், முதல்வர் விஜய்யின் நேரடிப் பிரச்சாரம் மிகவும் முக்கியமானதாகக் கருதப்படுகிறது. 

இதையும் படிங்க: #BREAKING கிரீன் சிக்னல் காட்டிய ஆளுநர் அர்லேகர்... லண்டனில் இருந்து திரும்பிய மறுநாளே சி.எம். விஜய்க்கு குட்நியூஸ்...!