2026 தமிழக சட்டமன்றத் தேர்தல் தமிழ்நாட்டின் அரசியல் வரலாற்றில் ஒரு திருப்புமுனையாக அமைந்தது. திரைப்பட நடிகர் ஜோசப் விஜய் தொடங்கிய தமிழக வெற்றிக் கழகம் (TVK) தனது முதல் தேர்தலிலேயே 108 இடங்களை கைப்பற்றி ஒற்றைப் பெரிய கட்சியாக உருவெடுத்தது. இதன் மூலம் 59 ஆண்டுகால திராவிடக் கட்சிகளின் ஆதிக்கத்துக்கு முற்றுப்புள்ளி வைக்கப்பட்டது.
தேர்தல் முடிவுகள் அறிவிக்கப்பட்ட மே 4 அன்று, TVK ஆட்சி அமைக்கும் சூழல் உருவானது. இந்தப் பின்னணியில், எதிர்க்கட்சியாக இருந்த அனைத்திந்திய அண்ணா திராவிட முன்னேற்றக் கழகம் (அதிமுக) மூன்றாம் இடத்துக்கு தள்ளப்பட்டு பெரும் வீழ்ச்சியை சந்தித்தது. இந்த மாற்றம் தமிழக அரசியலின் புதிய அத்தியாயத்தைத் தொடங்கியுள்ளது.
தேர்தல் முடிவுகளின்படி, TVK 108 தொகுதிகளில் வெற்றி பெற்றது. DMK 59 இடங்களுடன் இரண்டாவது இடத்தைப் பிடித்தது. அதிமுக 47 இடங்களுடன் மூன்றாவது இடத்துக்கு தள்ளப்பட்டது. தமிழகவற்றைக் கழகம் ஆட்சி அமைத்திருக்கும் நிலையில் நமக்கு எதிரி தவெக இல்லை, திமுக தான் நமது உண்மையான எதிாி என்று அதிமுக பொதுச்செயலாளர் எடப்பாடி பழனிச்சாமி தெரிவித்தார்.
இதையும் படிங்க: "அரசியல் அனாதை திமுக"..! அதிமுக ஒழியனும்னு எடப்பாடி நினைக்கிறாரு..! சவுக்கு சங்கர் பகிரங்க குற்றச்சாட்டு..!
அதிமுகவின் மாவட்ட செயலாளர் கூட்டத்தில் கலந்து கொண்டு பேசிய அவர் இதனை தெரிவித்தார். தவெகவின் வெற்றி நிலைக்காது, அடுத்து எப்போது தேர்தல் வந்தாலும் நாம் தான் ஜெயிப்போம் என்று தெரிவித்தார். வாக்குப்பதிவுக்கு முந்தைய கடைசி 3 நாட்களில் தான் அதிமுக தனது வெற்றியை பறிகொடுத்து விட்டது என்றும் எடப்பாடி பழனிச்சாமி ஆதங்கத்தை வெளிப்படுத்தினார்.
இதையும் படிங்க: சிங்கப் பெண் படையின் முதல் வழக்கே ஆளுங்கட்சி உடையதா.? தெம்பு, திராணி இருக்கா..? இபிஎஸ் கேள்வி..!