தமிழக சட்டமன்றத் தேர்தலுக்கான வாக்குப்பதிவு வரும் ஏப்ரல் 23-ம் தேதி நடைபெற உள்ளது. மே 4-ம் தேதி வாக்கு எண்ணிக்கை நடைபெறும். மொத்தம் 234 தொகுதிகளில் 4,023 வேட்பாளர்கள் களத்தில் உள்ளனர். தி.மு.க., அ.தி.மு.க., நாம் தமிழர் கட்சி, தமிழக வெற்றிக் கழகம் உள்ளிட்ட கட்சிகள் இடையே நான்கு முனைப் போட்டி கடுமையாக நிலவுகிறது.

தேர்தல் நெருங்கி வரும் நிலையில், அரசியல் கட்சித் தலைவர்கள் தீவிர பிரசாரத்தில் ஈடுபட்டுள்ளனர். தமிழகம் முழுவதும் வீதி வீதியாக பிரசாரம் அனல் பறக்கிறது. முதலமைச்சர் மு.க.ஸ்டாலின், அ.தி.மு.க. பொதுச்செயலாளர் எடப்பாடி பழனிசாமி, நாம் தமிழர் கட்சி தலைமை ஒருங்கிணைப்பாளர் சீமான், த.வெ.க. தலைவர் விஜய் உள்ளிட்டோர் தொடர்ந்து வாக்கு சேகரிப்பில் ஈடுபட்டு வருகின்றனர்.

இந்த அனல் பறக்கும் பிரசாரம் நாளை மாலை 5 மணியுடன் ஓய்வு பெறுகிறது. முதலமைச்சர் மு.க.ஸ்டாலின் தனது கொளத்தூர் தொகுதியிலும், எடப்பாடி பழனிசாமி சேலம் எடப்பாடி தொகுதியிலும், விஜய் சென்னை நந்தனம் தொகுதியிலும் பிரசாரத்தை நிறைவு செய்ய உள்ளனர்.

இதையும் படிங்க: தமிழகம் வருகிறார்  ராகுல் காந்தி ! சனிக்கிழமை மூன்று தொகுதிகளில் சூறாவளி பிரச்சாரம்!

அண்ணா நகர், விருகம்பாக்கம், மதுரவாயல் தொகுதிகளில் வாக்கு சேகரித்தேன்.

மக்களே நமது #DravidianModel-இன் திட்டங்களைப் பட்டியலிட்டு “எங்க ஓட்டு எப்பவுமே தி.மு.க.வுக்குதான்” என வெற்றியை உறுதிசெய்வது மகிழ்ச்சியளிக்கிறது.#VoteForDMK #ChennaiWithDMK pic.twitter.com/gQy5x8OH73

— M.K.Stalin - தமிழ்நாட்டை தலைகுனிய விடமாட்டேன் (@mkstalin) April 20, 2026

இன்று காலையில் சென்னை அண்ணா நகரில் உள்ள டவர் பூங்காவில் நடைபயிற்சி மேற்கொண்ட முதலமைச்சர் மு.க.ஸ்டாலின், அந்தத் தொகுதி தி.மு.க. வேட்பாளர் சிற்றரசை ஆதரித்து வாக்கு சேகரித்தார். பூங்காவில் கூடியிருந்த பொதுமக்கள் முதலமைச்சருக்கு உற்சாக வரவேற்பு அளித்தனர். பலரும் ஆர்வமாக அவருடன் செல்பி புகைப்படம் எடுத்துக்கொண்டனர்.

அதன்பிறகு மதுரவாயல் தொகுதி வேட்பாளர் காரப்பாக்கம் கணபதியை ஆதரித்தும், எம்.ஜி.ஆர். நகர் மார்க்கெட் பகுதியில் விருகம்பாக்கம் தொகுதி வேட்பாளர் பிராபகர் ராஜாவை ஆதரித்தும் முதலமைச்சர் வாக்கு சேகரித்தார். கலைஞர் கருணாநிதி நகரில் நடந்து சென்றபடியே அவர் தீவிர வாக்கு சேகரிப்பில் ஈடுபட்டார். எல்லா இடங்களிலும் மக்கள் உற்சாகமாக வரவேற்று ஆதரவு தெரிவித்தனர்.

தனது எக்ஸ் பக்கத்தில் முதலமைச்சர் மு.க.ஸ்டாலின் பதிவிட்டுள்ளார்: “அண்ணா நகர், விருகம்பாக்கம், மதுரவாயல் தொகுதிகளில் வாக்கு சேகரித்தேன். மக்கள் நமது #DravidianModel திட்டங்களைப் பட்டியலிட்டு, ‘எங்க ஓட்டு எப்பவுமே தி.மு.க.வுக்குத்தான்’ என வெற்றியை உறுதி செய்கிறார்கள். இது மிகுந்த மகிழ்ச்சியை அளிக்கிறது.”

தேர்தல் முடிவுக்கு இன்னும் சில நாட்களே உள்ள நிலையில், அனைத்துக் கட்சிகளும் கடைசி கட்ட பிரசாரத்தை தீவிரப்படுத்தியுள்ளன. மக்களின் ஆதரவு எப்படி இருக்கும் என்பது ஏப்ரல் 23-ம் தேதி வாக்குப்பதிவுக்குப் பிறகு தெரியவரும்.

இதையும் படிங்க: சேலத்தில் பிரம்மாண்டமான ‘இந்தியா’ கூட்டணி சாலைவலம்! ஸ்டாலின், கமல், பிரேமலதா ஒன்றாக நடைபயணம்!