தமிழக அரசியல் 2026 சட்டமன்றத் தேர்தலை நோக்கி வேகமாக நகர்ந்து கொண்டிருக்கும் நிலையில், பாமக நிறுவனர் டாக்டர் ராமதாஸ் தலைமையிலான பாமக இப்போது பெரும் இக்கட்டில் சிக்கியுள்ளது. 5-8% வாக்கு வங்கியுடன் கெத்தாக இருந்த ராமதாஸ் தரப்புக்கு கூட்டணி வாய்ப்பு கிடைக்காமல் திணறல் ஏற்பட்டுள்ளது.
திமுக கூட்டணியில் இணைய தைலாபுரம் தரப்பு தூது அனுப்பியது. ஆனால் அறிவாலயம் தரப்பிலிருந்து “கூட்டணி ஹவுஸ் ஃபுல், இடமில்லை” என்ற செம ஷார்ப் பதில் வந்தது. அதோடு விசிக தலைவர் திருமாவளவன் “பாமக வந்தால் நாங்கள் வெளியேறுவோம்” என கடும் எதிர்ப்பு தெரிவித்ததால், திமுக ராமதாஸை ஒதுக்கிவிட்டது.
அதன்பிறகு நடிகர் விஜய்யின் தமிழக வெற்றிக் கழகத்தை (தவெக) குறிவைத்து ராமதாஸ் மகள் ஸ்ரீகாந்தி பரசுராமன் பேச்சுவார்த்தை நடத்தினார். “ஐயாவும் நீங்களும் சேர்ந்தால் களம் வேற லெவல்” என டீல் பேசப்பட்டது.
இதையும் படிங்க: எடப்பாடியாரை சந்தித்த ராமதாஸ் தரப்பு!! கூட்டணியில் இணைய அச்சாரம்! அப்போ அன்புமணி கதி?!
ஆனால் விஜய் தரப்பு “தனித்து நிற்கிறோம், கூட்டணி சான்ஸே இல்லை” என்று ரிஜெக்ட் செய்தது. “எங்கள் சப்போர்ட் தாழ்த்தப்பட்ட மக்களிடமிருந்து வருகிறது. உங்களுடன் சேர்ந்தால் அதுவும் போய்விடும்” என தெளிவாக சொல்லிவிட்டனர்.
இரு இடங்களிலும் தோல்வியடைந்த ராமதாஸ் செம டென்ஷனில் இருப்பதாக தைலாபுரம் வட்டாரங்கள் கூறுகின்றன. இந்நிலையில், மீண்டும் பழக்கமான அதிமுக பக்கமே திரும்பியுள்ளார். மகன் அன்புமணி ராமதாஸ் ஏற்கனவே அதிமுக கூட்டணியில் இருப்பதால், அந்த வழியில் சமாதானம் செய்து இணைய முடிவு எடுத்துள்ளார்.
இதற்காக முன்னாள் அமைச்சர்கள் சி.வி. சண்முகம், கே.பி. அன்பழகன் ஆகியோர் களமிறங்கியுள்ளனர். ராமதாஸ் - அன்புமணி இடையேயான ஈகோ யுத்தத்தை முடிவுக்கு கொண்டு வந்து, பழையபடி அதிமுக கூட்டணியில் இணைக்க முயற்சி நடக்கிறது. “அரசியலில் இதெல்லாம் சாதாரணம்” என்றாலும், ராமதாஸுக்கு இது பெரும் ‘செக்’ ஆகியுள்ளது.
பாமகவின் 5-8% வாக்கு வங்கி எந்த அணிக்கு செல்லும் என்பது தேர்தல் கணக்கில் மிக முக்கியம். ராமதாஸ் இறுதியில் அதிமுகவுடன் இணைந்தால், தென் மாவட்டங்களில் கூட்டணி பலம் அதிகரிக்கும். இல்லையென்றால் தனித்து நின்று சவால் விடுவாரா? இனி நாட்கள் தான் சொல்லும்!
இதையும் படிங்க: பாஜகவுக்கு ஒரு சீட் கூட கிடைக்கக்கூடாது! திமுக மாஸ்டர் ப்ளான்! நாகேந்திரன், வானதியை தோற்கடிக்க ஸ்டாலின் செக்!