ஆஸ்திரேலியா கிரிக்கெட் சுற்றுப்பயணத்தில் இந்திய அணியின் நம்பிக்கை நட்சத்திர வீரராக உருவெடுத்துள்ளார் நிதிஷ் ரெட்டி. தனது பேட்டிங்கால் மிகவும் கவர்ந்துள்ளார். மெல்போர்னில் கூட, அவர் அற்புதமான பேட்டிங்கை வெளிப்படுத்தினார். இறுதியாக தனது முதல் டெஸ்ட் அரைசதம் அடித்தார். இந்தத் தொடரில் மூன்று முறை 50 ரன்களை எட்டியிருந்தார்.

ஆனால் பாக்சிங் டே டெஸ்டில் எந்த தவறும் செய்யாமல் 81 பந்துகளில் அரை சதத்தை பூர்த்தி செய்தார். 50 ரன்கள் எடுத்தவுடன் ஆஸ்திரேலிய ரசிகர்கள் முன்னிலையில் புஷ்பா ஸ்டைலில் கொண்டாடினார். இதைப் பார்த்த இந்திய ரசிகர்களின் சத்தம் மைதானம் முழுவதும் எதிரொலித்தது.

மெல்போர்ன் டெஸ்டின் இரண்டாம் நாளில் இந்திய அணி 159 ரன்களுக்கு 5 விக்கெட்டுகளை இழந்தது. மூன்றாவது நாளின் தொடக்கமும் சிறப்பாக இல்லை. முதல் செஷனில் இந்தியா 2 விக்கெட்டுகளை இழந்தது. 191 ரன்களில் ரிஷப் பந்த் மோசமான ஷாட் ஆடி வெளியேறினார். இதையடுத்து ஆஸ்திரேலியாவுக்கு எதிராக களமிறங்கிய நிதீஷ் குமார் ரெட்டி, எவ்வளவு இக்கட்டான சூழ்நிலையில் இருந்தாலும் தலைவணங்கப் போவதில்லை என்பதை தனது இன்னிங்ஸ் மூலம் காட்டினார்.

இதையும் படிங்க: ‘சும்மா குதிக்க மாட்டேன்...’ விராட் கோலியின் கேரக்டரை பொசுக்கிய அஸ்வின்..!

ரெட்டி முதலில் இந்தியாவை ஃபாலோ-ஆனில் இருந்து காப்பாற்றினார். பின்னர் தனது அரை சதத்தை பூர்த்தி செய்தார். இதன்பிறகு ‘புஷ்பா’ பட பாணியில் கொண்டாடப்பட்டது. அவரது இன்னிங்ஸ் மீண்டும் இந்தியா அணிக்கும் ரசிகர்களுக்கும் உயிர் கொடுத்துள்ளது.

6 விக்கெட்டுகள் சரிந்த பிறகு, நிதிஷ் குமார் ரெட்டி முதலில் ரவீந்திர ஜடேஜாவுடன் 31 ரன்கள் எடுத்தார். ஆனால் ஜடேஜா 17 ரன்கள் எடுத்த நிலையில் லயன் பந்து வீச்சில் பலியானார். இருந்தும் நிதீஷ் குமார் ரெட்டி விடவில்லை. வாஷிங்டன் சுந்தருடன் இணைந்து ரன்களை குவிக்கத் தொடங்கினார். சுந்தருடன் இணைந்து 8வது விக்கெட்டுக்கு சதமடித்து சாதனை படைத்தார்.

தேநீர் இடைவேளை வரை இருவரும் சேர்ந்து 195 பந்துகளில் 105 ரன்கள் எடுத்தனர். ஆஸ்திரேலியாவில் 8வது விக்கெட்டுக்கு இந்தியாவின் மிகப்பெரிய பார்ட்னர்ஷிப் இது. இதற்கிடையில், நிதிஷின் 85 ரன்கள், சுந்தரின் 40 ரன்களுக்கு நன்றி தெரிவித்துள்ளது பிசிசிஐ. இந்திய அணி 7 விக்கெட் இழப்புக்கு 326 ரன்கள் எடுத்து ஆஸ்திரேலியாவை விட 148 ரன்கள் பின்தங்கியுள்ளது.

இந்நிலையில், 'பூ இல்லைடா நெருப்பு..’என நிதிஷ் குமார் ரெட்டிக்கு பிசிசிஐ ட்வீட் செய்தது வைரலாகிறது.

இதையும் படிங்க: ஏமாற்றிய கேரம் பந்து... அம்மாவின் நோய்... அஸ்வினை நெகிழச் செய்த மோடியின் கடிதம்