சாம்பியன்ஸ் டிராபி போட்டியில் பாகிஸ்தான் அணியை 6 விக்கெட் வித்தியாசத்தில் வீழ்த்தியது இந்திய அணி. கிங் கோலி, கடைசி நேரத்தில் பவுண்டரி மூலம் சதம் அடித்து அணியை வெல்ல வைத்து, ஒருநாள் அரங்கில் 51-வது சதத்தை நிறைவு செய்தார். இதன் மூலம் இந்திய அணி குருப் ஏ பிரிவில் அரையிறுதிக்கு ஏறக்குறைய தகுதியாகியுள்ளது. விராட் கோலி, ஸ்ரேயாஸ் அய்யர், சுப்மான் கில் ஆகியோரின் அற்புதமான ஆட்டத்தால் 241 ரன்கள் இலக்கை இந்திய அணி எளிதாக அடைந்தது. உலகக் கிரிக்கெட் ரசிகர்கள் ஆவலுடன் எதிர்பார்த்த இந்தியா-பாகிஸ்தான் போட்டிக்கு ஹைப் போட்டி தொடங்கும் முன்பிருந்தே எகிறியது. இரு நாடுக்களுக்கும் இடையே 10 ஆண்டுகளுக்கும் மேலாக கிரிக்கெட் தொடர்கள் ஏதும் நடக்கவில்லை என்பதால் பொதுவெளியில் இதுபோல் மோதும்போது ரசிகர்களின் ஹார்ட்பீட் எகிறுகிறது.

முதல் ஓவரை இந்திய வேகப்பந்துவீச்சாளர் ஷமி வீசத் தொடங்கியதிலிருந்து ஜியோஹாட்ஸ்டார் தளத்தில் பார்வையாளர்கள் எண்ணிக்கை படிப்படியாக கோடிக்கணக்கில் அதிகரித்துள்ளது. ஷமி முதல் ஓவரை வீசும்போது 6 கோடியாக இருந்த பார்வையாளர்கள் எண்ணிக்கை, போட்டி தொடங்கி முதல் 2 மணிநேரத்தில் 20.60 கோடியாக இருந்த நிலையில் 23 கோடியாக பார்வையாளர்கள் அதிகரித்தது.  பாகிஸ்தான் நடுப்பகுதியில் விக்கெட்டுகளை தொடர்ச்சியாக இழந்தபோது திடீரென 28 கோடியாக பார்வையாளர்கள் எண்ணிக்கை அதிகரித்ததுள்ளது. பாகிஸ்தானின் இன்னிங்ஸ் முடிந்தபோது, ஜியோஹாட்ஸ்டார் தளத்தில் 32 கோடி பார்வையாளர்கள் பார்த்தனர். 

இதையும் படிங்க: Flash: பாகிஸ்தானுக்கு எதிராக அபாரம்... 31 வருட சாதனையை முறியடித்து வரலாறு படைத்த விராட் கோலி..!

இந்திய அணி 2வது இன்னிங்ஸில் பேட் செய்ய வந்தபோது,பார்வையாளர்கள் எண்ணிக்கை 38.90 கோடியாக அதிகரித்தது. இந்திய அணி தொடக்கத்தில் சேஸிங்கில் அதிரடியாக ஆடத்தொடங்கியபோது 33 கோடியாக இருந்து பின்னர் அதிகரித்தது. ஓடிடி தளத்தில் வியூஸ் என்பது, ஒரு பார்வையாளர்கள் ஒருமுறை தளத்தை திறந்து மூடினாலே அது 10 வியூஸாக கணக்கில் கொள்ளப்படும்.  சமீபத்தில் ஜியோஸ்டார் மற்றும் வியாகாம்18 மற்றும் ஸ்டார் இந்தியா ஆகியவை இணைந்து ஜியோஹாட்ஸ்டார் என்று  பெயரைமாற்றம் செய்தன. ஜியோசினிமா மற்றும் டிஸ்னி ஹாட்ஸ்டாரையும் இணைத்துக்கொண்டன. 2023ம் ஆண்டு உலகக் கோப்பையின்போது இந்தியா , பாகிஸ்தான் மோதலை டிஸ்னி ஹாட்ஸ்டாரில் 3.50 கோடி பேர் பார்த்து ரசித்தனர் என்பது குறிப்பிடத்தக்கது.

இதையும் படிங்க: இந்தியா vs பாகிஸ்தான் கிரிக்கெட்: துபாய் மைதானத்தில் ஜஸ்பிரித் பும்ரா இன்ப அதிர்ச்சி..!