பிரீமியர் லீக் கிரிக்கெட் போட்டியில் சென்னை சூப்பர் கிங்ஸ் அணியின் முக்கிய வீரராகத் திகழும் மகேந்திர சிங் தோனி 45 வயதான நிலையிலும் அணிக்காகத் தொடர்ந்து விளையாடி வருகிறார். கெண்டைக்கால் காயத்தால் அவதிப்பட்டு வரும் இவர் கடந்த சீசனில் ஒரு போட்டியிலும் பங்கேற்கவில்லை. இதனால் அவர் எந்த நேரமும் ஓய்வை அறிவிக்கலாம் என்ற ஊகங்கள் எழுந்துள்ளன.

அடுத்த ஆண்டு நடைபெறும் பிரீமியர் லீக்கில் தோனி விளையாடுவாரா என்ற எதிர்பார்ப்பு ரசிகர்கள் மத்தியில் பெரிதும் எழுந்துள்ளது. இந்தப் பின்னணியில் பெங்களூருவில் நடந்த ஒரு மருத்துவ விழிப்புணர்வு நிகழ்ச்சியில் தோனி பங்கேற்றார். அப்போது அடுத்த சீசனில் விளையாடுவீர்களா என்று அவரிடம் கேள்வி எழுப்பப்பட்டது.

இதற்கு அவர் அளித்த பதிலில், அடுத்த சீசனில் விளையாடுவது குறித்து இன்னும் தான் முடிவெடுக்கவில்லை என்று தெரிவித்தார். மருத்துவப் பரிசோதனைகள் மற்றும் உடற் தகுதியைப் பொறுத்து டிசம்பர் மாதத்திற்குள் முடிவெடுப்பேன் என்றார். நான் மீண்டும் விளையாடத் தகுதியோடு இருக்கிறேனா என்பதை மருத்துவர்கள் தான் பரிசோதித்து அறிக்கை தர வேண்டும் என்று குறிப்பிட்டார்.

இதையும் படிங்க: 'தாதா' என்ட்ரி! கோப்பையை குறிவைக்கும் டெல்லி! தலைமை பயிற்சியாளராக சவுரவ் கங்குலி நியமனம்!

மேலும் அவர் நகைச்சுவையாக, இந்த வின்டேஜ் வாகனத்தை சாலையில் ஓட வைக்கும் பொறுப்பு அவர்களிடம் தான் உள்ளது என்று பேசினார். தோனியின் இந்தப் பதில் ரசிகர்கள் மத்தியில் பெரும் ஆர்வத்தை ஏற்படுத்தியுள்ளது. கெண்டைக்கால் காயம் காரணமாக கடந்த சீசனில் விளையாட முடியாத நிலை ஏற்பட்டதை அவர் நினைவுபடுத்தியுள்ளார்.

சென்னை அணி ரசிகர்கள் தோனி மீண்டும் மைதானத்தில் இறங்குவாரா என்பதை எதிர்நோக்கி உள்ளனர். மருத்துவப் பரிசோதனை முடிவுகளையும் உடல் தகுதியையும் அடிப்படையாகக் கொண்டு டிசம்பர் மாதத்திற்குள் அவர் முடிவெடுப்பார் என்பது தெளிவாகியுள்ளது. தோனியின் இந்த அறிக்கை கிரிக்கெட் வட்டாரங்களில் பரவலாகப் பேசப்பட்டு வருகிறது.

இதையும் படிங்க: 114 பதக்கங்கள் வென்று அசத்திய இந்தியா! ஆசிய பாராலிம்பிக்கில் 4-வது இடம் பிடித்து வரலாற்றுச் சாதனை!!