சாம்பியன்ஸ் டிராபி 2025 பிப்ரவரி 19 முதல் நடைபெற உள்ளது. பாகிஸ்தான் தலைமையேற்று நடத்தும் இந்தப் போட்டி, ஹைஃப்ரிட் மாடலில் இருக்கும். அதாவது இந்திய அணி தனது அனைத்து போட்டிகளையும் துபாயில் விளையாடும்.மற்ற அனைத்து அணிகளும் பாகிஸ்தானுக்கு சுற்றுப்பயணம் செய்யும். இதற்கிடையில், சாம்பியன்ஸ் டிராபிக்கான ஜெர்சியில் பாகிஸ்தானின் பெயரை எழுத இந்திய அணி மறுத்துவிட்டதாக சில தகவல்கள் தெரிவிக்கின்றன.பொதுவாக போட்டியை நடத்தும் நாட்டின் பெயர் அனைத்து அணிகளின் ஜெர்சிகளிலும் இருக்கும். அதன் பிறகு ஒரு புதிய சர்ச்சை எழுந்தது.இப்போது இந்த விவகாரம் குறித்து பிசிசிஐயிடமிருந்து அறிக்கை வந்துள்ளது.
ஐசிசி விதிகளின்படி, ஐசிசியின் கீழ் நடைபெறும் அனைத்து போட்டிகளிலும், பங்கேற்கும் அனைத்து அணிகளும் போட்டியின் பெயரையும், போட்டியை நடத்தும் நாட்டின் பெயரையும், போட்டி நடைபெறும் ஆண்டையும் வீரர்களின் மார்பின் வலது பக்கத்தில் எழுத வேண்டும்.சாம்பியன்ஸ் டிராபியின் போது, ஜெர்சி தொடர்பான ஐசிசியின் ஒவ்வொரு விதியையும் பிசிசிஐ பின்பற்றும் என்பதை பிசிசிஐயின் புதிய செயலாளர் தேவ்ஜித் சைகியா இப்போது உறுதிப்படுத்தியுள்ளார். அதாவது இந்தப் போட்டியை நடத்தும் பாகிஸ்தானின் பெயர், இந்திய அணியின் ஜெர்சியில் இருக்கும்.
சமீபத்தில், பாகிஸ்தான் ஊடகங்கள் இந்த பிரச்சினையை எழுப்பி, இந்திய அணியின் ஜெர்சியில் பாகிஸ்தானின் பெயரை அச்சிட பிசிசிஐ மறுத்ததாக குற்றம்சாட்டின. இந்தப் பிரச்சினையை ஐசிசிக்கு எடுத்துச் செல்ல பிசிபியும் விரும்பியது. ஆனால் பிசிசிஐ இப்போது இந்த செய்திகள் அனைத்தையும் நிராகரித்து, ஜெர்சி தொடர்பான ஐசிசியின் ஒவ்வொரு விதியையும் பின்பற்றுவதாக அறிவித்துள்ளது.
இதையும் படிங்க: இந்திய அணி வீரர்களுக்கு பிசிசிஐ -யின் கடுமையான 10 புதிய விதிகள்..! அடிபணியாவிட்டால் வீரர்களின் வாழ்க்கை சர்வ நாசம்தான்..!
இந்தப் போட்டியில் இந்திய அணி பிப்ரவரி 20 ஆம் தேதி தனது பிரச்சாரத்தைத் தொடங்கும்.இந்தப் போட்டியில் வங்கதேசத்தை எதிர்கொள்ளும். பின்னர் இந்திய அணி தனது இரண்டாவது போட்டியை பாகிஸ்தானுக்கு எதிராக விளையாடும். இந்தப் போட்டி பிப்ரவரி 23 ஆம் தேதி நடைபெறும். இதன் பிறகு, குழுவின் கடைசி போட்டியில், மார்ச் 2 ஆம் தேதி நியூசிலாந்தை எதிர்கொள்ளும். இதன் பின்னர் அரையிறுதிப் போட்டிகளும், பின்னர் இறுதிப் போட்டியும் நடைபெறும். இந்திய அணி அரையிறுதி மற்றும் இறுதிப் போட்டிகளுக்கு தகுதி பெற்றால், இந்தப் போட்டிகளும் துபாயில் நடைபெறும்.
இதையும் படிங்க: ஆஸி., தோல்வி தந்த படிப்பினை… இந்திய அணி வீரர்களுக்கு பிசிசிஐ போட்ட முக்கியத் தடை..!