சீன ஸ்மார்ட்போன் நிறுவனமான ரியல்மி (realme) தனது AIoT தயாரிப்புகளை வலுப்படுத்தும் விதமாக Realme Buds Air 8 Pro TWS ஈயர்பட்ஸ் மற்றும் Realme Watch S5 ஸ்மார்ட்வாட்ச் ஆகியவற்றை மே 22, 2026 அன்று இந்திய சந்தையில் அறிமுகப்படுத்த உள்ளது. ரியல்மி 16T 5G ஸ்மார்ட்போனுடன் இந்த இரு தயாரிப்புகளும் ஒரே நிகழ்வில் வெளியிடப்பட உள்ளன. மதியம் 12 மணிக்கு நடைபெறும் இந்த நிகழ்வு ஆன்லைன் மூலம் நேரலை செய்யப்படும்.
Realme Buds Air 8 Pro ஆடியோ ஆர்வலர்களை ஈர்க்கும் வகையில் வடிவமைக்கப்பட்டுள்ளது. இதில் 55dB வரை அல்ட்ரா டெப்த் ஆக்டிவ் நாய்ஸ் கேன்சலேஷன் (ANC) தொழில்நுட்பம் உள்ளது. AI அடிப்படையிலான கால் நாய்ஸ் கேன்சலேஷன் மூலம் சத்தமான சூழலிலும் தெளிவான அழைப்புகளை உறுதி செய்கிறது. பிரீமியம் டூயல் DAC டிரைவர்கள் (11mm + 6mm) மற்றும் LHDC ஆடியோ கோடெக் ஆதரவுடன் உயர்தர ஒலி அனுபவத்தை வழங்கும் என எதிர்பார்க்கப்படுகிறது. நீண்ட பேட்டரி ஆயுள் மற்றும் டச் கண்ட்ரோல்கள் போன்ற அம்சங்களும் இதில் இடம்பெறும்.
இதையும் படிங்க: வெயிட்டிங்கில் வெறி ஏறுதே..!! ஐக்யூ இசட்11: பிரம்மாண்ட பேட்டரியுடன் இந்தியாவில் விரைவில் அறிமுகம்..!!
மறுபுறம், Realme Watch S5 ஃபிட்னஸ் மற்றும் ஹெல்த் கண்காணிப்பில் கவனம் செலுத்தும் ஸ்மார்ட்வாட்ச் ஆகும். 1.43 இன்ச் AMOLED டிஸ்ப்ளே 1500 நைட்ஸ் பிரைட்னஸ் வரை கொண்டுள்ளது. AOD (Always On Display) மற்றும் ஸ்மார்ட் நைட் விஷன் அம்சங்களுடன் வரும். 20 நாட்கள் வரை நீடிக்கும் அல்ட்ரா லாங் பேட்டரி லைஃப், 5ATM வாட்டர்ப்ரூஃப் ரேட்டிங், 110 ஸ்போர்ட்ஸ் மோடுகள் மற்றும் பில்ட்-இன் GPS ஆகியவை இதன் முக்கிய சிறப்பம்சங்கள். ஹெல்த் மானிட்டரிங் அம்சங்களான ஹார்ட் ரேட், SpO2, ஸ்லீப் டிராக்கிங் உள்ளிட்டவை உள்ளன.
ரியல்மி நிறுவனம் இந்த தயாரிப்புகள் தங்கள் ஈகோசிஸ்டத்துடன் தடையின்றி இணைந்து செயல்படும் வகையில் வடிவமைக்கப்பட்டுள்ளதாகக் கூறியுள்ளது. இந்தியாவில் விலை மற்றும் கிடைக்கும் தன்மை பற்றிய முழு விவரங்கள் லான்ச் நிகழ்வின்போது அறிவிக்கப்படும். எதிர்பார்ப்புகளின்படி, பட்ஸ் ஏர் 8 ப்ரோ ₹4,000-க்கும் கீழ் மற்றும் வாட்ச் S5 ₹7,000-க்கு உள்ளாக விலை நிர்ணயம் செய்யப்படலாம். இந்த அறிமுகம் இந்திய ஸ்மார்ட்வேர் சந்தையில் ரியல்மியின் நிலையை மேலும் வலுப்படுத்தும் என எதிர்பார்க்கப்படுகிறது. இளைஞர்கள் மற்றும் டெக் ஆர்வலர்களிடையே பெரும் வரவேற்பைப் பெறும் எனக் கருதப்படுகிறது.