பாலிவுட்டில் கடந்த ஆண்டு வெளியாகி விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்ற 'கில்' திரைப்படம், தற்போது தமிழில் ரீ-மேக் செய்யப்படும் வேலைகள் பரபரப்பாக நடைபெற்று வருகின்றன. தென்னிந்திய திரையுலகில் புதிய திருப்பமாக பார்க்கப்படும் இந்த ரீ-மேக், 'கில் தமிழ்' என்று தற்காலிகமாக அழைக்கப்படுகிறது. இப்படத்தின் இயக்கத்தை ரமேஷ் வர்மா மேற்கொள்கிறார். இயக்குனர் நிகில் நாகேஷ் பட் இயக்கத்தில், கரண் ஜோகர் தயாரிப்பில் வெளியான 'கில்' படம், பாலிவுட் சினிமாவில் கடந்த வருடம் வெளியான மிகப்பெரிய ஆக்ஷன் திரில்லர்களில் ஒன்றாக போற்றப்பட்டது.

படத்தின் வேகமான திரைக்கதை, சண்டைக் காட்சிகள் மற்றும் உணர்ச்சிப் பூர்வமான பின்னணி, ரசிகர்களையும் விமர்சகர்களையும் கவர்ந்தது. இப்படத்தின் மூலக் கதையில், பயணிக்கப்படும் ரயிலில் ஒரு பயங்கர தாக்குதல் நிகழ்கிறது. அதில் பயணிக்க வந்த இராணுவ வீரன், தன் காதலியை பாதுகாக்க பல துப்பாக்கி தாக்குதல்களை எதிர்கொள்கிறார். இது ஒரு ஒற்றை கதாபாத்திரத்தின் கதையின் சுற்றுப்பயணம் என்றே சொல்லலாம். இந்த ரீ-மேக்கில் கதாநாயகனாக நடிக்க துருவ் விக்ரம் தேர்வு செய்யப்பட்டுள்ளார். தமிழ் சினிமாவில் 'மகான்' போன்ற படங்களில் நடித்து தனக்கென தனி ரசிகர் பட்டாளம் உருவாக்கிய இவர், இப்படத்தின் மூலம் தனது நடிப்புத் திறமையை மேலும் உறுதிபடுத்தவுள்ளார். துருவ், முதன் முதலாக இந்தளவிற்கு முழுமையான ஆக்ஷன் மற்றும் திரில்லர் வகையைச் சேர்ந்த கதையில் முழுமையாக இடம் பிடிக்க உள்ளார். அவருடைய புது லுக் மற்றும் அதிரடியான சண்டை பயிற்சிகள், ரசிகர்களிடையே பெரிய எதிர்பார்ப்பை உருவாக்கியுள்ளன. இந்த படத்தில் முக்கிய வில்லனாக நடிக்க உள்ளவர், உறியடி புகழ் விஜயகுமார். இவர் 'உறியடி' மற்றும் 'உறியடி 2' ஆகிய படங்களில் நேர்மையான இளைஞனாக நடித்திருந்தாலும், தற்போது தனது கெரியரில் முற்றிலும் மாறுபட்ட கதாபாத்திரத்தில் நடிக்க உள்ளார். 'கில்' திரைப்படத்தின் வில்லன் பாத்திரம், மிகவும் கொடூரமானது, சாகசமானது, மனநிலை சீர்குலைந்த மனிதனின் பிரதிநிதியாக அமைந்தது.

இந்தக் கதாபாத்திரத்தை தமிழில் விஜயகுமார் எப்படி நடிப்பார் என்பதற்காக ரசிகர்கள் மிகுந்த எதிர்பார்ப்புடன் காத்திருக்கின்றனர். இந்த மூலக் கதையில் ஒரு நாயகி மட்டுமே இருந்தாலும், தமிழ் ரீ-மேக்கில் மூன்று கதாநாயகிகள் சேர்க்கப்பட்டுள்ளதாக தகவல்கள் தற்போது வெளியாகி இருக்கின்றன. இது படத்தின் கதைக்கே முக்கியமாக இருக்கலாம் எனக் கூறப்படுகிறது. அந்த ஹீரோயின்கள் யார் என்றால் கயாடு லோகர், அனுபமா பரமேஸ்வரன், கேதிகா சர்மா தான். இவர்கள் மூவரும் துருவ்வுடன் இணைந்து, வேறுபட்ட கோணங்களில் கதையை நகர்த்தும் விதமாக நடிக்க இருக்கலாம் எனக் கூறப்படுகிறது. இதில் யார் மெயின் ஹீரோயின், யார் கெஸ்ட் ரோல் அல்லது துணை கதாபாத்திரம் என்பது இன்னும் தெளிவாகத் தெரியவில்லை. இப்படத்தை இயக்கும் ரமேஷ் வர்மா, தெலுங்கு சினிமாவில் அட்டகாசமாக செயல்பட்டு வருபவர். இவர் ‘Rakshasudu’ உள்ளிட்ட சில த்ரில்லர் வகை படங்களை இயக்கிய அனுபவம் கொண்டவர். 'கில்' போன்ற சூழ்நிலை சார்ந்த ஆக்ஷன் திரில்லரை, தமிழ் திரையுலகிற்கு ஏற்றவாறு கொண்டு வரப்போகிறார் என்பது தான் அனைவரது பார்வையாக உள்ளது.

இதையும் படிங்க: துருவ் விக்ரம் - மணிரத்னம் கூட்டணியில் புதிய காதல் திரைப்படம்..! ஹீரோயின் யார் தெரியுமா..?

இப்படத்தின் படப்பிடிப்பு விரைவில் துவங்கவிருக்கிறது. தயாரிப்பு நிறுவனமாக ஒரு முன்னணி தமிழ் நிறுவனம் பங்கு பெறுவதாகவும் தகவல் உள்ளது. படம் தொடர்பான முதல் பார்வையான பர்ஸ்ட் லுக் மற்றும் டீசர், பட தலைப்பு ஆகியவை விரைவில் அறிவிக்கப்படவுள்ளதாகக் கூறப்படுகிறது. படத்தின் படப்பிடிப்பு சென்னையில் தொடங்கி, ஹைதராபாத் மற்றும் மும்பையில் நடைபெறும் எனத் தகவல்கள் தெரிவிக்கின்றன. வசனங்களை தமிழ் ரசிகர்களை கவரும் வகையில் எழுதி வருகின்றனர். எனவே இந்த படம் 2026 துவக்கத்தில் வெளியாகும் எனக் கூறப்படுகிறது. இப்படியாக பல விமர்சன பாராட்டுகள் பெற்ற ‘கில்’ திரைப்படத்தின் தமிழ் ரீமேக், துருவ் விக்ரம் நடிப்பில், ரமேஷ் வர்மா இயக்கத்தில் உருவாக இருப்பது தமிழ் சினிமாவில் பெரிய எதிர்பார்ப்பை ஏற்படுத்தியுள்ளது. மூன்று கதாநாயகிகள், வில்லனாக உறியடி விஜயகுமார், மற்றும் முன்னணி தொழில்நுட்பக் குழு என இவை அனைத்தும் சேர்ந்து இப்படத்தை ஒரு பெரும் ஆக்ஷன் திரில்லராக மாற்ற உள்ளன. மேலும் தகவல்கள், டீசர் மற்றும் ஃபர்ஸ்ட் லுக் ரிலீஸ் தேதிகள் விரைவில் வெளியாகும் என எதிர்பார்க்கப்படுகிறது.

தமிழில் ஹைடென்ஸிட்டி ஆக்ஷன் படங்களுக்கு தேவையான பஞ்சத்தை இந்த படம் நிரப்பும் என ரசிகர்கள் உறுதியாக நம்புகின்றனர்.

இதையும் படிங்க: நடிகர் துருவ் விக்ரம் நடிக்கும் 'பைசன் காளமாடன்'..! தமிழ்நாடு வெளியீட்டு உரிமையை கைப்பற்றிய பிரபல நிறுவனம்..!