நடிகர், இயக்குநர், தயாரிப்பாளர் என பலதரப்பட்ட கலைத் திறமைகளால் புகழ்பெற்றவர் கன்னட திரையுலகின் பிரபலமான ஹீரோ சுதீப். நடிப்பில் தன்னிகரற்ற சாதனைகள், இயக்கத்தில் தனித்துவம், சமூக சேவையில் சிறப்பான பங்கு என ஒரு முழுமையான நடிகராக உயர்ந்துள்ள சுதீப், தனது 52வது பிறந்தநாளை, கடந்த செப்டம்பர் 2-ம் தேதி ரசிகர்களுடன் உற்சாகமாகக் கொண்டாடினார். தனது பிறந்தநாளை ஒட்டி, ரசிகர்களுடன் கேக் வெட்டும் நிகழ்ச்சி, ரத்ததான முகாம்கள், அன்னதானம், விருது வழங்கல், போன்ற பல சமூக நல நடவடிக்கைகள் நடத்தப்பட்டன. ஆனால், இந்த ஆண்டு நிகழ்வில் மிகப்பெரிய கவனத்தை ஈர்த்த நிகழ்வு, சுதீப்பின் மனைவி பிரியா எடுத்துள்ள மனிதநேயம் சார்ந்த மிகுந்த முக்கியத்துவம் வாய்ந்த முடிவாகும்.. அதுதான் உடல் உறுப்புகள் தானம்.

சுதீப்பின் மனைவியான பிரியா, அவரது பிறந்தநாளையொட்டி, தனது உடல் உறுப்புகளை தானம் செய்யும் முடிவை எடுத்துள்ளார். இது வெறும் வார்த்தைகளில் அல்ல..சுதீப்பின் சொந்த 'Kiccha Sudeep Charitable Trust – Kiccha's Care Foundation' மூலம், அவர் அதிகாரபூர்வமாக உறுப்பு தானத்துக்கான பதிவு செய்துள்ளார். இது குறித்து பிரியா, தனது இன்ஸ்டாகிராம் பக்கத்தில் வீடியோ ஒன்றை வெளியிட்டு கூறியுள்ளார். அதில், "இந்த ஆண்டு சுதீப்பின் பிறந்தநாளை உபயோகமாகம் செய்வதற்காக, நான் எனது உடல் உறுப்புகளை தானம் செய்ய முடிவு செய்துள்ளேன். இது ஒரு எளிமையான செயல்முறை. ஆனால் அதன் தாக்கம் அளவற்றது. உங்கள் ஒற்றை முடிவால் பல உயிர்கள் வாழ முடியும். இந்த செயல்பாடு தான், ஒருவருக்குத் தரக்கூடிய மிகப் பெரிய பரிசு" என்றார். இந்த வீடியோ, சமூக ஊடகங்களில் பெரும் கவனத்தைப் பெற்றது. அவரது உரை, மிக நேர்த்தியாகவும், உணர்ச்சிபூர்வமாகவும் இருந்தது. உறுப்பு தானம் என்பது ஒரு பாரம்பரிய நற்பணியாக கருதப்பட வேண்டிய செயல். உலக அளவில் தினசரி ஆயிரக்கணக்கான மக்கள், உறுப்பு மாற்ற சிகிச்சைக்காக காத்திருக்கிறார்கள். ஆனால், தானம் செய்யும் எண்ணிக்கை மிகவும் குறைவாகவே உள்ளது. இதனால் பல உயிர்கள் பாதிக்கப்படுகின்றன.

இந்த சூழ்நிலையில், பிரபலங்களின் பங்கு மிக முக்கியம். அவர்கள் எடுத்துச் செல்கின்ற ஒரு விழிப்புணர்வும், அந்தத் தருணத்தில் பகிரும் ஒரு உரையும், பலரது மனதில் மாற்றத்தை ஏற்படுத்தும் சக்தி கொண்டவை. மேலும் பிரியா கூறும் போது, "உறுப்பு தானம் என்பது நமக்கு பிறகு, இன்னொருவரின் வாழ்க்கையை தொடரச்செய்யும் ஒரு புனிதச் செயல். சுதீப்பின் ரசிகர்களும் இதை கவனிக்க வேண்டும். தங்களால் முடிந்த அளவில், உடல் ஆரோக்கியத்தைக் காத்து, இந்த நற்பணியில் பங்கெடுக்க வேண்டுகிறேன்" என்றார். சுதீப்பின் சமூக சேவைகளுக்கு அடையாளமாக அமைந்துள்ள அமைப்பு தான் Kiccha's Care Foundation. இந்த நிறுவனம், ஆண்டு தோறும் அவரது பிறந்தநாளில் பல நற்பணிகளை மேற்கொள்கிறது. அதாவது, ரத்த தான முகாம்கள், அன்னதானம், அரிய நோய்களுக்கான சிகிச்சை உதவி, விதவைகள் மற்றும் ஏழைகளுக்கான வாழ்க்கை உதவி திட்டங்கள், கல்வி உதவித்தொகைகள் என அனைத்துமே. அந்த வகையில் இந்த ஆண்டு, அந்த நிறுவனத்தின் வழியாக பிரியா எடுத்துள்ள இந்த உறுப்பு தான முடிவு, மற்ற அனைவருக்கும் தூண்டுகோலாக மாறியுள்ளது.

இதையும் படிங்க: என்னதான் நடிகையாக இருந்தாலும் அவரும் பெண்தானே..! அவருக்கும் அந்த ஆசைகள் இருக்குமல்லவா - சமந்தா ஓபன் டாக்..!

இது, ரசிகர்களிடையே அறிவும், செயல்பாட்டும் தோன்றும் ஒரு விழிப்புணர்வு துளிக்காயிருப்பது உறுதி. செப்டம்பர் 2-ம் தேதி நடைபெற்ற பிறந்தநாள் நிகழ்வில், ஆயிரக்கணக்கான ரசிகர்கள் திரண்டு, சுதீப்புடன் நேரில் சந்தித்து வாழ்த்து தெரிவித்தனர். கேக் வெட்டும் நிகழ்ச்சிக்கு பின், பலர் அன்னதானம், ரத்ததானம், மரக்கன்றுகள் நடுவது போன்ற பணிகளில் ஈடுபட்டனர். பிரியாவின் தீர்மானம் அன்றைய நாள் நிகழ்வின் மையக்கவர்ச்சி ஆக மாறியது. ஏற்கெனவே சமூக சேவைகளில் ஈடுபட முனைந்திருக்கும் சுதீப்பின் ரசிகர்கள் பலரும், இப்போது உறுப்பு தானத்தில் தங்களும் பங்கேற்க தயாராக இருப்பதாக பதிவிட்டு வருகின்றனர். பிரியாவின் வீடியோ வெளியான பிறகு, பல பிரபலங்களும், சமூக ஆர்வலர்களும், உண்மையான சமூக ஒளியாக அவர் விளங்குகிறார் என பாராட்டினர். மொத்தத்தில் இந்தக் கதை ஒரு சாதாரண பிறந்தநாள் கொண்டாட்டமாக இல்லாமல், ஒரு சமூக மாற்றத்தின் தொடக்கமாக மாறியிருக்கிறது. சுதீப்பின் 52வது பிறந்தநாள், அவருக்கேற்ற வகையில் வாழ்க்கையை வலியுறுத்தும் ஒரு தீர்மானத்தால் சிறப்பாக நினைவுகூரப்படும். பிரியா எடுத்த முடிவு, நம்மில் ஒவ்வொருவரையும் யோசிக்க வைக்கும். நாம் இறந்த பிறகும், எவருக்காவது புதிய உயிராக மாறலாம் என்பதே உறுப்பு தானத்தின் மகத்துவம்.

இது போன்ற செயல், தன்னலமின்றி நலனிற்காக உயிர் கொடுக்கும் செயல் என அழைக்கப்படுவது உண்டு. சுதீப்பின் ரசிகர்கள், அவரது குடும்பத்தினர், மற்றும் சமூக ஆர்வலர்கள் அனைவரும், இந்த செயலை வாழ்த்தியும், பின்பற்றவும் தொடங்கி விட்டனர். இது தொடர்ந்து மேலும் பல உயிர்களுக்கு வாழ்க்கை மீட்டுத் தரும் ஒரு அமைப்பாக வளர வேண்டும் என்பதே அனைவரது ஏக்கமாக உள்ளது.

இதையும் படிங்க: சினிமா பிரபலங்கள் வீட்டில் இப்படி ஒரு அவலமா..! மருமகளை கொடுமைப்படுத்திய பிரபல இயக்குனர்.. இதெல்லாம் ஒரு காரணமா..!