தமிழ் திரையுலகில் புதுமையான சிந்தனைகளுடன் நுழைந்த இயக்குனர் பாலாஜி மோகன், தனது முதல் படமான “காதலில் சொதப்புவது எப்படி” மூலம் இளைஞர்களிடையே தனித்துவமான ரசிகர்கள் பட்டாளத்தை உருவாக்கினார். அப்படத்தின் நவீன காதல் கதை, நகைச்சுவையான வசனங்கள், கவர்ச்சியான காட்சிப்படுத்தல் ஆகியவை அவரது இயக்க திறமையை வெளிக்கொண்டு வந்தன. அதனைத் தொடர்ந்து, மலையாள நடிகர் துல்கர் சல்மான் நடித்த “வாயை மூடி பேசவும்”, மற்றும் தனுஷ் நடித்த மாரி, மாரி 2 ஆகிய கமெர்ஷியல் வெற்றி பெற்ற படங்களால், அவரின் இயக்கப் பாணி வலிமை பெற ஆரம்பித்தது.

அந்த வெற்றிப் பாதையை தொடர்ந்து தற்போது பாலாஜி மோகன் தனது அடுத்த படைப்பான ஒரு காதல் மற்றும் நகைச்சுவை கலந்த வெப் தொடரை உருவாக்கி வருகிறார். சினிமா ரசிகர்கள் மட்டுமல்லாது, ஓடிடி பார்வையாளர்களிடமும் தனித்துவம் கொண்ட கதைகள் மீதான ஆர்வம் அதிகரித்து வரும் நிலையில், பாலாஜி மோகனின் இந்த வெப் தொடர் ரசிகர்களிடையே பெரிய எதிர்பார்ப்பை உருவாக்கியுள்ளது. காதலும் நகைச்சுவையும், அவரது படைப்புகளில் மையமாக இருந்து வந்தாலும், இந்த முறை வெறும் காமெடி மட்டுமல்லாது, மனித உறவுகளின் நுட்பமான கோணங்களும் இதில் பதிய உள்ளதாக எதிர்பார்க்கப்படுகிறது. இது ஒரு மினி தொடர் அல்லது முழு வெப் சீரிஸ் ஆக இருக்கலாம் என்றாலும், பாலாஜியின் முந்தைய படங்களை வைத்தே ரசிகர்கள் பெரிதும் எதிர்நோக்குகி இருக்கிறார்கள். இந்த வெப் தொடரின் கதாநாயகனாக அர்ஜுன் தாஸ் தேர்வாகியுள்ளார். தனித்துவமான குரல், பார்வை, உணர்ச்சிவசமான நடிப்பு என, குறுகிய காலத்திலேயே ரசிகர்கள் மனதில் பதிந்தவர் அர்ஜுன் தாஸ். அவர் நடிப்பில் வெளியான கைதி, மாஸ்டர், அந்தகாரம், லியோ உள்ளிட்ட படங்கள், அவரின் பலதரப்பட்ட நடிப்புத் திறனைக் காண்பித்தது. பெரும்பாலும் தீவிரமான கதாபாத்திரங்களில் காட்சியளித்த அர்ஜுன், இப்போது ஒரு லைட்-ஹார்டட் காதல் காமெடி தொடரில் நடிப்பது அவரது வட்டாரத்தில் ஒரு புதிய முயற்சியாகவே கருதப்படுகிறது.

அதோடு சமீபத்தில் வெளியாகிய தகவலின்படி, இந்த வெப் தொடரில் ஐஸ்வர்யா லட்சுமி கதாநாயகியாக இணைந்துள்ளார். மலையாள சினிமாவில் மிகுந்த வரவேற்பைப் பெற்ற இவர், தமிழிலும் பல முக்கியமான படங்களில் நடித்துள்ளார். ஜகமே தந்திரம், கட்டா குஸ்தி, பொன்னியின் செல்வன் 1 & 2, தக் லைப், மாமன் போன்ற படங்களில் அவர் வெளிப்படுத்திய நடிப்புத் திறமை, ரசிகர்களிடம் பெரும் வரவேற்பைப் பெற்றுள்ளது. அதனைத் தொடர்ந்து தற்போது ஒரு சீரிய காதல் மற்றும் காமெடி வெப் தொடரில் அவர் நடிப்பது, ஓடிடி ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த வெப் தொடரின் படப்பிடிப்பு கடந்த சில மாதங்களாக சென்னை மற்றும் புதுச்சேரி ஆகிய இடங்களில் தொடர்ந்து நடைபெற்று வருகிறது. காதல் கதைகளுக்கு ஏற்ற இயற்கையான சூழல், கலைநயமிக்க இடங்களாக இருக்கின்ற இந்த நகரங்களில் திரைப்படக்குழு முக்கியக் காட்சிகளை படமாக்கி வருகிறது.

இதையும் படிங்க: பயமா இருக்கா இனி பயங்கரமா இருக்கும்..! பதறவைக்கும் ராஷ்மிக்கா மந்தனாவின் "தாமா" ஹாரர் மூவி டீசர்..!

வீதி வழித் தோழிகள், உணர்வுபூர்வமான காதல் உரையாடல்கள், நகைச்சுவைச் சம்பவங்கள் என பரந்த பாணியில் இந்த தொடரின் காட்சிகள் அமைக்கப்பட்டு வருகின்றன என்று தகவல்கள் தெரிவிக்கின்றன. இதுவரை படத்திற்கோ, தொடருக்கோ திட்டவட்டமான தலைப்புகள் அறிவிக்கப்படவில்லை. ஆனால், படக்குழு வரும் மாதங்களில் அதிகாரப்பூர்வ அறிவிப்பு ஒன்றை வெளியிடும் வாய்ப்புள்ளது. அதற்குள் போஸ்டர், டீசர், மற்றும் பின்தயாரிப்பு தொடர்பான தகவல்களும் பகிரப்படும் என எதிர்பார்க்கப்படுகிறது. ஆகவே பாலாஜி மோகனின் இந்த புதிய வெப் தொடர், இளைஞர்கள், ஜோடி ரசிகர்கள், மற்றும் நகைச்சுவை ரசிகர்கள் ஆகியோரிடையே பெரும் வரவேற்பைப் பெறக்கூடிய வாய்ப்பு உள்ளது.

அர்ஜுன் தாஸ் மற்றும் ஐஸ்வர்யா லட்சுமி ஜோடி, திரைமுகத்தில் எப்படி தோன்றப் போகிறார்கள் என்பது ரசிகர்களிடையே புதிய ஆர்வத்தை உருவாக்கியுள்ளது. இணையத்தில் விரைவில் வெளியிடப்படவுள்ள இந்த வெப் தொடர், ஓடிடி திரையுலகில் ஒரு புதிய பரிமாணமாக அமையுமா என்பதை பொறுத்திருந்து தான் பார்க்க வேண்டும்.

இதையும் படிங்க: திருவண்ணாமலைக்கு திடீர் விசிட் அடித்த இளையராஜா..! அண்ணாமலையார் கோவிலில் சிறப்பு தரிசனம்..!