தமிழ், தெலுங்கு மற்றும் இந்தி திரையுலகில் தொடர்ந்து நடித்து வரும் முன்னணி நடிகைகளில் ஒருவரான ரகுல் ப்ரீத் சிங், தற்போது தனது புதிய படைப்புகள் மற்றும் வித்தியாசமான கதாபாத்திரத் தேர்வுகள் மூலம் ரசிகர்களின் கவனத்தை ஈர்த்து வருகிறார்.

தமிழில் பல முக்கியமான திரைப்படங்களில் நடித்துள்ள அவர், சமீப காலமாக பாலிவுட் திரைப்படங்களிலும் அதிக கவனம் செலுத்தி வருகிறார்.

இந்த நிலையில், பிரம்மாண்டமாக உருவாகி வரும் ‘ராமாயணம்’ திரைப்படத்தில் அவர் நடித்துள்ள சூர்ப்பனகை கதாபாத்திரம் தொடர்பான எதிர்பார்ப்பு அதிகரித்துள்ள நிலையில், நடிகை ரகுல் ப்ரீத் சிங்கின் புதிய போட்டோஷூட் புகைப்படங்கள் சமூக வலைதளங்களில் வைரலாகி வருகின்றன.

இதையும் படிங்க: படப்பிடிப்பு தளத்தில் ரஜினி காந்த் என்ன செய்தார்..!! ‘தர்மன்’ பட அனுபவத்தை பகிர்ந்த ராஷி கண்ணா..!

தமிழ் சினிமாவில் ‘தடையறத் தாக்க’, ‘என்னமோ ஏதோ’, ‘ஸ்பைடர்’, ‘தீரன் அதிகாரம் ஒன்று’, ‘தேவ்’, ‘இந்தியன் 2’ உள்ளிட்ட பல திரைப்படங்களில் நடித்ததன் மூலம் தமிழ் ரசிகர்களிடம் பிரபலமானவர் ரகுல் ப்ரீத் சிங்.

குறிப்பாக, கார்த்தி நடிப்பில் வெளியான ‘தீரன் அதிகாரம் ஒன்று’ திரைப்படத்தில் அவர் நடித்த மீரா கதாபாத்திரம் ரசிகர்கள் மத்தியில் நல்ல வரவேற்பை பெற்றது.

அதேபோல், தெலுங்கு திரையுலகிலும் முன்னணி கதாநாயகியாக வலம் வந்த ரகுல் ப்ரீத் சிங், பல வெற்றிப் படங்களில் நடித்து தனக்கென ஒரு இடத்தை பிடித்தார்.

பின்னர் இந்தி திரையுலகிலும் தனது பயணத்தை தொடங்கிய அவர், தொடர்ந்து பல்வேறு வகையான கதாபாத்திரங்களை தேர்வு செய்து நடித்து வருகிறார்.

இந்த நிலையில், இந்திய சினிமாவில் மிகப்பெரிய பொருட்செலவில் உருவாகி வரும் திரைப்படங்களில் ஒன்றான ‘ராமாயணம்’ படத்தில் ரகுல் ப்ரீத் சிங் முக்கியமான கதாபாத்திரத்தில் நடித்துள்ளார்.

இந்தியாவின் இதிகாசங்களில் ஒன்றான ராமாயணத்தை மையமாகக் கொண்டு உருவாகும் இந்த திரைப்படம், பிரம்மாண்டமான தொழில்நுட்பம் மற்றும் பெரிய நட்சத்திர பட்டாளத்துடன் தயாராகி வருகிறது.

இதையும் படிங்க: ‘ராகா’ படத்தில் தீபிகா படுகோனே காட்சிகளுக்கு முக்கியத்துவமா..? அட்லீ – அல்லு அர்ஜுன் கூட்டணி.. படத்தின் புதிய அப்டேட் வைரல்..!