தமிழகத்தில் நிலவி வரும் கடுமையான குடிநீர் தட்டுப்பாடு மற்றும் பாசன நீர் தட்டுப்பாடு விவகாரத்தில் ஆளும் அரசை மிகக் கடுமையாகச் சாடியுள்ள பாஜக மூத்த தலைவரும் சட்டமன்றக் குழுத் தலைவருமான நயினார் நாகேந்திரன், "தண்ணீர் பஞ்சத்தைப் போக்க தமிழகத்தின் 'Cute CM' உருப்படியாக எடுத்த நடவடிக்கை என்ன?" என்று முதலமைச்சர் விஜய்யை நேரடியாகக் குறிப்பிட்டு காரசாரமாகக் கேள்வி எழுப்பியுள்ளார்.

 மேலும், தென்மேற்குப் பருவமழை பொய்த்துப் போகும் அபாயம் முன்கூட்டியே தெரிந்திருந்தும், தமிழகத்தின் அணைகள் மற்றும் நீர்நிலைகளைப் பாதுகாக்கவும், தூர்வாரவும் தமிழக அரசு எடுத்த முன்னெச்சரிக்கை நடவடிக்கைகள் என்ன என்பது குறித்து வெள்ளை அறிக்கை வெளியிட வேண்டும் எனவும் அவர் வலியுறுத்தியுள்ளார்.

இது தொடர்பாக அவர் வெளியிட்டுள்ள கண்டன அறிக்கையில் மற்றும் செய்தியாளர் சந்திப்பில் கூறியுள்ளதாவது:"தமிழகத்தில் பல மாவட்டங்களில் போதிய மழையின்றி வறட்சி தலைவிரித்தாடி வருகிறது; குறிப்பாக தென் மாவட்டங்கள் மற்றும் டெல்டா பகுதிகளில் விளைநிலங்களில் பயிர்கள் கருகும் நிலைக்குத் தள்ளப்பட்டு விவசாயிகள் வேதனையில் தவித்து வருகின்றனர்; பாபநாசம், மேட்டூர் உள்ளிட்ட முக்கிய அணைகளில் இருந்து உரிய நேரத்தில் பாசனத்திற்குத் தண்ணீர் திறந்துவிடாமல் விவசாயிகளைத் தவெக அரசு வஞ்சித்து வருகிறது.

இதையும் படிங்க: தோல்வி பயத்தில் தெருத்தெருவாக பிரச்சாரம் செய்யும் முதல்வர்: நயினார் நாகேந்திரன் விமர்சனம்!

தங்களது வாழ்வாதாரத்தைக் காக்க வீதிக்கு வந்து போராடும் விவசாயிகளுக்குத் தீர்வு காண்பதற்குப் பதிலாக, அரசு இயந்திரம் பாராமுகமாக வேடிக்கை பார்க்கிறது.தென்மேற்குப் பருவமழை எதிர்பார்த்த அளவிற்குப் பெய்யாமல் பொய்த்துப் போகும் அபாயம் உள்ளதாக வானிலை ஆய்வு மையம் முன்கூட்டியே எச்சரித்த போதிலும், இந்த அரசு நீர்நிலைகளைப் பராமரிக்கவோ, அணைகளில் நீரைச் சேமித்து வைக்கவோ, ஏரி மற்றும் குளங்களைத் தூர்வாரவோ உருப்படியான எந்தவொரு ஆக்கப்பூர்வமான நடவடிக்கையையும் எடுக்கவில்லை; தங்களது நிர்வாகத் தோல்விகளை மறைக்க வெறும் விளம்பர அரசியலிலும், சமூக வலைத்தள பிம்பக் கட்டமைப்பிலும் மட்டுமே முதலமைச்சர் கவனம் செலுத்தி வருகிறார்.வெறும் உதட்டளவில் மக்களுக்கான ஆட்சி என்று பேசினால் பஞ்சம் தீர்ந்துவிடாது.

களத்திற்கு வந்து விவசாயிகளின் கண்ணீரைத் துடைத்து, கருகும் பயிர்களைக் காப்பாற்ற உடனடி நீர்ப்பாசனத் திட்டங்களை வகுக்க வேண்டும்; இல்லையேல், பொதுமக்களையும் விவசாயிகளையும் திரட்டி பாஜக சார்பில் தமிழகம் தழுவிய அளவில் மாபெரும் போராட்டங்கள் முன்னெடுக்கப்படும்" என்று நயினார் நாகேந்திரன் காட்டமாக எச்சரித்துள்ளார்.   முதலமைச்சர் விஜய்யின் செயல்பாடுகளை விமர்சித்து நயினார் நாகேந்திரன் முன்வைத்துள்ள இந்த நேரடிக் குற்றச்சாட்டுகள் தமிழக அரசியல் வட்டாரங்களில் தவெக மற்றும் பாஜகவினரிடையே பெரும் காரசார விவாதத்தை ஏற்படுத்தியுள்ளது.   

இதையும் படிங்க: 107 தொகுதிகளில் ஜெயித்துவிட்டு பிரதமர் ஆசையா?: முதல்வர் விஜய்க்கு நயினார் நாகேந்திரன் சரமாரி கேள்வி!