இந்திய திரைப்பட உலகை மட்டுமல்ல, உலக இசை அரங்கையே தன் தாளத்தால் ஆட்டிப் படைத்த இசை மன்னன் ஏ.ஆர். ரகுமான், புதிய தொழில்நுட்பத்தின் மூலம் இன்னும் ஒரு புரட்சியைத் தொடங்கவிருக்கிறார். அவர், உலகின் முன்னணி தொழில்நுட்ப நிறுவனமான கூகுள் கிளவுட் (Google Cloud) உடன் இணைந்து, செயற்கை நுண்ணறிவு தளத்தில் புதிய வகை இசைச் சங்கமத்தை உருவாக்கவிருப்பதாக அறிவித்துள்ளார். இந்த இணைப்பின் மூலம் உருவாகவிருக்கும் திட்டத்துக்கு ரகுமான் “சீக்ரெட் மவுண்டேன்” என்று பெயரிட்டுள்ளார்.

இந்த திட்டம், இசை மற்றும் செயற்கை நுண்ணறிவு ஒன்றிணையும் புதுமையான இசைக் கலைப் பயணத்தின் ஆரம்பம் என உலக இசை வட்டாரங்களில் பெரும் எதிர்பார்ப்பை ஏற்படுத்தியுள்ளது. 1992 ஆம் ஆண்டு இயக்குநர் மணிரத்னம் இயக்கிய “ரோஜா” திரைப்படத்தின் மூலம் தமிழ் திரையுலகில் இசையமைப்பாளராக அறிமுகமானார் ஏ.ஆர். ரகுமான். அந்த படத்தின் இசை இந்திய சினிமாவில் புரட்சியை ஏற்படுத்தியதோடு, ரகுமானை ஒரு புதிய காலத்தின் ஒலிப்புனைவாளராக நிலைநிறுத்தியது. அதனைத் தொடர்ந்து “பம்பாய்”, “தில்லி 6”, “லக்கா”, “கதல் தேசம்”, “தளபதி”,  “ரங்க் தே பசந்தி”, “லக் பை சான்ஸ்”, “எந்திரன்”, “பொன்னியின் செல்வன்” உள்ளிட்ட நூற்றுக்கணக்கான படங்களுக்கு இசையமைத்து, இசை என்பது ஒரு மொழி அல்ல, ஒரு உணர்வு என்பதை உலகத்துக்கு நிரூபித்தார்.

மேலும் 2009-ம் ஆண்டு ஹாலிவுட் திரைப்படமான “Slumdog Millionaire”க்காக இரண்டு ஆஸ்கர் விருதுகளை வென்றதன் மூலம் இந்தியாவை உலக மேடையில் பெருமைப்படுத்தினார். அதன் பிறகு “127 Hours”, “Couples Retreat”, “Million Dollar Arm” போன்ற பல்வேறு சர்வதேச படங்களுக்கும் இசையமைத்தார். இப்படி இருக்க இப்போது, 33 ஆண்டுகளாக தனது இசை உலகை ஆக்கிரமித்திருக்கும் ரகுமான், புதிய தொழில்நுட்பத்தை ஏற்றுக்கொண்டு ஒரு டிஜிட்டல் ரெவல்யூஷன் தொடங்கியுள்ளார். கூகுள் கிளவுட் உடன் இணைந்து அவர் உருவாக்கும் “சீக்ரெட் மவுண்டேன்” திட்டம், உலக இசையில் செயற்கை நுண்ணறிவை இணைக்கும் ஒரு முன்னோடி முயற்சியாக பார்க்கப்படுகிறது. இந்த திட்டம், அடுத்த தலைமுறைக்கான கதைச் சொல்லும் ஸ்டோரி டெல்லிங் பாணியில் உருவாகவிருக்கும் ஒரு “அனுபவ இசை (Experiential Music Album)” என கூறப்படுகிறது.  இந்த திட்டத்தின் நோக்கம், மனித இசைக் கலைஞர்களும் செயற்கை நுண்ணறிவு கருவிகளும் இணைந்து ஒரே குழுவாக இசை உருவாக்குவது என்பதாகும்.

இதையும் படிங்க: இது என்ன புது பழக்கம்..! "டீசல், டியூட், பைசன்" படங்களை ஒப்பிடலாமா.. ரசிகர்களுக்கு அட்வைஸ் கொடுத்த சிம்பு..!

ரகுமானின் இசை நிறுவனம் இதற்கான தொழில்நுட்ப உள்கட்டமைப்பை அமைத்துக்கொண்டு வருகிறது. இதனை குறித்து பேசிய ரகுமான்,  “இசை என்பது ஆன்மாவின் மொழி. அதில் தொழில்நுட்பம் ஒரு கருவி மட்டுமே. நான் எப்போதும் புதிய ஒலிகளைத் தேடுகிறேன். செயற்கை நுண்ணறிவு அந்த தேடலை இன்னும் ஆழமாக்கும். சீக்ரெட் மவுண்டேன்” திட்டம் உலகம் முழுவதும் இசை நேயர்களுக்கு புதிய அனுபவத்தைத் தரும் என்று நம்புகிறேன்” என்றார். இசை உலகில் ஏஐயின் பயன்பாடு நாளுக்கு நாள் அதிகரித்து வருகிறது. வாய்ஸ் சின்தசைசிங், சவுண்ட் மோடுலேஷன், லைவு மியூசிக் காம்போசிஷன் போன்ற துறைகளில் ஏஐ தற்போது மிகுந்த பங்கு வகிக்கிறது. ஆனால், இந்தியாவில் இதுபோன்ற தொழில்நுட்ப இணைப்பு மூலம் இசை உருவாக்கும் முயற்சி இதுவே முதல்முறை என கூறலாம். ரகுமான் தனது உலக இசை அனுபவத்தையும், கூகுளின் தொழில்நுட்ப திறன்களையும் இணைத்து மனித உணர்ச்சிகளுடன் கூடிய டிஜிட்டல் இசை உலகை உருவாக்கப்போகிறார்.

இந்த செய்தி வெளியாகியவுடன் உலகம் முழுவதும் ரகுமான் ரசிகர்கள் பெரும் உற்சாகத்தில் உள்ளனர்.  இந்த முயற்சி, இந்திய இசை உலகை சர்வதேச அளவில் புதிய உயரத்திற்கு எடுத்துச் செல்லும் என நிபுணர்கள் கூறுகின்றனர். முன்பே ரகுமான் ஹாலிவுட் மற்றும் உலக திரைப்படங்களுக்கு இசையமைத்திருந்தாலும், இப்போது அவர் இசை உருவாக்கும் விதத்தையே மாற்றி அமைக்கப் போகிறார். இந்த “சீக்ரெட் மவுண்டேன்” திட்டம் இந்தியாவில் துவங்கி, பின்னர் உலகம் முழுவதும் உள்ள இசைக் கலைஞர்களையும் இணைத்து பரவலாக்கப்படும் என தகவல் வெளியாகியுள்ளது. இசை உலகில் ஏற்கனவே ஏராளமான விருதுகளை வென்ற ரகுமான், கடந்த மூன்று தசாப்தங்களாக பல தலைமுறைகளின் இதயத்திலும் இடம்பிடித்துள்ளார். புதிய தலைமுறை இனருக்கும் தன் பாடல்களின் தாளம் அதேபோல் கவர்ச்சியாகவே உள்ளது.  

ஆகவே மொத்தத்தில், ஏ.ஆர். ரகுமான் மீண்டும் ஒருமுறை “இசையின் எதிர்காலத்தை” உருவாக்கும் முயற்சியில் களம் இறங்கியுள்ளார். “சீக்ரெட் மவுண்டேன்” திட்டம், இந்திய இசைக்கலைஞர்கள் உலக அரங்கில் புதிதாய் வெளிச்சம் பெறும் ஒரு வாய்ப்பாக அமையும். ரகுமானின் இந்த முயற்சி, கலை மற்றும் தொழில்நுட்பம் ஒன்றிணையும் புதிய பரிணாமத்தின் தொடக்கம் என உலகம் முழுவதும் பேசப்படுகிறது. “இசை மாறலாம், ஆனால் உணர்ச்சி மாறாது” — அந்த உணர்ச்சியை தொழில்நுட்பத்துடன் இணைக்கப் போவது தான் ரகுமான்.

இதையும் படிங்க: தீபாவளியை முன்னிட்டு அதிரடியாக வெளியான “தலைவர் தம்பி தலைமையில்” படத்தின் டீசர்..!