இந்த வருடம் தீபாவளி திருநாள் தமிழ் சினிமா ரசிகர்களுக்கு வித்தியாசமான திரை அனுபவமாக அமைய உள்ளது. வழக்கமாக ரஜினிகாந்த், கமல்ஹாசன், விஜய், அஜித் போன்ற முன்னணி நடிகர்கள் தங்கள் படங்களை பண்டிகை சீசனில் வெளியிட்டு ரசிகர்களை கவர்ந்தாலும், இந்த முறை நிலைமை மாறியுள்ளது. குறிப்பாக இந்த ஆண்டின் தீபாவளி முழுக்க முழுக்க இளம் நடிகர்களின் படங்களே திரையரங்குகளை நிரப்ப உள்ளன. பிரதீப் ரங்கநாத் நடிப்பில் “டியூட் ”, துருவ் விக்ரம் நடிப்பில் “பைசன் ”, ஹரிஷ் கலையாண் நடிப்பில் “டீசல் ” போன்ற படங்கள் ஒன்றுக்கொன்று போட்டியாக வெளியாகின.

இந்த மாற்றத்தை, தமிழ் சினிமாவின் ஒரு “சிறந்த பரிணாமம்” எனப் பலரும் வரவேற்று வரும் நிலையில், நடிகர் சிலம்பரசன் தனது சமூக வலைதளப் பக்கத்தில் உணர்ச்சிகரமான பதிவொன்றை பகிர்ந்துள்ளார். சமூக வலைதளத்தில் தனது பக்கத்தில் சிம்பு வெளியிட்ட பதிவில், “அன்புள்ள ரசிகர்களே, இந்த தீபாவளி நம் இளைஞர்களுக்கு சொந்தமானது. ‘டீசல்’, ‘டியூட்’, ‘பைசன்’ போன்ற படங்கள் அன்பு, நம்பிக்கை மற்றும் கடின உழைப்பால் உருவாக்கப்பட்டுள்ளன. இவற்றை ஒன்றுடன் ஒன்றை ஒப்பிடுவதை நிறுத்தி, நம் தமிழ் சினிமாவின் ஒரு பகுதியாக அவர்களைக் கொண்டாடத் தொடங்குவோம். உள்ளே நுழைந்தவர்களை, இன்னும் வாய்ப்புக்காக காத்திருப்பவர்களை ஆதரிப்போம். ஒன்றாக, இந்த சினிமாவை உயிருடன் வைத்திருப்போம்.

அனைத்து படங்களையும் திரையரங்குகளில் பாருங்கள். இனிய தீபாவளி வாழ்த்துகள்” என பதிவிட்டுள்ளார். இந்த பதிவு சில மணி நேரங்களிலேயே ஆயிரக்கணக்கான “லைக்ஸ்” மற்றும் “ஷேர்”களைப் பெற்றது. ரசிகர்கள் மட்டுமல்லாமல், பல சினிமா பிரபலங்களும் சிம்புவின் பார்வையை பாராட்டி வருகின்றனர். தமிழ் சினிமாவில், பெரிய நட்சத்திரங்களின் படங்கள் வெளியாவதற்காக சிறிய படங்கள் இடம் பெற முடியாத நிலை கடந்த சில ஆண்டுகளாக நீடித்து வந்தது. ஆனால் இந்த தீபாவளி, இளம் தலைமுறைக்கான “வெற்றிக்கதையின் தொடக்கம்” என சினிமா வட்டாரங்கள் கூறுகின்றன. திரையரங்குகளில் தற்போது அதிகம் எதிர்பார்க்கப்படும் படங்களில் முன்னணியில் உள்ளவை,  “டியூட்” – பிரதீப் ரங்கநாத் மற்றும் மமிதா நடிப்பில், ரொமான்டிக் காமெடி ஜானரில் உருவான படம்.

இதையும் படிங்க: நடிகர் சரத்குமாரின் இளமையின் ரகசியம் இதுதான்..! உண்மையை உடைத்த பிரதீப் ரங்கநாதன்..!

இரணடாவதாக  “பைசன்” – துருவ் விக்ரம் நடிப்பில், மாரி செல்வராஜ் இயக்கத்தில் உருவான கபடி வீரர் மணத்தி கணேசனின் வாழ்க்கை வரலாறு. மூன்றாவதாக “டீசல்” – சாந்தனு, எஸ்ஜே சூர்யா நடித்த ஆக்‌ஷன் த்ரில்லர் படம், சிவா இயக்கம். இது எல்லாம் இளம் தலைமுறை இயக்குநர்கள், கதாசிரியர்கள் மற்றும் தொழில்நுட்பக் கலைஞர்களின் முயற்சிகளால் உருவானவை என்பதும் குறிப்பிடத்தக்கது. சிம்பு எப்போதும் தனது நேர்மையான கருத்துகளுக்காக ரசிகர்களிடையே தனித்துவமான இடத்தை பெற்றவர். அவர் வெளியிட்ட இந்த பதிவு, பலருக்கும் “இணக்கத்தின் குரல்” என தோன்றியுள்ளது. சினிமா விமர்சகர்கள் சிம்புவின் இந்த பதிவை “புதிய தலைமுறையின் ஒற்றுமைச் சின்னம்” என வர்ணித்துள்ளனர்.  

கடந்த சில ஆண்டுகளில் தமிழ் சினிமா உலகம் பல மாற்றங்களை சந்தித்துள்ளது. பெரிய பட்ஜெட் படங்களுடன் சேர்த்து, சிறிய அளவிலான கதை சார்ந்த படங்களும் தற்போது நல்ல வரவேற்பைப் பெறுகின்றன. குறிப்பாக “மாநாடு”, “பரியேரும் பெருமாள்”, “லவ் டுடே” போன்ற படங்கள், பெரிய ஸ்டார் மதிப்பு இல்லாமலேயே வெற்றி பெற்றன. அதே வழியில், இந்த தீபாவளி “இளம் தலைமுறை திருவிழா” என ரசிகர்கள் எதிர்பார்த்து வருகின்றனர். சிம்பு தனது பதிவு மூலம் கூறிய “சினிமாவை உயிருடன் வைத்திருப்போம்” என்ற வரி, ரசிகர்களுக்கும் சினிமா தொழிலாளர்களுக்கும் ஒரு பேருணர்ச்சியை அளித்துள்ளது. பலரும் இந்த வரியை மேற்கோளாக பகிர்ந்து வருகின்றனர்.  

தற்போது சிம்பு, இயக்குனர் தேசிங் பேரியசாமி இயக்கத்தில் உருவாகும் “STR 48” என்ற மாபெரும் படத்தில் நடித்து வருகிறார். அதோடு, “மாநாடு 2” குறித்த பேச்சுவார்த்தைகளும் நடைபெற்று வருகின்றன. இந்த பிஸி ஷேடுல்லையே இளம் நடிகர்களுக்காக அவர் ஆதரவாக பதிவு வெளியிட்டிருப்பது அவரது மனிதநேயம் மற்றும் சினிமாவுக்கு உள்ள பாசத்தை வெளிப்படுத்துகிறது. மொத்தத்தில், இந்த தீபாவளி தமிழ் சினிமாவுக்கு புதிய முகம் தரும் திருவிழா எனலாம். பெரிய நட்சத்திரங்கள் இல்லாதபோதும், இளம் தலைமுறை நட்சத்திரங்கள் தங்கள் உழைப்பால் திரையுலகை ஒளிரச்செய்யப் போகிறார்கள்.

அவர்களுக்கு சிம்பு போன்ற முன்னணி நடிகர்களின் ஆதரவு கிடைப்பது, தமிழ் சினிமாவின் ஒற்றுமையையும் வளர்ச்சியையும் வெளிப்படுத்துகிறது. “ஒரே மேடையில் எல்லோரும் சேர்ந்து வெற்றி பெறும் நாளே உண்மையான பண்டிகை” என சிம்பு சொன்னது போல, இந்த தீபாவளி தமிழ் சினிமாவுக்கே ஒரு ஒற்றுமையின் திருவிழா.

இதையும் படிங்க: 'லவ் டுடே'.. 'டிராகன்' எல்லாம் ஓரம் போங்கப்பா..! அடுத்து "Dude" தான்.. படம் எப்படி இருக்கு தெரியுமா.. வந்தாச்சு விமர்சனம்..!