தமிழ் சினிமாவில் நாளுக்கு நாள் புதிய கதாநாயகிகள் உருவாகி வருகிறார்கள். அவ்வகையில், திறமை, பார்வை ஈர்க்கும் அழகு, சிறந்த நடிப்பு என அனைத்து அம்சங்களையும் தன்னகத்தே கொண்டவர் பிரீத்தி அஸ்ரானி. இந்த பெயர் தற்போது தமிழ் சினிமா ரசிகர்களிடையே பரவலாகப் பேசப்படுகிறது. அந்தவகையில் 'பிரஷர் குக்கர்' படத்தின் மூலம் கதாநாயகியாக அறிமுகமான பிரீத்தி, அதன் பிறகு தேர்ந்தெடுத்த படங்களில் தன்னம்பிக்கையுடன் நடித்தார். ஆனால் உண்மையான திருப்புமுனை அவருடைய "அயோத்தி" படத்தில்தான் ஏற்பட்டது. சமூகத்தோடு நேரடி தொடர்பு கொண்ட அந்தப் படம் பெரும் வரவேற்பைப் பெற்றதுடன், பிரீத்தியின் இயல்பான நடிப்பும் ரசிகர்களிடையே பெரிதும் பாராட்டப்பட்டது.

அயோத்தி வெற்றிக்குப் பின், அவருக்கான வாய்ப்புகள் பெரிதும் விரிந்தன. தமிழ், தெலுங்கு, மலையாளம் என மூன்று மொழிகளிலும் சமமாக பரிணாமம் பெற்ற நடிகையாக அவர் வளர்ந்து வருகிறார். தற்போது அவர் கவினுடன் "கிஸ்" எனும் படத்தில் நடித்து வருகிறார். அதேபோல், பிரபல இயக்குநரும் நடிகருமான எஸ்.ஜே.சூர்யாவுடன் “கில்லர்” படத்தில் முக்கிய கதாபாத்திரத்தில் நடித்து வருகிறார். இந்நிலையில், பிரீத்தி அஸ்ரானி சமீபத்தில் “கில்லர்” படத்துடன் தொடர்புடைய தனது அனுபவங்களை ஒரு சிறப்பான நேர்காணலில் பகிர்ந்துள்ளார். அதனபடி பிரீத்தி கூறுகையில், “இந்தப் படம் என்னை மிகவும் எதிர்பாராத விதத்தில் சந்திக்க வைத்தது. இதுவரை நான் நடித்த கதாபாத்திரங்களில் இருந்து முற்றிலும் மாறுபட்டது. ‘கில்லர்’ படத்தில் நான் செய்கிற கேரக்டர் ஒரு சவாலான, ஆழமான உணர்வுகளோடு கூடியது. அதை நான் செய்ததற்கு எனக்கு பெருமையாக இருக்கிறது.

உண்மையில் இந்த மாதிரி ஒரு கேரக்டர் எனக்கு கிடைக்கும் என நினைக்கவே இல்ல. இந்த கதாபாத்திரத்திற்காக 80 பேர் வரை ஆடிஷனில் கலந்துகொண்டதாக தயாரிப்பு குழுவினர் சொன்னார்கள். அவர்களில் இருந்து எஸ்.ஜே.சூர்யா சார் என்னை தேர்ந்தெடுத்ததை, நான் என் வாழ்க்கையின் முக்கிய தருணமாகவே நினைக்கிறேன். மேலும் எஸ்.ஜே.சூர்யா அவர்களோடு பணியாற்றுவது எனக்கு ஒரு பெரிய அனுபவம். அவரது பார்வை, ஒவ்வொரு காட்சிக்கும் அவர் கொடுக்கும் முக்கியத்துவம், நடிகர்களிடம் அவர் எதிர்பாருக்கும் உணர்வுகள்... அனைத்தும் எனக்கு புதிய கற்றல்களைத் தந்தது. அவருடன் நடிக்கும்போது சிறிது பதட்டம் இருந்தது. ஆனால் அதே நேரத்தில் அவரிடம் நிறைய பழகும் வாய்ப்பும் கிடைத்தது. ஒவ்வொரு டேக்கும் ஒரு பாடம் போல இருந்தது” என்றார்.

இதையும் படிங்க: என்ன தான் நடக்குது ஆர்யா வீட்ல.. சூசமாக மெசேஜ் சொன்ன நடிகர்..! கமெண்டில் மனைவி 'தக்' பதில் ..!

அத்துடன் தமிழை தாண்டி, தற்போது மலையாள சினிமாவிலும் பிரீத்தி அஸ்ரானி கவனம் செலுத்தி வருகிறார். "பல்டி" என்ற மலையாளப் படத்தில் முக்கிய கதாபாத்திரத்தில் நடித்து வருகிறார். மலையாள திரையுலகில் முன்னணி இயக்குநர்களுடன் வேலை செய்வது குறித்து, அவர் பேசுகையில் “மலையாள சினிமா என்பது மிகுந்த நேர்த்தியும், நுணுக்கமான கதைகளின் அடிப்படையிலானது. அதனால்தான் அங்கே நடிப்பது மிகவும் சவாலானதும், கற்றுக்கொள்ளும் வாய்ப்புகளோடும் நிறைந்தது. ‘பல்டி’ படம் எனக்கு மிக முக்கியமான அனுபவமாக இருக்கும்” என அவர் தெரிவித்துள்ளார். இப்படி இருக்க பிரீத்தி தற்போது நடித்து வரும் மற்றொரு படமான "கிஸ்", கவினுடன் இணையும் முதல் படம் என்பதாலும் கவனிக்கத்தக்கது. இது ஒரு காதல் கலந்த நவீன நெஞ்சங்களை நோக்கும் படம் என்கிறார்கள். அதைப்பற்றி பேசுகையில், “கவினுடன் பணியாற்றுவது மிகவும் சந்தோஷமாக உள்ளது. அவர் மிகவும் down to earth. இந்தப் படம் நம்ம இளைய தலைமுறையை தொடர்புபடுத்தும் விதத்தில் இருக்கும்,” என அவர் கூறியுள்ளார். எனவே பிரீத்தி அஸ்ரானி தனது சமூக வலைதளங்களில் பிஸியாக இருக்கிறார். அவர் வெளியிடும் காட்சிகள், படப்பிடிப்பு இடங்களில் எடுத்த புகைப்படங்கள், அப்டேட்கள் ஆகியவை ரசிகர்களை மிகவும் கவர்ந்துள்ளன.

குறிப்பாக “கில்லர்” படப்பிடிப்புக்கான பின்னணிக் காட்சிகள் பெரும் வரவேற்பைப் பெற்றுள்ளன. சமீபத்திய திரைப்படங்களின் வெற்றியையும், ரசிகர்களிடையே உருவாகும் வரவேற்பையும் பார்த்தால், பிரீத்தி அஸ்ரானி தமிழ் சினிமாவின் எதிர்கால நம்பிக்கைக்குரிய நடிகையாவார் என்பதை மறுக்கமுடியாது. பொதுவாக நடிகைகள் மீது ஒட்டிவரும் "க்யூட்", "காமெடிப் பக்கம்", அல்லது "ரொமான்ஸ்" என்ற குறுகிய வரையறைகளைத் தாண்டி, பரபரப்பான கதாபாத்திரங்கள், உணர்வுகளுக்கிடையில் சிக்கிக்கொள்பவை, கெட்டியான பங்களிப்புகளைத் தந்து வரும் இளம் நடிகைகள் இன்று தலையெடுத்து வருகிறார்கள். பிரீத்தி அஸ்ரானியும் அந்த வரிசையில் துளிர்த்து வரும் ஒளிமணிதான். நிகழ்காலத்தில் ஒரு சில தமிழ், தெலுங்கு, மலையாளப் படங்களில் நடித்து வரும் பிரீத்தி, எதிர்காலத்திலும் பல்வேறு விதமான கதாபாத்திரங்களில் நடிக்க விருப்பம் கொண்டுள்ளதாக கூறுகிறார். “ஒரே மாதிரியான கதாபாத்திரங்களை மட்டும் செய்யும் ஆர்வமில்லை. வெவ்வேறு வகையான படைப்புகள், சிக்கலான கேரக்டர்கள், மற்றும் மனதை உருக்கும் கதைகளில் பங்கு பெற விருப்பமிருக்கிறது. ஒரு நடிகை என்ற நிலைப்பாட்டில் சினிமாவுக்கு முழுமையாக அர்ப்பணிக்கவேண்டும் என விரும்புகிறேன்” என்கிறார்.

ஆகவே பிரீத்தி அஸ்ரானி இன்று தமிழ் சினிமாவில் ஒரு எழுச்சியோடு பயணிக்கும் இளம் நடிகை. அவரது நடிப்பில் இயல்பு, அவரது பேச்சில் நம்பிக்கை, அவரது தேர்வுகளில் தெளிவு என முதலானவைகள் உள்ளன. எனவே "கில்லர்" படத்தின் மூலம் அவர் ஒரு புதிய பரிமாணத்தை தொடக்கவுள்ளதாக எதிர்பார்க்கப்படுகிறது. ரசிகர்கள், விமர்சகர்கள் அனைவரும் எதிர்நோக்கிக்கொண்டிருக்கும் அந்த படமும், அதில் பிரீத்தியின் பங்களிப்பும், ஒரு புதிய கதையைத் தமிழ்சினிமாவுக்கு கொண்டு வரும் என நம்பலாம்.

இதையும் படிங்க: 100 நாட்கள் என்டர்டைன்மென்டுக்கு தயாரா மக்களே..! பிக்பாஸ் சீசன் - 9 போட்டியாளர்கள் லிஸ்ட் இதோ..!