அண்மையில் முடிவடைந்த 13-வது ஐ.சி.சி. மகளிர் ஒருநாள் உலகக்கோப்பை தொடரில், இந்திய அணியின் வீராங்கனைகள் தங்களது அட்டகாசமான அணுகுமுறையால் சாதனை படைத்தனர். கேப்டன் ஹர்மன்பிரீத் கவுர் தலைமையிலான இந்திய அணி, தென் ஆப்பிரிக்கா அணியை 52 ரன் வித்தியாசத்தில் வீழ்த்தி உலக சாம்பியன் பட்டம் வென்றது வரலாற்றில் முக்கிய இடம் பிடித்துள்ளது.

இதுவே இந்திய பெண்கள் அணிக்கு முதல் முறையாக உலகக்கோப்பையை வென்ற சம்பவமாக பார்க்கப்படுகிறது. இந்த வெற்றி இந்திய கிரிக்கெட் ரசிகர்களுக்கு மட்டுமல்ல, நாட்டின் அனைத்துப் பகுதி மக்களுக்கும் பெரும் உற்சாகத்தை ஏற்படுத்தியது. இந்த சாதனையை பார்த்த பிரதமர் மோடி, ஜனாதிபதி திரௌபதி முர்மு நேரில் ரசிகர்களுக்கு முன்பாக, வீராங்கனைகள் மற்றும் அணியினருக்கு மனமார்ந்த வாழ்த்துகளை தெரிவித்துள்ளனர். மேலும், வெற்றி கொண்டாட்டத்தின் ஓரமாக, வீராங்கனைகளுக்கு கோடிக்கணக்கில் பரிசுகள் மற்றும் வெற்றிச் சான்றிதழ்கள் வழங்கப்பட்டன. சமூக ஊடகங்கள் மற்றும் தொலைக்காட்சிகளில் இந்திய பெண்கள் அணியின் சாதனை பரபரப்பாக பகிரப்பட்டது. அதுமட்டுமல்லலம் உலகக்கோப்பை வென்ற இந்திய பெண்கள் அணியின் கேப்டன் ஹர்மன்பிரீத் கவுர், வெற்றி கொண்டாடியதற்குப் பிறகு சென்னை வந்தார்.

அவருக்கு மேள, தாளங்களுடன் உற்சாக வரவேற்பு வழங்கப்பட்டது. அந்த நிகழ்வில், பல பள்ளிகள் மற்றும் கல்லூரிகளில் அவருக்கு சிறப்பான பாராட்டு விழாக்கள் நடத்தப்பட்டன. அதில் பேசிய ஹர்மன்பிரீத் கவுர் தனது அனுபவங்களை பகிர்ந்தார். குறிப்பாக “உலக சாம்பியன் ஆன பிறகு நான் தாய்லாந்துக்கு சுற்றுலா சென்றேன். அப்போது நடிகர் ரஜினிகாந்த் எனக்கு செல்போனில் தொடர்பு கொண்டு வாழ்த்து தெரிவித்தார்.

இதையும் படிங்க: திரையுலகில் 50 ஆண்டுகளை நிறைவு செய்த ரஜினிக்கு பாராட்டு..! கோவா இந்திய சர்வதேச திரைப்பட விழாவில் கவுரவம்..!

சிறுவயதில் டெலிவிஷனில் பார்த்து மகிழ்ந்த நபரை நேரில் பேசி வாழ்த்தை பெறுவது எனக்கு மிகப்பெரிய உற்சாகம் அளித்தது” என்று கவுர் கூறினார். இதோடு அவர், இறுதிப்போட்டியை நேரில் பார்க்க விரும்பினாலும், சிங்கப்பூரில் படப்பிடிப்பு காரணமாக வர இயலாததாகவும் கூறினார். ஆனால் அவர் குடும்பம் முழுவதும் போட்டியை நேரில் பார்வையிட வந்ததாகவும் பகிர்ந்தார். கவுர் மேலும், “நமது அணி வீராங்கனைகள் சிறப்பாக செயல்பட்டனர். ஒவ்வொரு வீராங்கனையும் தனித்தன்மையுடன், மனவலிமை மற்றும் ஒருங்கிணைந்த அணுகுமுறையுடன் விளையாடினர். இதனால் மட்டுமே, இந்திய பெண்கள் அணியின் சாதனை உலக அளவில் பெரும் பாராட்டைப் பெற்றது” என்று கூறினார்.

இந்த வெற்றி, இந்திய கிரிக்கெட்டில் பெண்கள் விளையாட்டு வளர்ச்சிக்கு மிகப்பெரிய ஊக்கமாக உள்ளது. ஹர்மன்பிரீத் கவுர் தலைமையிலான அணியின் வெற்றியால், அடுத்த தலைமுறை பெண்கள் கிரிக்கெட்டில் ஆர்வமுடன் கலந்துகொள்ள உற்சாகம் பெற்றுள்ளனர். இவர்களின் சாதனை சாதாரண வெற்றியாக இல்லாமல், நாட்டின் மக்களுக்கு மனநிறைந்த பெருமையையும், வீராங்கனைகளின் கனவுகளையும் உணர்த்தும் வரலாற்றுச் சாதனையாக உள்ளது. சமூக வலைதளங்களில் வைரலாகி வரும் புகைப்படங்கள், வரவேற்பு விழா, மேள, தாளங்கள், ரசிகர்களின் உற்சாகங்கள், அனைத்தும் நிகழ்ச்சியின் சிறப்பையும் உணர்த்துகின்றன. இதனால், இந்திய பெண்கள் அணியின் சாதனை இன்னும் நீண்டகால நினைவாக மக்களின் மனதில் இருக்கவுள்ளது. இந்த வெற்றி நிகழ்வு, சாதனை விரும்பும் இந்திய மகளிர் அணிகளுக்கு ஊக்கமளிக்கும் மாதிரியாக, விளையாட்டு மட்டுமல்ல, ஒற்றுமை, மனவலிமை மற்றும் கனவுகளை அடைய முயற்சிக்கும் அனைவருக்கும் ஒரு ஊக்கம் மற்றும் அனுபவமாக உருவாகியுள்ளது.

ஹர்மன்பிரீத் கவுர் தலைமையிலான இந்திய அணியின் சாதனை, இந்திய பெண்கள் கிரிக்கெட்டின் வரலாற்றில் கலகலப்பான அத்தியாயமாக பார்க்கப்படுகிறது. மேலும் இவர்களை போன்ற பல வீரர் மற்றும் வீராங்கனைகளை பிரபலங்கள் நேரில் வாழ்த்துவது அவர்களது வெற்றிக்கு அதிகப்படியான வலுவை சேர்க்கும் என்பதே பலரது கருத்தாக உள்ளது. 
 

இதையும் படிங்க: என்ன இப்படி ஆகி போச்சி..! ரஜினியின் ஜெயிலர்-2 படத்தில் நடிக்க மாட்டேன் என்ற ஸ்டார் நடிகர்.. ஷாக்கிங் அப்டேட்..!