தமிழ் சினிமா உலகில் நகைச்சுவை மூலம் மக்களை சிரிக்க வைத்த பல நடிகர்கள் இருக்கின்றனர். ஆனால் அவர்களில் சிலர் மட்டும் தான் மனதைத் தொடும் விதத்தில் மக்களின் வாழ்வில் ஒரு பாசமான இடத்தை பிடித்து விடுகிறார்கள். அந்த வகையில் பெயர் சொல்லாமல் இருக்க முடியாதவர் ரோபோ ஷங்கர். தனது தனித்துவமான பேச்சு முறை, வேகமான நகைச்சுவை உணர்வு, உடல் பாசம் கலந்த நடிப்பு என இதை எல்லாம் சேர்த்து ஒரு புதிய பாணியை உருவாக்கியவர்.
எந்த ஒரு சினிமா பின்னணியும் இல்லாமல், தனது திறமையாலும் உழைப்பாலும் சிறிய திரையிலிருந்து வெள்ளித்திரை வரை சாதனை படைத்தவர். இப்படி இருக்க ரோபோ ஷங்கர் முதலில் கவனிக்கப்படத் தொடங்கியது விஜய் டிவியில். ‘கலக்கப்போவது யாரு, அது இது எது, சூப்பர் சிங்கர்’ போன்ற பல நிகழ்ச்சிகளில் பங்கேற்று மக்களை வயிறு குலுங்கச் சிரிக்க வைத்தார். அவர் நடித்த ஒவ்வொரு காமெடி ஸ்கெட்சிலும் ஒரு இயல்பான வெளிப்பாடு, ஒரு நிஜமான மனிதத்தன்மை இருந்தது. அவரின் முகபாவனை, சுருக்கமான ஆனால் தீவிரமான நடிப்பு, உடல்நிலை வேறுபாடுகளைக் கூட நகைச்சுவையாக மாற்றும் திறன் என இதெல்லாம் அவரை ரசிகர்களின் மனதில் நிலைத்திருக்க வைத்தது. அவர் ஒருமுறை, “நான் நடிகனாக வருவது கனவு இல்லை, ஆனால் மக்களை சிரிக்க வைப்பது தான் நோக்கம். நான் சிரிக்க வைக்கிறேனானால், அது என் வாழ்க்கையின் வெற்றி” என்றார்.
தொலைக்காட்சி உலகில் மிகுந்த வரவேற்பைப் பெற்ற ரோபோ ஷங்கருக்கு பின்னர் வெள்ளித்திரை கதவுகள் திறந்தன. அவர் பல முன்னணி நடிகர்களுடன் இணைந்து நடித்தார் – அஜித் விசுவாசம், தனுஷ் நடித்த மாரி, ஆம்பள, புலி உள்ளிட்ட பல படங்களில் தனது தனித்துவமான நடிப்பால் ரசிகர்களை கவர்ந்தார். அவரின் திரை வருகை ஒவ்வொரு முறை வந்தாலும், அது ரசிகர்களுக்கு ஒரு மகிழ்ச்சியான தருணமாக மாறியது. “ரோபோ ஷங்கர் வரும் காட்சி வந்தாச்சு!” என்று ரசிகர்கள் எதிர்பார்ப்புடன் காத்திருப்பது அவரது புகழை நிரூபித்தது. இப்படி இருக்க மக்களை சிரிக்க வைத்த அந்த நகைச்சுவை மன்னன், உடல் நலக்குறைவு காரணமாக திடீரென உயிரிழந்தது சினிமா உலகையே அதிர்ச்சியில் ஆழ்த்தியது. அவரது மறைவு ஒரு நகைச்சுவை நட்சத்திரத்தின் முடிவை மட்டுமல்ல, ஒரு பாசமான மனிதனின் பிரிவாகவும் இருந்தது.
இதையும் படிங்க: கலப்படமான நல்லவளாக இருப்பதை விட.. சுத்தமான கெட்டவளாக இருப்பதே மேல்..! நடிகை பார்வதி ஓபன் டாக்..!
அவரின் இறப்பு நாளில் ஆயிரக்கணக்கான ரசிகர்கள் சமூக வலைதளங்களில் அவரின் காட்சிகளையும், சொன்ன வார்த்தைகளையும் பகிர்ந்து கண்ணீருடன் அஞ்சலி செலுத்தினர். அவரது மறைவுக்கு பிறகு, ரோபோ ஷங்கரின் மனைவி பிரியங்கா ஷங்கர் ஒரு நிகழ்ச்சியில் கலந்து கொண்டார். அங்கு அவர் பேசும்போது பலரும் கண்ணீரை அடக்க முடியாமல் போனனர். அவர் கூறிய உருக்கமான வார்த்தைகள், “நான் ஒரு டான்ஸர் தான். ஆனால் குண்டாக இருந்தேன். எனவே என் அப்பா, அம்மா, நண்பர்கள் எல்லோரும் ‘நீ நல்ல டான்ஸர், ஆனா வெயிட் குறைக்கணும்’ என்று திட்டுவார்கள். ஆனால் என்னை வெயிட் குறைக்க கூடாது என்று சொன்னவர் ரோபோ ஷங்கர் தான். அவர் எப்போதும் சொல்வார் – ‘இது தான் உனக்கு அழகு. நீ இப்படியே இரு. யார் என்ன சொன்னாலும் கவலைப்படாதே. நீ இப்படி இருந்தால்தான் எனக்கு பிடிக்கும். நீ என் உலகம்’ என்று சொல்லி என்னை கொஞ்சிக் கொஞ்சிப் பேசுவார்” என்றார்.
அந்த நினைவுகளைப் பகிர்ந்தபோது பிரியங்காவின் கண்களில் நீர் வழிந்தது. நிகழ்ச்சியில் இருந்த அனைவரும் அமைதியாகி போனார்கள். பிரியங்கா மேலும், “ரோபோ ஒரு நல்ல நகைச்சுவை நடிகர் தான். ஆனால் வீட்டில் அவர் இன்னும் நல்ல மனிதர். என்னையும், எங்கள் மகளையும் தன்னுடைய உயிராக நினைத்தவர். எனக்கு எந்த துன்பம் வந்தாலும் ‘அது ஒரு நிமிஷம் தான், சிரிச்சுட்டு வா’ என்று சொல்வார். அவர் இருந்தால் சிரிப்பு நம்ம வாழ்க்கையிலே ஓடிக்கொண்டிருக்கும்.” என்றார். அவரது வார்த்தைகள் கேட்கும் ஒவ்வொருவரின் இதயத்தையும் நெகிழ்ச்சியடைய வைத்தன. பிரியங்காவின் இந்த உரை வெளியாகிய சில மணிநேரங்களிலேயே, அது சமூக வலைதளங்களில் பரவலாகப் பகிரப்பட்டது.
நிகழ்ச்சியின் முடிவில் பிரியங்கா ஒரு நெகிழ்ச்சியான வாக்குறுதியையும் அளித்தார். அதன்படி “அவர் எப்போதும் சொல்வார் – ‘நம்ம வாழ்க்கை சிரிப்பால் நிரம்பி இருக்கணும்’. இப்போது அவர் இல்லாவிட்டாலும், அவரின் அந்த சிரிப்பு, அந்த அன்பு எனக்கு வழிகாட்டியாக இருக்கும். நான் நடனமாடும் ஒவ்வொரு முறை, அவர் என்னோடு இருப்பார்” என்ற இந்த வார்த்தைகள் கேட்ட அனைவரின் கண்களும் கலங்கின.
ஆகவே ரோபோ ஷங்கர் இனி நம்மிடையே இல்லை. ஆனால் அவர் மகிழ்ச்சியாக சிரித்த முகம், மனம் நெகிழ வைக்கும் மனிதத்தன்மை, தன்னம்பிக்கையூட்டும் வார்த்தைகள் ஆகியவை என்றும் வாழும். அவரது மனைவி பிரியங்கா சொன்ன அந்த ஒரு வரி, இன்று ஆயிரக்கணக்கான பெண்களின் மனதில் ஒலிக்கிறது.
இதையும் படிங்க: காலம் மாறுது பாஸ்.. அனிமேஷனுக்கு மாறுங்க..! சூப்பர் ஸ்டாரின் நெக்ஸ்ட் படத்திற்கு ஹிண்ட் கொடுத்த சௌந்தர்யா ரஜினிகாந்த்..!