தமிழ் திரையுலகில் தனித்துவமான கதாபாத்திரங்களும் வலிமையான நடிப்பும் கொண்ட நடிகையாக பெயர் பெற்றவர் மம்தா மோகன்தாஸ். கடந்த இரண்டு தசாப்தங்களாக தமிழ், மலையாளம், தெலுங்கு, கன்னடம் உள்ளிட்ட பல மொழிகளில் சிறப்பாக நடித்து வரும் அவர், தற்போது “மை டியர் சிஸ்டர்” என்ற புதிய திரைப்படத்தின் மூலம் தமிழ் ரசிகர்களை மீண்டும் சந்திக்கவுள்ளார். இப்படத்தை பிரபு ஜெயராம் இயக்கியுள்ளார்.

இதில் அருள்நிதி கதாநாயகனாக நடித்துள்ளார். சமூக உணர்வும், உண்மையான சகோதர பாசமும் கலந்த இந்த படம் ஒரு வலிமையான குடும்பக் கதையாக உருவாகியுள்ளது. “மை டியர் சிஸ்டர்” விரைவில் திரையரங்குகளில் வெளியாகவுள்ளது. இப்படி இருக்க மம்தா மோகன்தாஸ், 2000களின் தொடக்கத்தில் தமிழில் அறிமுகமானார். “சிவப்பதிகாரம்” படத்தில் சிரஞ்சீவி சர்ஜாவுடன் நடித்த அவர், பின்னர் “குரு என் ஆளு”, “தடையறத் தாக்க”, “எனிமி”, “மகாராஜா” போன்ற படங்களில் தனது வித்தியாசமான நடிப்பால் ரசிகர்களின் மனதில் இடம்பிடித்தார். இசையையும் கற்றவர் என்பதால், சில படங்களில் பின்னணி பாடகராகவும் பணியாற்றியுள்ளார். தனது தொழில்முறையிலும், தனிப்பட்ட வாழ்க்கையிலும் பல சவால்களை சமாளித்து முன்னேறியவர் மம்தா. புற்றுநோயை வென்ற அவரது வாழ்க்கை சாகசம் பலருக்கும் ஒரு ஊக்கமாக இருந்தது.

இப்படத்தில் மம்தா, அருள்நிதியின் அக்காவாக நடித்துள்ளார். இது ஒரு பெண்ணின் போராட்டத்தை மையமாகக் கொண்ட கதை என படக்குழு தெரிவித்துள்ளது. மம்தா கூறுகையில், “அருள்நிதிக்கு அக்காவாக நடித்தேன். இது ஒரு அசாத்தியமான பெண்ணின் வாழ்க்கைப் போராட்டத்தை சொல்லும் கதை. எவ்வாறு ஒரு பெண் தனது வாழ்க்கையின் கடினநிலைகளை கடந்து தன்னுடைய குடும்பத்தையும், கனவுகளையும் காப்பாற்றுகிறாள் என்பதே கதையின் மையக்கரு. படத்தில் நான் ஒரு டக்கர் லாரி டிரைவராக நடித்திருக்கிறேன். இது என்னுடைய கேரியரில் மிகவும் புதுமையான கதாபாத்திரம். உண்மையான லாரி டிரைவர்களைப் பார்த்து, அவர்கள் உட்காரும் முறை, பேசும் நடைமுறை, சாலையில் எதிர்நோக்கும் சவால்கள் ஆகியவற்றை நான் கவனித்தேன். இந்த கதாபாத்திரம் ஒரு கிராமப் பின்னணியில் நடக்கிறது. எனவே என் தோல் நிறத்தை மாற்றும் வகையில், தினமும் இரண்டு மணி நேரம் ‘டஸ்கி நிற’ பெயிண்ட் பூசப்பட்டேன். அது என் உடல் முழுவதும் பரவியதால், வெப்பத்தில் கடுமையான சிரமம் ஏற்பட்டது.

இதையும் படிங்க: சூறாவளியாக மாற தயாராகும் பாலைய்யா-வின் 'அகண்டா-2'..! இசையமைப்பாளர் தமன் கொடுத்த ஷாக்கிங் அப்டேட்..!

ஆனால் திரையில் உண்மைத்தன்மை வேண்டும் என்பதற்காக அதை நான் ஏற்றுக்கொண்டேன். அத்துடன் ஒரு காட்சிக்காக நான் டக்கர் லாரியை நிஜமாகவே ஓட்டினேன். அப்போது காற்றும் தூசியும் முகத்தில் பட, உண்மையான டிரைவராகவே மாறிவிட்டேன். அந்த அனுபவம் மறக்க முடியாதது” என்றார். “மை டியர் சிஸ்டர்” திரைப்படத்தின் பெரும்பாலான காட்சிகள் திருநெல்வேலி, தூத்துக்குடி உள்ளிட்ட தென்னக கிராமப் பகுதிகளில் படமாக்கப்பட்டுள்ளன. அதுகுறித்து மம்தா பேசுகையில், “நெல்லை மற்றும் தூத்துக்குடி பகுதிகள் எனக்கு புதிய அனுபவம். அங்குள்ள மக்களின் அன்பு, அவர்களின் எளிமை, குறிப்பாக அவர்கள் பேசும் நெல்லை தமிழ் எனக்கு மிகவும் பிடித்துப் போனது. ‘ஏல’ என்று அவர்கள் பேசும் அந்த இனிய வட்டார மொழி காதில் விழுந்தால் மனசே மகிழ்ச்சி அடையும். மேலும் படப்பிடிப்பின் போது அங்குள்ள மக்கள் நம்மை குடும்பம் போல பார்த்தார்கள். சூரிய வெப்பத்தில் படப்பிடிப்பு நடந்தாலும், அவர்கள் எங்களுக்கு நிழல் கொடுக்க நின்றார்கள். அந்த அன்பு என்னை நெகிழச் செய்தது.

எத்தனை மொழிகளில் நடித்தாலும், தமிழ் சினிமாவில் நடிப்பது என்றென்றும் பெருமை. இங்குள்ள ரசிகர்கள் தரும் பாசத்தைக் காணவே முடியாது. அவர்கள் சினிமாவை ஒரு கலை வடிவம் என்று மட்டும் பார்க்கவில்லை; உணர்ச்சியாக நேசிக்கிறார்கள். எனக்கு தமிழ் ரசிகர்கள் அளித்த அன்பு எப்போதும் வித்தியாசமானது. நான் எத்தனை ஆண்டுகள் கழித்தும், அந்த அன்பை காக்கப் போராடுவேன். தமிழ் சினிமா எனக்கென்றே ஒரு குடும்பம்” என்றார். இப்படத்தின் நாயகனாக நடித்துள்ள அருள்நிதி, தனது கதாபாத்திரத்தில் ஒரு உணர்ச்சி பூர்வமான சகோதரனாக வருகிறார். மம்தா – அருள்நிதி ஜோடி பாரம்பரிய காதல் ஜோடியாக அல்ல, உணர்ச்சி நிறைந்த சகோதர சகோதரி உறவாக வடிவமைக்கப்பட்டுள்ளது. மேலும் இதனை குறித்து இயக்குநர் பிரபு ஜெயராம் கூறுகையில், படம் முழுவதும் ஒரு பெண்ணின் உறுதியையும், குடும்ப பாசத்தையும் பேசுகிறது. மம்தா அந்த கதாபாத்திரத்தை உயிருடன் எடுத்துள்ளார். அவர் ஒவ்வொரு காட்சியிலும் அக்கா என்ற உணர்வை வெளிப்படுத்தியுள்ளார்.

இப்படத்தின் ஒளிப்பதிவை யுவராஜ் திருப்பதி மேற்கொண்டுள்ளார். இசையை சாம் சி.எஸ். அமைத்துள்ளார். அவருடைய இசை கதை உணர்ச்சியுடன் இணைந்து இருக்கும் என கூறப்படுகிறது. எடிட்டிங் பணிகளை ரூபன், ஒலி வடிவமைப்பை சச்சின் ராஜ் மேற்கொண்டுள்ளனர். திரைப்படத்தின் தயாரிப்பு நிறுவனமான ஹார்மனி பிலிம்ஸ் இந்தப் படத்தை மிகவும் உண்மையான கதை சொல்லும் பாணியில் உருவாக்கியுள்ளது. மம்தா தனது தொழில்முறை வாழ்க்கையில் பல உயர்வும் தாழ்வும் கண்டவர். ஒரு கட்டத்தில் அவர் புற்றுநோயால் பாதிக்கப்பட்டபோது கூட தன்னம்பிக்கையுடன் எதிர்த்து வெற்றி பெற்றார். அதைப் பற்றிப் பேசும் போது அவர் அடிக்கடி கூறுவார். பேசுகையில், “வாழ்க்கை எப்போதும் சுலபமில்லை. ஆனால் சினிமா எனக்கு வலிமை கொடுத்தது. ஒவ்வொரு கதாபாத்திரமும் என்னை ஒரு புதிய மனிதராக உருவாக்கியது” என்றார்.

“மை டியர் சிஸ்டர்” படத்தின் டீசர் மற்றும் போஸ்டர் வெளியானதிலிருந்தே ரசிகர்கள் மம்தா மோகன்தாஸ் நடிப்பைப் பாராட்டி வருகின்றனர். ஒரு பெண்ணின் போராட்டம், குடும்ப பாசம், மற்றும் சமூக உண்மை ஆகியவை கலந்த உணர்ச்சி திரைப்படமாக இது அமையும் என ரசிகர்கள் எதிர்பார்க்கின்றனர். அருள்நிதியின் உணர்ச்சி மிக்க நடிப்பு, மம்தாவின் இயல்பான பாசம், சாம் சி.எஸ் இசை என மூன்றின் சேர்க்கை “மை டியர் சிஸ்டர்” திரைப்படத்தை ஒரு வலிமையான படைப்பாக உருவாக்கும் என்று திரைப்பட வட்டாரங்கள் கூறுகின்றன. ஆகவே மம்தா மோகன்தாஸ் மீண்டும் தமிழ் திரையுலகில் ஒரு வித்தியாசமான கதாபாத்திரத்துடன் திரும்பி வருகிறார். “மை டியர் சிஸ்டர்” திரைப்படம் அவர் வாழ்வில் ஒரு புதிய பரிமாணத்தைத் தந்து, அவரது திறமைக்கான இன்னொரு சான்றாக அமையும்.
 

இதையும் படிங்க: நடிகர் விக்ரமை தோற்கடிப்பதே என் லட்சியம்...சபதம் எடுத்த நடிகர் துருவ் விக்ரமால் பரபரப்பு..!