தெலுங்கு சினிமாவின் சிங்கம், உலகளாவிய கவனத்தை ஈர்த்த இயக்குநர் எஸ்.எஸ். ராஜமௌலி. இவர் இயக்கிய 'பாகுபலி' தொடர் படம் இந்திய சினிமாவின் வரலாற்றையே மாற்றிய நிகழ்வாகும். உலகளாவிய வசூலில் ஆயிரம் கோடிகளை தாண்டிய இந்த இரண்டு பாக படமும், இந்திய சினிமாவின் வளர்ச்சிக்கு வழிகாட்டியாக இருந்தது. பாகுபலியின் வெற்றிக்குப் பிறகு ராஜமௌலி இயக்கிய RRR கூட உலகளவில் பல விருதுகளை குவித்தது, குறிப்பாக ஆஸ்கார் விருது பெற்றது.

இந்த நிலையில், தற்போது ராஜமௌலி தெலுங்கு சினிமாவின் மெகா ஸ்டார் மகேஷ் பாபுவை வைத்து இயக்கும் புதிய படம் மீது அபாரமான எதிர்பார்ப்பு உருவாகியுள்ளது. இந்தப் படம் தற்காலிகமாக SSMB29 என அழைக்கப்படுகிறது, ஏனெனில் இது மகேஷ் பாபுவின் 29-வது திரைப்படமாகும். இதுவரை அதிகாரப்பூர்வ தலைப்பு அறிவிக்கப்படவில்லை என்றாலும், இது இந்திய சினிமாவின் மிகப்பெரிய முயற்சிகளில் ஒன்றாக மதிக்கப்படுகிறது. இந்தப் படம் பற்றி ரசிகர்களை மயக்கும் முக்கிய செய்தி என்னவென்றால், இது சுமார் ரூ.1200 கோடி ரூபாய் பட்ஜெட்டில் உருவாகும் என்ற தகவல் தற்போது திரையுலகில் பரபரப்பை ஏற்படுத்தியுள்ளது. இதன் மூலம், SSMB29 இந்திய சினிமாவின் மிகப்பெரிய பட்ஜெட் படங்களில் முதலிடத்தில் அமையும் என கூறப்படுகிறது. இந்த படத்தின் படப்பிடிப்பு மற்றும் ப்ரொடக்‌ஷன் பணிகள் பிரமாண்டமாக நடைபெறவுள்ளன. உலகளவில் 120 நாடுகளில் இந்தப் படம் வெளியிடப்பட இருப்பதும், ராஜமௌலியின் வழக்கமான பன்னாட்டு ரீச்சை ஒட்டி இருக்கிறது. இப்படம் வெளியாகும் போது, தெலுங்கு சினிமா மட்டுமல்லாமல் இந்திய சினிமாவின் வரலாற்றில் முக்கியமான மைல்கல்லாக அமையும் என்பதில் சந்தேகமே இல்லை. இப்படி இருக்க SSMB29 ஒரு பெரிய கதையை அடிப்படையாகக் கொண்டதால், இது இரண்டு பாகங்களாக உருவாகும் என உறுதி செய்யப்பட்டுள்ளது. இது பாகுபலி மற்றும் RRR படங்களை மிஞ்சும் அளவில் புதிய உலகை உருவாக்கும் என கூறப்படுகிறது.

ராஜமௌலி எப்போதும் தான் இயக்கும் ஒவ்வொரு படத்திலும் ஒரு புதிய கனவுலகை காட்சிப்படுத்துவதில் வல்லவர் என்பது எல்லோருக்கும் தெரியும். இந்தப் படமும் அவரது இமாலயத் தரத்தில் இருக்கும் கற்பனையை பிரதிபலிக்கும் என எதிர்பார்க்கப்படுகிறது. இப்படத்தில் மகேஷ் பாபுவுடன் இணைந்து, பிரியங்கா சோப்ரா மற்றும் மலையாளத்தின் மெகா ஸ்டார் பிரித்விராஜ் சுகுமாரன் உள்ளிட்டோர் முக்கிய கதாபாத்திரங்களில் நடிக்கின்றனர். இது ஒரு பன்மொழி திரைப்படம் என்பதால், பல மொழி பிரபலங்கள் இதில் சேர்க்கப்படுவார்கள் என கூறப்படுகிறது. இதன்மூலம் இது இந்தியாவின் அனைத்து மாநிலங்களையும் இணைக்கும் முயற்சியாகவும் பார்க்கப்படுகிறது. இந்தப் படத்திற்கு இசையமைக்கிறவர் எம்.எம். கீரவாணி, இவர் RRR படத்திற்காக 'நாட்டு நாட்டு' பாடலுக்காக ஆஸ்கார் விருதை வென்றவர் என்பது குறிப்பிடத்தக்கது.

இதையும் படிங்க: இன்றைக்கு சரவெடி தான்... "வெனஸ்டே சீசன் 2" வெப் சீரிஸ்..! இன்று வெளியாகிறது கடைசி 4 எபிசோடுகள்..!

அவரது இசை, படத்தின் உணர்வுகளை மேலும் உயர்த்தும் என்று உறுதியாக கூறலாம். அவரின் இசைதான் ராஜமௌலியின் காட்சிகளுக்கு உயிர் அளிக்கிறது என்பதும் அனைவரும் ஏற்கும் உண்மை. படத்தை துர்கா ஆர்ட்ஸ் நிறுவனம் தயாரிக்கிறது. இந்த நிறுவனம் இதற்காக தனிப்பட்ட முறையில் நிதியுதவிகளை ஈர்த்து வருவதாகவும், சர்வதேச அளவில் அடையாளம் காணும் பணியில் உள்ளதாகவும் தகவல்கள் வெளியாகியுள்ளன. இந்த படத்தின் பர்ஸ்ட் லுக் நவம்பர் மாதம் வெளியாகும் என இயக்குநர் ராஜமௌலி சமீபத்தில் அறிவித்துள்ளார். இதற்கான டீசர், போஸ்டர், மற்றும் விழாக்கள் மிகப்பெரிய அளவில் நடத்தப்படும் என எதிர்பார்க்கப்படுகிறது.  இந்த படம் தமிழிலும் வெளியாகும் என கூறப்படுகிறது. ராஜமௌலியின் படங்களுக்கு தமிழ் ரசிகர்கள் இடையே தனி ரசிகர் கூட்டமைப்பே உள்ளது. பாகுபலி, RRR போன்ற படங்கள் தமிழிலும் பெரும் வரவேற்பைப் பெற்றதனால், தற்போது SSMB29 குறித்த எதிர்பார்ப்பு அதிகரித்துள்ளது. தமிழில் தயாரிப்பு, விநியோக உரிமைகள் குறித்த பேச்சு வார்த்தைகளும் நடைபெற்று வருகின்றன. ஆகவே SSMB29 என அழைக்கப்படும் இந்த பிரமாண்ட திட்டம், இந்திய சினிமாவின் அடுத்தப் பெரும் சாதனையாக உருவாகி வருகிறது.

மகேஷ் பாபுவின் ஸ்டைலும், ராஜமௌலியின் நெகிழ்ச்சியான காட்சிப்படுத்தலும், கீரவாணியின் இசையுமாக இணையும் இந்த திரைப்படம், ரசிகர்களுக்கு காணக்கிடையாத அனுபவத்தை அளிக்க போகிறது. இந்த படம் வெறும் சினிமா அனுபவமாக அல்ல, அது இந்திய சினிமாவின் அடுத்த பரிமாணத்திற்கு வழிகாட்டும் ஒரு திரையுலகக் கண்டுபிடிப்பாக அமைய இருக்கிறது.
 

இதையும் படிங்க: நடிகை என்றால் கேவலமா..! இப்படியா நடத்துவீங்க.. ஆணாதிக்கத்தில் ஆடாதீங்க - கீர்த்தி சனோன் ஆவேசம்..!