தமிழ் சினிமாவின் இன்றைய தலைமுறையில், இசை உலகை முழுமையாக தன் கட்டுப்பாட்டுக்குள் கொண்டு வந்த சிலர் இருக்கிறார்கள் என்றால், அதில் முக்கியமான இடத்தை பிடிப்பவர் அனிருத் ரவிச்சந்தர். மிகக் குறுகிய காலத்திலேயே முன்னணி இசையமைப்பாளராக உருவெடுத்து, தமிழ் சினிமாவைத் தாண்டி தெலுங்கு, கன்னடம், மலையாளம் என பிற தென்னிந்திய மொழிகளிலும் தனது இசையால் தனி முத்திரையை பதித்தவர் அவர். ஹிட் பாடல்கள், பாக்ஸ் ஆபிஸ் சாதனைகள், பிரம்மாண்டமான கச்சேரிகள் என அனிருத்தின் பெயர் இன்று ஒரு பெரிய பிராண்டாக மாறியுள்ளது.

ஆனால் இந்த உச்சத்தை அடைவதற்கு முன், அனிருத் கடந்த பாதை எளிதானதல்ல என்பதையும், அந்தப் பயணத்தில் இருக்கும் சிறிய, ஆனால் ஆழமான நினைவுகளையும் அவர் அவ்வப்போது பகிர்ந்து வருகிறார். அந்த வகையில், சமீபத்தில் அவர் கலந்து கொண்ட ஒரு நிகழ்ச்சியில், தனது சிறுவயது நினைவுகளை பகிர்ந்துகொண்ட பேச்சு தற்போது சமூக வலைதளங்களில் வைரலாகி வருகிறது. அந்த பேச்சு, அவரது ரசிகர்களை மட்டுமல்லாமல், பலரையும் உணர்ச்சி பூர்வமாக தொட்ந்துள்ளது.

அனிருத், இசை பின்னணியுடன் கூடிய குடும்பத்தில் பிறந்தவராக இருந்தாலும், அவரது இசைப் பயணம் சினிமா மேடைகளில் நேரடியாக தொடங்கவில்லை. சிறுவயதிலிருந்தே இசையின் மீது ஆழ்ந்த ஆர்வம் கொண்ட அவர், ஆரம்ப காலங்களில் திருமண நிகழ்ச்சிகள், சிறிய விழாக்கள் போன்ற இடங்களில் வாசிக்கச் சென்று வந்ததாக அவர் அந்த நிகழ்ச்சியில் நினைவுகூர்ந்தார். அந்த நாட்களில் கிடைத்த அனுபவங்கள் தான், இன்று அவர் அடைந்துள்ள உயரத்திற்கு அடித்தளமாக இருந்தது என்றும் அவர் குறிப்பிட்டார்.

இதையும் படிங்க: குக்வித் கோமாளி புகழ் நந்தகுமாருக்கு பிறந்தது குழந்தை...! goosebumps போட்டோ வெளியிட்டு மகிழ்ச்சி..!

“சின்ன வயசுல, கல்யாண நிகழ்ச்சிகளுக்கு போய் வாசிச்சா, ரூ.500 சம்பளமா கொடுப்பாங்க. அந்த பணத்தை கையில் வாங்கும் போது மனசுல ஒரு விவரிக்க முடியாத சந்தோஷம் வரும்” என்று அனிருத் கூறிய போது, அந்த மேடையே ஒரு கணம் அமைதியாக மாறியது. இன்றைய கோடிக்கணக்கான சம்பளங்களை பெறும் ஒரு இசையமைப்பாளர், தனது வாழ்க்கையின் ஆரம்பத்தில் கிடைத்த அந்த சின்ன தொகையை இவ்வளவு பெருமையாக நினைவுகூருவது, அவரது எளிமையான மனநிலையை வெளிப்படுத்துவதாக ரசிகர்கள் கருத்து தெரிவித்து வருகின்றனர்.

அனிருத் தனது பேச்சில், அந்த காலகட்டத்தின் இன்னொரு பக்கத்தையும் வெளிப்படையாக பகிர்ந்தார். “சில சமயம், சம்பளம் கூட தர மாட்டாங்க. வெறும் வெற்றிலை, பாக்கு மட்டும் கொடுத்து, ‘ரொம்ப நல்லா வாசிச்சீங்க’ன்னு நன்றி சொல்லி அனுப்புவாங்க” என்று அவர் சிரிப்புடன் கூறினார். அந்த வார்த்தைகளில், அப்போது இருந்த பொருளாதார சிரமமும், அதே நேரத்தில் அந்த அனுபவங்களை அவர் எந்த கசப்புமின்றி ஏற்றுக்கொண்ட மனப்பாங்கும் தெளிவாக தெரிந்தது.

அந்த நாட்களில் கிடைத்த வெற்றிலை – பாக்கு கூட, ஒரு பெரிய பாராட்டாகவே அவர் உணர்ந்ததாக பலர் அந்த பேச்சை கேட்டு புரிந்து கொண்டனர். இன்று ஆயிரக்கணக்கான மேடைகள், லட்சக்கணக்கான ரசிகர்கள் இருந்தாலும், அன்றைய அந்த சிறிய அங்கீகாரம் தான் தனது இசைப் பயணத்தில் பெரிய ஊக்கமாக இருந்தது என்று அனிருத் கூறிய விதம், பல இளைஞர்களை நெகிழ வைத்துள்ளது.

அந்த பேச்சின் முக்கியமான பகுதி, இன்று அவர் அடைந்துள்ள உயரம் குறித்து அவர் சொன்ன உணர்ச்சி பூர்வமான கருத்துகளே. “இப்போ சம்பளம் கோடிகளுக்கு மாறிடுச்சு. எப்போதும் வேலை, ரெக்கார்டிங், பயணம், கச்சேரி, படம், பின்புல இசைன்னு பரபரப்பா இருக்கேன். ஆனா அந்த சின்ன வயசுல இருந்த சந்தோஷம் இப்போ இல்லை” என்று அவர் சொன்ன போது, பலருக்கும் அது மனதை தொடும் வார்த்தைகளாக அமைந்தது.

பெரும் புகழ், பணம், வெற்றி இருந்தாலும், வாழ்க்கையின் ஆரம்பத்தில் இருந்த அந்த நிர்மலமான மகிழ்ச்சியை எதுவும் மாற்ற முடியாது என்பதையே அனிருத்தின் இந்த வார்த்தைகள் உணர்த்துகின்றன. “என்னதான் வேலையில் மூழ்கி இருந்தாலும், அந்த சிறுவயது சந்தோஷத்தை மட்டும் மறக்கவே முடியாது” என்று அவர் கூறியது, அவரது வாழ்க்கை தத்துவத்தை வெளிப்படுத்துகிறது. அனிருத்தின் இந்த பேச்சு, தற்போது சமூக வலைதளங்களில் வேகமாக பரவி வருகிறது. இன்ஸ்டாகிராம் ரீல்ஸ், யூடியூப் ஷார்ட்ஸ், ட்விட்டர் கிளிப்புகள் என பல தளங்களில் இந்த வீடியோ பகிரப்பட்டு வருகிறது. “பணம் எல்லாமே இல்லை”, “சிறிய சந்தோஷங்களே வாழ்க்கை” போன்ற கருத்துகளுடன் ரசிகர்கள் இந்த வீடியோவை பகிர்ந்து வருகின்றனர்.

சிலர், “இது தான் உண்மையான வெற்றி பெற்ற மனிதரின் பேச்சு”, “பணத்துக்கு அப்பாற்பட்ட சந்தோஷத்தை உணர்ந்தவர் அனிருத்” என்று பாராட்டி வருகின்றனர். குறிப்பாக இளம் இசைக் கலைஞர்கள் மற்றும் கலைத் துறையில் முயற்சி செய்து வரும் பலரும், அனிருத்தின் இந்த பேச்சை ஒரு ஊக்கமாக பார்க்கின்றனர். அனிருத்தின் இந்த நினைவுப் பகிர்வு, அவர் ஒரு வெற்றிகரமான இசையமைப்பாளர் மட்டுமல்ல, வாழ்க்கையை ஆழமாக உணரும் மனிதர் என்பதையும் வெளிப்படுத்துகிறது. பிரம்மாண்டமான மேடைகள், கோடிக்கணக்கான சம்பளம், ரசிகர்களின் ஆரவாரம் ஆகியவற்றுக்குள் இருந்தாலும், தனது தொடக்கத்தை மறக்காமல், அந்த நினைவுகளை மதித்து பேசும் அவரது பண்பு, அவரை இன்னும் உயர்த்தி காட்டுகிறது.

மொத்தத்தில்… இசை உலகின் உச்சத்தில் இருக்கும் அனிருத், தனது சிறுவயது அனுபவங்களை நினைவுகூர்ந்து பகிர்ந்த இந்த பேச்சு, வெற்றியின் அர்த்தம் என்ன, சந்தோஷம் எங்கே உள்ளது என்ற கேள்விகளை பலரிடமும் எழுப்பியுள்ளது. கோடிகளில் சம்பளம் மாறினாலும், ரூ.500 வாங்கிய போது ஏற்பட்ட அந்த நிர்மலமான சந்தோஷம் தான் வாழ்க்கையின் உண்மையான செல்வம் என்பதை நினைவூட்டும் வகையில், அனிருத்தின் இந்த வார்த்தைகள் இன்று பலரின் மனதில் நீண்ட நேரம் ஒலித்துக் கொண்டிருக்கிறது.

இதையும் படிங்க: விஜயா ரோகிணி பிரச்சனை..! அருணுக்கு வார்னிங் கொடுத்த மீனா.. ரவிக்கு ஸ்ருதி வைத்த செக்.. ஹைப்பில் 'சிறகடிக்க ஆசை'..!