தமிழ் திரைப்பட ரசிகர்கள் ஆவலுடன் காத்திருக்கும் ‘வா வாத்தியார்’ படத்தை சார்ந்த சட்ட விவகாரம் திடீரென பெரும் கவனத்தை ஈர்த்துள்ளது. நடிகர் கார்த்தி முக்கிய கதாபாத்திரத்தில் நடித்திருக்கும் இந்த படத்தை நலன் குமாரசாமி இயக்கியுள்ளார். கார்த்திக்கு ஜோடியாக கீர்த்தி ஷெட்டி நடித்துள்ளார்.

ஸ்டூடியோ கிரீன் நிறுவனம் தயாரித்துள்ள இந்த படத்திற்கு இசை அமைத்துள்ளார் சந்தோஷ் நாராயணன், மேலும் சத்யராஜ், ராஜ்கிரண் உள்ளிட்ட முக்கிய நடிகர்கள் நடித்துள்ளனர். இந்த படம் வருகிற டிசம்பர் 12-ம் தேதி வெளியிடத் திட்டமிடப்பட்ட நிலையில், படத்துக்கு எதிராக தாக்கல் செய்யப்பட்ட ஒரு மனு காரணமாக சென்னை ஐகோர்ட் இடைக்கால தடை விதித்து, வெளியீடு சந்தேக நிலையில் சிக்கியுள்ளது. இப்படி இருக்க சென்னையைச் சேர்ந்த அர்ஜூன்லால் சுந்தர்தாஸ் என்ற நபர், சென்னை ஐகோர்ட்டில் மனு தாக்கல் செய்து பின்வரும் குற்றச்சாட்டுகளை முன்வைத்துள்ளார். அதில் ஸ்டூடியோ கிரீன் நிறுவனம் தம்மிடம் ரூ.10 கோடியே 35 லட்சம் தொகையை கடனாக பெற்றுள்ளது. பல முறை கேட்டும் தொகை திருப்பி தரப்படவில்லை. எனவே, அந்தத் தொகை முழுமையாக செலுத்தப்படும் வரை ‘வா வாத்தியார்’ படத்தின் வெளியீடு தடுக்கப்பட வேண்டும். மேலும், படம் மூலம் கிடைக்கும் வருவாய் அனைத்தும் நீதிமன்றத்தில் தாக்கல் செய்ய தயாரிப்பாளருக்கு உத்தரவிட வேண்டும்.

இந்த மனுவை நீதி மன்றம் பரிசீலித்தபோது, மனுவில் உள்ள குற்றச்சாட்டுகள் முதற்கட்ட விசாரணைக்கு போதுமானவை எனக் கருதி, உடனடியாகத் தடை உத்தரவு வழங்கப்பட்டது. விசாரணையின் முதல் கட்டத்தில், நீதிபதி,  மனுதாரர் முன்வைத்த கடன் விவகாரம் ஆழமான ஆய்வுக்கு உரியது. அதனால், படத்தை வெளியிட தற்காலிகமாக தடை விதிக்கப்படுகிறது. தயாரிப்பு நிறுவனம், கடன் விவகாரம் குறித்து மறுப்பு அல்லது விளக்கத்தை அடுத்த விசாரணைக்கு முன் சமர்ப்பிக்க வேண்டும்.

இதையும் படிங்க: நடிகர் கார்த்தி Fan's-க்கு அதிர்ச்சி கொடுத்த கோர்ட்..! 'வா வாத்தியார்' படத்தை வெளியிட மீண்டும் இடைக்கால தடை..!

இந்த உத்தரவால், ஏற்கனவே அட்டவணைப்படுத்தப்பட்ட வெளியீட்டு திட்டம் குழப்பத்தில் சிக்கியது. இதனை தொடர்ந்து விசாரணையில் நீதிமன்றம் மேலும் தீவிரமான கேள்விகளை எழுப்பி, தயாரிப்பாளர் ஞானவேல் ராஜாவிடம் நேரடியான விளக்கம் கோரியது. நீதிபதியின் கேள்வியில்,  அர்ஜூன்லால் கூறும் கடன் உண்மையா?, உண்மையானால், அதை ஏன் இதுவரை திருப்பி செலுத்தவில்லை?, கடன் பற்றிய ஆவணங்களுக்கு எதிர்ப்பு இருந்தால், அதற்கான ஆதாரம் என்ன?, நீதிமன்றத்திற்கு முன் கடனைப் பற்றிய தெளிவான பதில் வழங்க தயாரா? என தயாரிப்பாளர் தரப்பில் இருந்து தெளிவான பதில் உடனடியாக கிடைக்காததால், நீதிமன்றம் கடுமையான உத்தரவை வழங்கியது.

அதில் “கடன் விவகாரம் குறித்து நாளைக்குள் முழுமையான பதிலை நீதிமன்றத்தில் தாக்கல் செய்ய வேண்டும். இல்லையெனில் தடை மேலும் நீடிக்கும்.” எனப்பட்டது. இதனால், படத்தின் எதிர்காலம் நாளைய விசாரணையின் மீது முழுவதும் ஆதாரப்பட்டு நிற்கிறது. இந்த திடீர் தடை உத்தரவு காரணமாக,  முன்பதிவுகள் ஆரம்பிக்க முடியாத நிலை, நாடு முழுவதும் திட்டமிட்ட விநியோக செயல்பாடுகள் தாமதம், திரையரங்குகள் ரிலீஸ் ஸ்லாட்டுகளை மாற்ற வேண்டிய சூழல், ரசிகர்கள் மத்தியில் பெரும் ஏமாற்றம் உருவாகியுள்ளது. விடுமுறை காலத்தை குறிவைத்து வெளியீடு திட்டமிடப்பட்டிருந்ததால், தடை காரணமாக வசூலிலும் மிகப் பெரிய பாதிப்பு ஏற்படும் அபாயம் உள்ளது. எனவே தயாரிப்பு நிறுவனத்திடமிருந்து இதுவரை எந்த உத்தியோகபூர்வ அறிக்கையும் வெளியிடப்படவில்லை.

படக்குழுவிற்கு நெருக்கமான வட்டாரங்கள் தெரிவிப்பது, கடன் குற்றச்சாட்டில் சிக்கல் இருக்கிறது. இது தொழில் தகராறு, வழக்கறிஞர் மூலமாக சமாதானம் செய்வது சாத்தியம். வெளியீட்டிற்கு தடையாக எதையும் ஆக்கக்கூடாது என்பது தயாரிப்பு நிறுவனத்தின் நோக்கம். ஆனால், நீதிமன்றம் ஆதாரங்களின் அடிப்படையில் ஏற்கனவே தடை விதித்திருப்பதால், தயாரிப்பாளர்கள் சட்டரீதியாக வலுவான பதில் அளிக்க வேண்டிய கட்டாயத்தில் உள்ளனர்.

இந்த நிலையில், நாளை தான் முக்கியமான விசாரணை. அந்த விசாரணையில், கடன் தொகை உண்மையா?, தயாரிப்பாளர் செலுத்தத் தயாரா?, தடை நீங்குமா? படம் திட்டமிட்ட தேதியில் வெளியாவதா? என்ற அனைத்துக்கும் தீர்வு கிடைக்க வாய்ப்பு உள்ளது. எனவே ரசிகர்கள் மட்டுமன்றி, திரையரங்குகள், வெளியீட்டு வட்டாரங்கள், ஊடகங்கள் என முழு தமிழ் சினிமா உலகமும் நாளைய தீர்ப்பை ஆவலுடன் எதிர்நோக்கி காத்திருக்கிறது.
 

இதையும் படிங்க: நடிகர் கார்த்தி Fan's-க்கு அதிர்ச்சி கொடுத்த கோர்ட்..! 'வா வாத்தியார்' படத்தை வெளியிட மீண்டும் இடைக்கால தடை..!