இசையமைப்பாளர், தயாரிப்பாளர், நடிகர் என பன்முகத் திறமைகள் கொண்ட விஜய் ஆண்டனி தமிழ் சினிமாவில் நாளடைவில் தனக்கான ஒரு தனி இடத்தை இடம் பிடித்துள்ளார். கடந்த 2002-ம் ஆண்டு வெளியான 'சுக்கிரன்' படத்தின் மூலம் இசையமைப்பாளராக அறிமுகமான விஜய் ஆண்டனி, அதன் பிறகு தமிழில் பல படங்களுக்கு இசையமைத்து, தனது திறமையை அட்டகாசமாக வெளிப்படுத்தி அதனை நிரூபித்தார்.

பின்னர், 'நான்' படத்தின் மூலம் கதாநாயகனாக அறிமுகமாகி, அதன் மூலம் ரசிகர்களிடையே தனது அபாரமான நடிப்பை வெளிப்படுத்தினார். அதன்பின், 'சலீம்' மற்றும் 'பிச்சைக்காரன்' என தொடர்ந்து பல முன்னணி படங்களில் நடித்திருந்தார். இந்த படங்கள் அவருக்கு அதிகமான புகழையும், ரசிகர்களின் அன்பையும் பெற்றுத்தந்தன. தற்போது, விஜய் ஆண்டனி தனது 25-வது படமான "மார்கன்" படத்தில் அபாரமான நடிப்பை வெளிக்காட்டி இருந்தார். இந்தப் படம், ஹிட் கொடுக்க காரணமானவர் இயக்குநர் லியோ ஜான் பால் தான்.

இவரது இயக்கத்தில் உருவாகி, விஜய் ஆண்டனியின் நடிப்பை புதிய பரிமாணத்தில் பார்ப்பதற்கான வாய்ப்பை வழங்கியது. இந்த படத்தின் பாடல்களும் அட்டகாசமாக இருந்தது. அதேபோல, தமிழ் சினிமாவில் புதிய talent-க்கு உள்ள வாய்ப்புகளைப்பற்றி விஜய் ஆண்டனி தற்பொழுது கூறியிருப்பது பலரது பாராட்டுகளை பெற்றுள்ளது. அதன்படி, விஜய் ஆண்டனி சினிமாவில் புதியவர்களுக்கு வழங்கப்படும் வாய்ப்புகளை பற்றி மிகவும் அழகான கருத்துகளை வெளியிட்டார். அவர் குறிப்பாக சாய் அபயங்கர் மற்றும் சாம் சி. எஸ். ஆகிய இரு இசையமைப்பாளர்களின் திறமையைப் பற்றி பேசி இருக்கிறார்.

இதையும் படிங்க: வெற்றி நடைபோடும் விஜய் ஆண்டனியின் "மார்கன்" படம்..! 'ஸ்னீக் பிக்' காட்சி வெளியாகி வைரல்..!

அதில், "சாய் அபயங்கர் திறமையோடு இந்த துறையில் வந்திருக்கிறார். அதனால் பல நடிகர்கள், இயக்குநர்கள் மற்றும் தயாரிப்பாளர்கள் அவரை அழைக்கின்றனர். அவருடைய இசையும் மிகவும் பிரபலமானது. மேலும், சாம் சி. எஸ். மற்றும் சாய் அபயங்கர் இருவரும் மிகவும் திறமையானவர்கள். அவர்கள் கலைத்திறன் மற்றும் தொழில்நுட்பங்களை பயன்படுத்தி தமிழ் சினிமாவை உயர்த்தி செல்கின்றனர்" என்று விஜய் ஆண்டனி கூறினார். இந்த கருத்துக்கள் சமூக ஊடகங்களில் பரவி வருகிறது. தமிழ் சினிமாவில் புதிய இசையமைப்பாளர்களுக்கு அதிகமான வாய்ப்புகள் உருவாகி வருகின்றன, இதில், சாய் அபயங்கர் மற்றும் சாம் சி. எஸ். போன்றவர்கள் தங்களுடைய கலைத்திறனுடன் புதிய விதத்தில் இடம் பிடித்துள்ளனர். விஜய் ஆண்டனி அவர்களின் ஆதரவு, இந்த புதிய இளைஞர்களுக்கு ஒரு பெரிய வாய்ப்பை அளிக்கும் வகையில் இருக்கிறது. மேலும் தமிழ் சினிமாவில் புதிய சவால்களை எதிர்கொண்டு தங்கள் சொந்த பங்களிப்புகளை செலுத்தும் இளசுகளை, இப்பொழுது உலகம் முழுவதும் பாராட்டி வருகின்றது.  

இந்த நிலையில், விஜய் ஆண்டனியின் பேச்சு, இளமை இசையமைப்பாளர்கள் சினிமாவிலே வளர்ந்து வருவதற்கான ஒரு வாய்ப்பை கொண்டு வந்துள்ளது. ஆகவே சாய் அபயங்கர் மற்றும் சாம் சி. எஸ். போன்றவர்கள் தங்கள் திறமையை இசை மூலமாக பயன்படுத்தி பல இளசுகளின் மனதை கொள்ளை கொள்வார்கள் என்பதில் எந்தவித சந்தேகமும் இல்லை. 

இதையும் படிங்க: அரசியல் செய்ய தனி அறிவு வேண்டும்.. அதெல்லாம்.. நடிகர் விஜய் ஆண்டனி பரபரப்பு பேச்சு..!