தமிழ் திரைப்பட உலகில் வணிக ரீதியாக வெற்றி பெறும் படங்களை தொடர்ந்து வழங்கி வரும் இயக்குநர்களில் முக்கியமானவர் சுந்தர் சி. நகைச்சுவை, ஆக்சன் மற்றும் குடும்ப அம்சங்களை கலந்து ரசிகர்களை ஈர்க்கும் படங்களை உருவாக்கும் அவரது பாணி தமிழ் சினிமாவில் தனித்த இடத்தை பெற்றுள்ளது. அந்த வகையில் தற்போது அவர் இயக்கத்தில் உருவாகி வரும் புதிய திரைப்படம் புருஷன் ரசிகர்களிடையே ஏற்கனவே பெரிய எதிர்பார்ப்பை ஏற்படுத்தியுள்ளது.

இந்த படத்தில் கதாநாயகனாக விஷால் நடிக்கிறார். இயக்குநர் சுந்தர் சி மற்றும் விஷால் கூட்டணி முன்னதாகவே பல வெற்றிப் படங்களை வழங்கியுள்ளதால், இந்த புதிய படமும் அதேபோல் வெற்றி பெறும் என்ற நம்பிக்கை ரசிகர்களிடையே நிலவுகிறது. சுந்தர் சி – விஷால் கூட்டணியில் இதற்கு முன்பு வெளிவந்த மத கஜ ராஜா, ஆம்பல மற்றும் ஆக்ஷன் ஆகிய திரைப்படங்கள் ரசிகர்களிடையே நல்ல வரவேற்பைப் பெற்றன. குறிப்பாக இந்த படங்களில் நகைச்சுவை மற்றும் ஆக்சன் கலந்த கதைக்களம் ரசிகர்களை அதிகமாக கவர்ந்தது. அந்த வெற்றியை தொடர்ந்து தற்போது உருவாகி வரும் “புருஷன்” திரைப்படம் மீதும் ரசிகர்கள் பெரும் எதிர்பார்ப்பை வைத்துள்ளனர்.

இந்த படத்தின் மற்றொரு முக்கிய அம்சமாக இசையமைப்பாளர் தேர்வு குறிப்பிடப்படுகிறது. ஹிப்ஹாப் தமிழா ஆதி இந்த படத்திற்கு இசையமைக்கிறார். அவர் முன்னதாக சுந்தர் சி இயக்கிய ஆம்பள திரைப்படத்திற்கு இசையமைத்திருந்தார். அந்த படத்தின் பாடல்கள் ரசிகர்களிடையே பெரும் வரவேற்பைப் பெற்றிருந்தன. அதன்பிறகு மீண்டும் இந்த கூட்டணி இணைந்திருப்பது ரசிகர்களிடம் ஆர்வத்தை அதிகரித்துள்ளது. “புருஷன்” திரைப்படம் ஆக்சன் கலந்த நகைச்சுவை கதைக்களத்துடன் உருவாகி வருவதாக படக்குழு தெரிவித்துள்ளது. 

இதையும் படிங்க: ரஜினி மற்றும் கமல் இணைந்து நடித்தால் ரசிகர்களுக்கு திருவிழா தானே..! லதா ரஜினிகாந்த் ஓபன் டாக்..!

சுந்தர் சி இயக்கும் பல படங்களிலும் போலவே, இந்த படத்திலும் விறுவிறுப்பான ஆக்சன் காட்சிகளுடன் சிரிப்பூட்டும் நகைச்சுவை தருணங்களும் இடம்பெறும் என எதிர்பார்க்கப்படுகிறது. இந்த படத்தில் விஷாலுக்கு ஜோடியாக பிரபல நடிகை தமன்னா முக்கிய கதாபாத்திரத்தில் நடிக்கிறார். தமிழிலும் தெலுங்கிலும் பல வெற்றிப் படங்களில் நடித்துள்ள தமன்னா, தனது நடிப்பு மற்றும் நடனத்தால் ரசிகர்களை கவர்ந்தவர். இந்த படத்தில் அவர் முக்கியமான கதாபாத்திரத்தில் நடிப்பதால் படம் மீதான எதிர்பார்ப்பு மேலும் அதிகரித்துள்ளது.

மேலும் தமிழ் சினிமாவின் முன்னணி நகைச்சுவை நடிகர்களில் ஒருவரான யோகி பாபு இந்த படத்தில் முக்கிய வேடத்தில் நடிக்கிறார். அவரது நகைச்சுவை காட்சிகள் ரசிகர்களை அதிகமாக கவரும் என படக்குழு நம்பிக்கை தெரிவித்து வருகிறது. இதற்கு கூடுதலாக நடிகர் விடிவி கணேஷ் உள்ளிட்ட பலர் இந்த படத்தில் நடித்துள்ளனர். பல்வேறு கதாபாத்திரங்கள் மற்றும் விறுவிறுப்பான காட்சிகள் மூலம் படம் ஒரு முழுமையான பொழுதுபோக்கு திரைப்படமாக உருவாகி வருகிறது என கூறப்படுகிறது. இந்த திரைப்படம் தமிழ் மற்றும் தெலுங்கு மொழிகளில் ஒரே நேரத்தில் உருவாக்கப்படுகிறது. இந்த படத்தை Avni Cinemax மற்றும் Benz Media நிறுவனங்கள் இணைந்து தயாரிக்கின்றன. 

பெரிய அளவிலான தொழில்நுட்ப வசதிகளுடன் படம் உருவாகி வருவதாக தயாரிப்பு நிறுவனம் தெரிவித்துள்ளது. சமீபத்தில் இந்த படத்தின் படப்பிடிப்பு சென்னை நகரில் தொடங்கியுள்ளதாக நடிகர் விஷால் தனது சமூக வலைத்தளங்களில் தெரிவித்திருந்தார். அந்த அறிவிப்பு வெளியானதும் ரசிகர்கள் மத்தியில் இந்த படம் குறித்து அதிக ஆர்வம் ஏற்பட்டது. இதற்கு முன்பு இந்த படத்தின் புரோமோ வீடியோ வெளியிடப்பட்டிருந்தது. அந்த வீடியோ சமூக வலைத்தளங்களில் நல்ல வரவேற்பைப் பெற்றது. ரசிகர்கள் அந்த வீடியோவை அதிக அளவில் பகிர்ந்து கருத்துகளை பதிவு செய்தனர். 

இந்த நிலையில் தற்போது “புருஷன்” படத்தின் முதல் நாள் படப்பிடிப்பின் போது எடுக்கப்பட்ட ஒரு சிறப்பு வீடியோவை தயாரிப்பு நிறுவனம் தனது அதிகாரப்பூர்வ எக்ஸ் சமூக வலைத்தள பக்கத்தில் வெளியிட்டுள்ளது. அந்த வீடியோ தற்போது ரசிகர்களிடையே வைரலாக பரவி வருகிறது.

அந்த வீடியோவில் இயக்குநர் சுந்தர் சி படப்பிடிப்பு தளத்தில் நடிகர்களுடன் பேசும் காட்சிகள் இடம்பெற்றுள்ளன. மேலும் நடிகர்கள் விஷால், தமன்னா, யோகி பாபு மற்றும் வி.டி.வி. கணேஷ் ஆகியோர் படப்பிடிப்பு இடத்தில் இருக்கும் தருணங்களும் அதில் காணப்படுகின்றன. அதேபோல் இசையமைப்பாளர் ஹிப் ஹாப் தமிழா ஆதி படப்பிடிப்பு தளத்தில் கலந்து கொண்டு படக்குழுவினருடன் பேசும் காட்சிகளும் அந்த வீடியோவில் இடம்பெற்றுள்ளன. அந்த காட்சிகள் படத்தின் படப்பிடிப்பு சூழலை ரசிகர்களுக்கு நெருக்கமாக காட்டும் வகையில் அமைந்துள்ளன.

இந்த வீடியோ வெளியானதன் மூலம் “புருஷன்” திரைப்படத்தின் மீதான எதிர்பார்ப்பு ரசிகர்களிடையே மேலும் அதிகரித்துள்ளது. சுந்தர் சி – விஷால் கூட்டணியில் மீண்டும் உருவாகும் இந்த படம், முன்னதாக வந்த அவர்களின் வெற்றிப் படங்களைப் போல ரசிகர்களை கவருமா என்பது தற்போது பெரும் எதிர்பார்ப்பாக மாறியுள்ளது.

படத்தின் படப்பிடிப்பு தற்போது முழு வேகத்தில் நடைபெற்று வருவதாகவும், விரைவில் அடுத்த கட்ட படப்பிடிப்பு அட்டவணை தொடங்கும் என்றும் தகவல்கள் வெளியாகியுள்ளன. இந்த திரைப்படம் எப்போது வெளியாகும் என்பது குறித்து அதிகாரப்பூர்வ அறிவிப்பு வருவதற்காக ரசிகர்கள் ஆவலுடன் காத்திருக்கின்றனர்.

இதையும் படிங்க: கொரியா மக்களிடம் கற்றுக்கொண்டதே இதை தான்..! நடிகை பிரியங்கா மோகன் ஓபன் டாக்..!