தமிழ் சினிமாவில் சமூக கருத்துக்களை மையமாகக் கொண்டு வலுவான கதைகளை சொல்லும் இயக்குநராக தனித்த அடையாளம் பெற்றவர் சுதா கொங்கரா. ‘இறுதிச்சுற்று’, ‘சூரரைப் போற்று’ போன்ற படங்கள் மூலம் விமர்சகர்களின் பாராட்டையும், ரசிகர்களின் பேராதரவையும் பெற்ற அவர், தற்போது இயக்கியுள்ள புதிய திரைப்படம் ‘பராசக்தி’. சிவகார்த்திகேயன் நடிப்பில் உருவாகியுள்ள இந்த படம், அறிவிக்கப்பட்ட நாளிலிருந்தே தமிழ் திரையுலகில் பெரும் எதிர்பார்ப்பை ஏற்படுத்தி வருகிறது.

குறிப்பாக, இந்தி திணிப்பை மையமாகக் கொண்டு உருவாகியுள்ள கதைக்களம் காரணமாக, இப்படம் வெறும் ஒரு திரைப்படமாக மட்டுமல்லாமல், சமூக மற்றும் அரசியல் ரீதியான விவாதங்களையும் கிளப்பும் படமாக இருக்கும் என பேசப்படுகிறது. இப்படி இருக்க ‘பராசக்தி’ திரைப்படத்தை டான் பிக்சர்ஸ் நிறுவனம் தயாரித்துள்ளது. பெரிய பட்ஜெட்டில், தரமான தொழில்நுட்ப குழுவுடன் உருவாகியுள்ள இந்த படம், இயக்குநர் சுதா கொங்கராவின் படைப்புலகில் இன்னொரு முக்கியமான முயற்சியாக பார்க்கப்படுகிறது. படத்தில் சிவகார்த்திகேயன் முதன்மை கதாபாத்திரத்தில் நடித்துள்ளார்.

சமீப காலங்களில் சமூக அக்கறை கொண்ட கதைகளில் நடித்து, நடிகர் மட்டுமல்லாமல், ஒரு சமூக கருத்தை முன்வைக்கும் கலைஞராகவும் தன்னை நிரூபித்து வரும் சிவகார்த்திகேயன், ‘பராசக்தி’யில் இதுவரை காணாத ஒரு தீவிரமான கதாபாத்திரத்தில் தோன்றுவார் என கூறப்படுகிறது. இந்தப் படத்தில் அதர்வா, ஸ்ரீலீலா மற்றும் ரவி மோகன் ஆகியோர் முக்கிய கதாபாத்திரங்களில் நடித்துள்ளனர்.

இதையும் படிங்க: சூப்பர் ஸ்டார் ரஜினியுடன் அந்த மாதிரி படம் எடுக்கணும்.. ஒரே முறை மட்டும்..! மனம் திறந்த சுதா கொங்கரா..!

அதர்வா, தனது தேர்ந்தெடுத்த கதைகளாலும், இயல்பான நடிப்பாலும் தனித்துவமான இடத்தைப் பெற்ற நடிகர். ‘பராசக்தி’யில் அவரது கதாபாத்திரம் கதையின் மையத்தில் முக்கிய திருப்பங்களை ஏற்படுத்தும் வகையில் வடிவமைக்கப்பட்டுள்ளதாக தகவல்கள் தெரிவிக்கின்றன. அதேபோல், இளம் வயதிலேயே தெலுங்கு மற்றும் தமிழ் சினிமாவில் பிரபலமான ஸ்ரீலீலா, இந்த படத்தில் ஒரு வலுவான பெண் கதாபாத்திரத்தில் நடித்துள்ளதாக கூறப்படுகிறது. இது அவரது வழக்கமான கமர்ஷியல் பாத்திரங்களிலிருந்து மாறுபட்டதாக இருக்கும் என ரசிகர்கள் எதிர்பார்க்கின்றனர். ரவி மோகன் இந்தப் படத்தில் நடித்திருப்பதும் குறிப்பிடத்தக்கது.

World of Parasakthi - video link - click here

அவரது கதாபாத்திரம், கதையின் கருத்து ரீதியான அழுத்தத்தை அதிகரிக்கும் வகையில் அமைந்திருப்பதாக படக்குழு வட்டாரங்கள் தெரிவிக்கின்றன. அத்துடன் ‘பராசக்தி’ திரைப்படத்திற்கு இசையமைத்துள்ளார் ஜி.வி. பிரகாஷ் குமார். சுதா கொங்கராவுடன் இது அவருக்கான இன்னொரு முக்கிய கூட்டணியாகும். உணர்ச்சிப் பூர்வமான பின்னணி இசை, சமூக கருத்து கொண்ட பாடல்கள் ஆகியவற்றில் ஜி.வி. பிரகாஷ் தனி முத்திரை பதிப்பவர் என்பதால், இப்படத்தின் இசையும் கதையின் தாக்கத்தை மேலும் ஆழமாக கொண்டு செல்லும் என எதிர்பார்க்கப்படுகிறது.

குறிப்பாக, இந்தி திணிப்பு போன்ற சென்சிட்டிவ் விஷயத்தை மையமாகக் கொண்ட கதையில், இசை ஒரு முக்கிய பங்கு வகிக்கும் என்று சொல்லப்படுகிறது. இந்த திரைப்படம், அடுத்த ஆண்டு பொங்கல் விடுமுறையை முன்னிட்டு ஜனவரி 10ஆம் தேதி திரையரங்குகளில் வெளியாக உள்ளது.

பொங்கல் வெளியீடு என்பதால், குடும்ப ரசிகர்களின் கவனமும், பொதுமக்களின் பார்வையும் இப்படத்தின் மீது அதிகமாக இருக்கும் என கணிக்கப்படுகிறது. ஒருபுறம், பெரிய நட்சத்திர படங்கள் பொங்கல் போட்டியில் களமிறங்கும் சூழலில், மறுபுறம் ‘பராசக்தி’ போன்ற கருத்து மிக்க படம் எப்படி வரவேற்பைப் பெறும் என்பது குறித்து திரையுலக வட்டாரங்களில் விவாதங்கள் நடந்து வருகின்றன. இந்த நிலையில், சமீபத்தில் படக்குழு ‘வேர்ல்ட் ஆப் பராசக்தி’ என்ற தலைப்பில் ஒரு புது வீடியோவை வெளியிட்டுள்ளது.

இந்த வீடியோ, படம் குறித்த முழு கதையை சொல்லாமல், அதன் உலகம், சூழல் மற்றும் கருத்தின் ஆழத்தை உணர்த்தும் வகையில் வடிவமைக்கப்பட்டுள்ளது. வீடியோ வெளியான சில மணி நேரங்களிலேயே, சமூக வலைதளங்களில் அது வேகமாக பரவி வருகிறது. குறிப்பாக, அந்த வீடியோவில் பயன்படுத்தப்பட்ட காட்சிகள், வசனங்கள் மற்றும் பின்னணி இசை, ரசிகர்களிடையே பெரும் ஆர்வத்தை ஏற்படுத்தியுள்ளது. ‘வேர்ல்ட் ஆப் பராசக்தி’ வீடியோவில், இந்தி திணிப்பு விவகாரம் எவ்வாறு ஒரு சமூக பிரச்சினையாக காட்டப்படுகிறது என்பதற்கான சுட்டிக்காட்டுகள் இடம் பெற்றுள்ளதாக கூறப்படுகிறது. நேரடியாக எந்த அரசியல் கருத்தையும் முன்வைக்காமல், ஒரு சாதாரண மனிதனின் வாழ்க்கையில் மொழி எவ்வாறு தாக்கத்தை ஏற்படுத்துகிறது என்பதை உணர்த்தும் வகையில் அந்த வீடியோ உருவாக்கப்பட்டுள்ளதாக ரசிகர்கள் கருத்து தெரிவித்து வருகின்றனர்.

இதன் மூலம், படம் முழுக்க முழுக்க பிரச்சார நோக்கில் இல்லாமல், மனித உணர்வுகளை மையமாகக் கொண்டு செல்லும் என்பதை படக்குழு வெளிப்படுத்த முயன்றுள்ளதாகவும் சொல்லப்படுகிறது. இந்த வீடியோ வெளியானதைத் தொடர்ந்து, சமூக வலைதளங்களில் ரசிகர்கள் பல்வேறு கருத்துகளை பகிர்ந்து வருகின்றனர். சிலர், “சுதா கொங்கரா மீண்டும் ஒரு வலுவான சமூக படம் கொண்டு வருகிறார்” என்று பாராட்டியுள்ளனர். அதே நேரத்தில், இப்படம் அரசியல் விவாதங்களை கிளப்புமா, அல்லது அனைவருக்கும் பொதுவான ஒரு மனிதநேயக் கதையாக இருக்கும் என்கிற கேள்விகளும் எழுந்துள்ளன.

மொத்தத்தில், ‘பராசக்தி’ திரைப்படம், அதன் கதைக்களம், நட்சத்திர பட்டியல், இயக்குநரின் பார்வை மற்றும் சமீபத்தில் வெளியான ‘வேர்ல்ட் ஆப் பராசக்தி’ வீடியோ ஆகியவற்றின் மூலம், தமிழ் சினிமாவில் மிகுந்த எதிர்பார்ப்பை உருவாக்கியுள்ளது. பொங்கல் வெளியீடாக ஜனவரி 10ஆம் தேதி திரைக்கு வர இருக்கும் இந்த படம், வெறும் வசூல் ரீதியான வெற்றியைத் தாண்டி, ஒரு சமூக விவாதத்தை தொடங்குமா என்பதே தற்போது அனைவரும் ஆவலுடன் எதிர்நோக்கும் கேள்வியாக உள்ளது.

இதையும் படிங்க: தனது வலையில் விழுந்த தொழிலதிபர்கள்.. ஆசை காட்டி மோசம் செய்த நடிகை..! வலைவீசி தேடிவரும் போலீஸ்..!