பிரபல நடிகரும், நடன இயக்குநருமான ராகவா லாரன்ஸ் தமிழக வெற்றிக் கழகத்தில் இணைய உள்ளதாகவும், விரைவில் திருச்சி கிழக்கு இடைத்தேர்தலில் தவெக வேட்பாளராக களமிறங்க உள்ளதாகவும் தகவல்கள் வெளியாகி வந்தன. இதுதொடர்பாக தானே அறிவிப்பதாக கூறியிருந்த ராகவா லாரன்ஸ், தனது பொது வாழ்க்கை தொடர்பான முக்கிய அறிவிப்பை நேற்று வெளியிட உள்ளதாக அறிவித்துள்ளார். இயக்குநர் பாரதிராஜா மறைவைத் தொடர்ந்து அறிவிப்பை ஒத்திவைத்திருந்த அவர் தனது அடுத்தக்கட்ட பயணம் குறித்த தகவலை இன்று காலை 10 மணிக்கு வெளியிடவுள்ளதாக தெரிவித்திருந்தார்.
இதனிடையே ராகவா லாரன்ஸ் தனது சோசியல் மீடியா பக்கத்தில், எதையும் எதிர்பார்க்காமல், உங்கள் கடமையை நேர்மையாகச் செய்யுங்கள். எனக்கு உங்கள் ஆலோசனையும் வழிகாட்டுதலும் தேவை.
நான் அரசியலில் நுழைவேன் என்று ஒருபோதும் கற்பனை செய்ததில்லை. பணம் சம்பாதிக்கும் எண்ணமோ அல்லது தேர்தலில் போட்டியிடும் எண்ணமோ எனக்கு இருந்ததில்லை. நான் நம்பும், எனக்கு நெருக்கமான ஒருவர் அரசியலில் நுழைந்தால், நான் ஒரு தனிநபராகச் செய்து வருவதை விடப் பெரிய அளவில் சமூகத்திற்குச் சேவை செய்ய, அவர்களுக்குத் துணையாக நின்று அவர்களுடன் இணைந்து பணியாற்றுவேன் என்பது மட்டுமே என் ஒரே எண்ணமாக இருந்தது.
இதையும் படிங்க: அறநிலையத்துறை அமைச்சரின் அடுத்த தரமான சம்பவம்... பூஜை பொருட்கள் விற்கும் கடைகளில் அதிரடி ரெய்டு...!
இன்று, சூழ்நிலைகள் என்னை அரசியலில் நுழைய வேண்டிய ஒரு நிலைக்குக் கொண்டு வந்துள்ளன.
இன்று காலை 10:00 மணிக்கு நான் பகிரும் இந்தக் காணொளியில், அரசியல் குறித்த எனது புரிதல், அது என் வாழ்வில் எப்படி வந்தது, அரசியல் குறித்த என் தாயின் கண்ணோட்டம், மற்றும் என் பயணத்தை வடிவமைத்த சில முக்கியமான மற்றும் சுவாரஸ்யமான சம்பவங்கள் பற்றி, என் இதயத்திலிருந்து முழுமையான நேர்மையுடனும் வெளிப்படைத்தன்மையுடனும் பேசியுள்ளேன்.
காணொளியை இறுதிவரை பார்த்து, உங்கள் எண்ணங்களை என்னுடன் பகிர்ந்து கொள்ளுமாறு கேட்டுக்கொள்கிறேன். உங்கள் அனைவரின் ஆசீர்வாதங்களுடன் இந்த முக்கியமான அடியை நான் எடுத்து வைக்கும் வேளையில், உங்கள் ஆலோசனையும் வழிகாட்டுதலும் எனக்கு மிகவும் மதிப்புமிக்கவை என பதிவிட்டுள்ளார்.
இந்த பதிவை அடுத்து ராகவா லாரன்ஸ் அண்ணாமலை தொடங்கியுள்ள We The Leaders இயக்கத்தில் இணையப்போகிறாரா? அல்லது விஜயின் தமிழக வெற்றிக் கழகத்தில் இணைய உள்ளாரா? என்ற எதிர்பார்ப்பு நிலவி வருகிறது.
இதையும் படிங்க: அதிகாலையிலேயே பேரதிர்ச்சி... வீட்டில் தனியாக இருந்த பெண்ணிடம் துப்பாக்கி முனையில் நகை, பணம் கொள்ளை...!