தமிழக அரசியல் களத்தில் சட்டமன்றத் தேர்தல் காய்ச்சல் இப்போதேத் தொடங்கிவிட்ட நிலையில், அனைத்திந்திய அண்ணா திராவிட முன்னேற்றக் கழகத்தின் மாவட்டச் செயலாளர்கள் ஆலோசனைக் கூட்டம் இன்று காலை சென்னை ராயப்பேட்டையில் உள்ளத் தலைமைக் கழகத்தில் விறுவிறுப்பாகத் தொடங்க உள்ளது. கட்சியின் பொதுச்செயலாளர் மற்றும் சட்டமன்ற எதிர்க்கட்சித் தலைவர் புரட்சித் தமிழர் எடப்பாடி கே. பழனிசாமி தலைமையில் நடைபெறும் இந்தக் கூட்டம், தேர்தலுக்கானத் திசைவழியைத் தீர்மானிக்கும் முக்கியத் தருணமாகப் பார்க்கப்படுகிறது.

2026 சட்டமன்றத் தேர்தலில் 210 இடங்களை வென்று ஆட்சியைப் பிடிக்க வேண்டும் என்ற இலக்குடன் அதிமுக தனது தேர்தல் பணிகளைத் தீவிரப்படுத்தியுள்ளது. சமீபத்தில் பாஜக, பாமக மற்றும் டி.டி.வி. தினகரனின் அமமுக ஆகிய கட்சிகளுடன் அதிமுக அமைத்துள்ளப் புதியக் கூட்டணி (NDA) குறித்தும், அந்தத் தொகுதிப் பங்கீடுகள் குறித்தும் எடப்பாடியார் எடுக்கப்போகும் முடிவுகளுக்கு மாவட்டச் செயலாளர்கள் இன்று ஒப்புதல் அளிக்க உள்ளனர்.

இதையும் படிங்க: திமுகவின் ‘பத்தாண்டு’ திட்டம்: 10,000 போலி வாக்காளர்கள் சேர்ப்பு! - முன்னாள் அமைச்சர் தங்கமணி புகார்!

ஏற்கனவே அதிமுக அறிவித்துள்ள ஆண்களுக்கு இலவசப் பேருந்து, மகளிருக்கு ரூ. 2,000 போன்றத் தேர்தல் வாக்குறுதிகளை மக்களிடம் கொண்டு செல்வது குறித்து ஆலோசிக்கப்படுகிறது. தமிழகம் முழுவதும் உள்ள வாக்குச்சாவடி முகவர்களை ஒருங்கிணைத்து, தேர்தலுக்குத் தயார்படுத்தும் பணிகளை மாவட்டச் செயலாளர்கள் முன்னெடுக்க அறிவுறுத்தப்பட உள்ளனர். கடந்த ஜனவரி 23-ஆம் தேதி பிரதமர் மோடி பங்கேற்றப் பொதுக்கூட்டத்திற்குப் பிறகு, கூட்டணியில் நிலவும் உற்சாகத்தைத் தேர்தல் வெற்றியாக மாற்றும் யுக்திகள் குறித்து விவாதிக்கப்படுகிறது.

சமீபத்தில் ஓ. பன்னீர்செல்வத்தின் இணைப்புக் கோரிக்கையை முற்றிலுமாக நிராகரித்த நிலையில், எடப்பாடியார் தனது ஒற்றைத் தலைமைப் பிடியை மேலும் வலுப்படுத்தியுள்ளார். இந்தக் கூட்டத்தின் முடிவில், திமுக அரசின் விடியா ஆட்சிக்கு எதிரானத் தீர்மானங்கள் மற்றும் தேர்தல் களத்தில் அதிமுகவின் அதிரடி நகர்வுகள் குறித்த அதிகாரப்பூர்வ அறிவிப்புகள் வெளியாகலாம்.

இதையும் படிங்க: ஆயிரம் மோடி வந்தாலும் ஓமலூரில் உதயசூரியன் தான்! அமைச்சர் கோவி. செழியன் அதிரடிப் பேச்சு!