உலகப் புகழ் பெற்ற அலங்காநல்லூர் ஜல்லிக்கட்டு என்பது வெறும் ஒரு விளையாட்டு மட்டுமல்ல; அது தமிழர்களின் வீரத்தையும், மரபையும், பண்பாட்டு அடையாளத்தையும் ஒருங்கே தாங்கி நிற்கும் ஒரு உயிரோட்டமான திருவிழா. மதுரை மாவட்டத்தில் உள்ள அலங்காநல்லூர் என்ற சிறிய கிராமத்தில் ஆண்டுதோறும் பொங்கல் பண்டிகையை ஒட்டி நடைபெறும் இந்தப் போட்டி, இன்று உலகெங்கிலும் உள்ள தமிழர்களின் மனதில் தனி இடம் பிடித்திருக்கிறது.

அலங்காநல்லூர் ஏன் இவ்வளவு சிறப்பு பெற்றது என்றால், இங்கு வரும் காளைகள் மிகுந்த ஆற்றலும் ஆக்ரோஷமும் கொண்டவை. "எந்தக் காளையும் அலங்காநல்லூரில் அடங்கிவிடும்" என்று ஒரு பழமொழி போல உள்ளது. அவனியாபுரம் (பொங்கல் நாள்), பாலமேடு (அடுத்த நாள்), அலங்காநல்லூர் (அதற்கடுத்த நாள்) என்று மதுரை மாவட்டத்தில் தொடர்ச்சியாக நடக்கும் மூன்று பெரிய ஜல்லிக்கட்டுகளில் இது உச்சகட்டமாகக் கருதப்படுகிறது. தை 17 அல்லது அதை ஒட்டிய நாட்களில் இங்கு போட்டி நடைபெறும். இந்த ஆண்டு ஜனவரி 17-ம் தேதி அலங்காநல்லூரில் மிகுந்த உற்சாகத்துடன் தொடங்கியது. 

சீறிப்பாய்ந்த காளைகளை அடக்க காளையர்கள் களமிறங்கினர். உற்சாகமாக அலங்காநல்லூர் ஜல்லிக்கட்டு போட்டி நடைபெற்ற வருகிறது. இந்த நிலையில் அலங்காநல்லூர் ஜல்லிக்கட்டு போட்டிக்கு முதல்வர் ஸ்டாலின் வருகை தந்தார். அலங்காநல்லூருக்கு வருகை தந்த முதல்வர் ஸ்டாலினுக்கு உற்சாக வரவேற்பு அளிக்கப்பட்டது. சாலையின் இரு புறங்களிலும் திரண்டு இருந்த திமுகவினர் மற்றும் பொதுமக்கள் கைகளை அசைத்து தங்கள் உற்சாகத்தை வெளிப்படுத்தினர். தொடர்ந்து ஜல்லிக்கட்டு போட்டி நடைபெறும் இடத்திற்கு முதலமைச்சர் ஸ்டாலின் வருகை தந்தார். 

இதையும் படிங்க: சீறிப்பாயும் காளைகள்..!! அடக்கும் வீரர்கள்..!! அவனியாபுரத்தில் ஜல்லிக்கட்டு போட்டி கோலாகல தொடக்கம்..!!

இதையும் படிங்க: அலங்காநல்லூர் ஜல்லிக்கட்டு... நான் வரேன்..! உற்சாகத்தை வெளிப்படுத்திய முதல்வர் ஸ்டாலின்..!