பாட்டாளி மக்கள் கட்சியில் (பா.ம.க.) தொடர்ந்து நீடிக்கும் உட்கட்சி மோதல் புதிய திருப்பத்தை எடுத்துள்ளது. ராமதாஸின் மகள் வயிற்றுப் பேரன் முகுந்தனுக்கு எம்.எல்.ஏ. சீட் தருவதாக அன்புமணி தரப்பினர் ஏமாற்றியதாகக் கூறப்படும் புதிய ஆடியோ ஒன்று சமூக வலைதளங்களில் வைரலாகி பெரும் பரபரப்பை ஏற்படுத்தியுள்ளது.

ராமதாஸ், அவரது மகள் ஸ்ரீகாந்தி மற்றும் பேரன் முகுந்தன் ஆகியோர் ஏப்ரல் 17 அன்று தைலாபுரம் தோட்டத்தில் நடத்திய செய்தியாளர் சந்திப்பில் முகுந்தன், “எனக்கு எம்.எல்.ஏ. சீட் தருவதாகவும், அதற்கான செலவை அன்புமணி தரப்பு ஏற்றுக்கொள்வதாகவும் கூறினார்கள். ஆனால் அவர்கள் என்னை ஏமாற்றிவிட்டனர். அன்புமணியை யாரும் நம்பாதீர்கள். அவர் பதவி வெறி மற்றும் பணத்தாசை கொண்டவர்” என்று குற்றம் சாட்டியிருந்தார்.

இந்நிலையில், அன்புமணியின் ஆதரவாளர் ஒருவரும் முகுந்தனும் உரையாடியதாகக் கூறப்படும் ஆடியோ இப்போது வெளியாகியுள்ளது.

அந்த ஆடியோவில் அன்புமணி ஆதரவாளர், “அன்புமணியிடம் பேசிவிட்டேன். உங்களுக்கு ஏதாவது ஒரு தொகுதியில் சீட் கொடுத்து எம்.எல்.ஏ. ஆக்குகிறோம். அதற்கான செலவையும் அவரே ஏற்றுக்கொள்கிறார். கட்சி பதவி விஷயத்தை பின்னர் பார்த்துக்கொள்ளலாம்” என்று பேசுகிறார். முகுந்தன் அதற்கு பதில் ஏதும் கூறாமல் “ஊம்” என்று ஒலி எழுப்புகிறார்.

இதையும் படிங்க: கை நழுவிய மாம்பழம்!! சிலிண்டர், குக்கர், பச்சை மிளகாய் சின்னங்களில் போட்டியிடும் ராமதாஸ் தரப்பு!

இந்த ஆடியோ பா.ம.க.வின் உட்கட்சி பூசலை மீண்டும் வெளிச்சத்துக்கு கொண்டு வந்துள்ளது. முகுந்தனுக்கு பா.ம.க. இளைஞர் சங்க மாநிலத் தலைவர் பதவி வழங்கியதே கட்சி இரண்டாக உடைய முக்கிய காரணமாக கருதப்படுகிறது. அதன் பிறகு முகுந்தன் அந்த பதவியை ராஜினாமா செய்துவிட்டு ராமதாஸுக்கு ஆதரவாக தைலாபுரம் தோட்டத்தில் தங்கியுள்ளார்.

இந்த சம்பவம் பா.ம.க.வில் ஏற்கனவே இருந்த பிளவை மேலும் அதிகரிக்கும் என அரசியல் வட்டாரங்கள் கருதுகின்றன. தேர்தல் நெருங்கும் இந்த நேரத்தில் வெளியான இந்த ஆடியோ, பா.ம.க.வின் உள் மோதலை வெளிப்படையாக்கியுள்ளது.

இதையும் படிங்க: என் போட்டோ போடாதீங்க! அன்புமணிக்கு கறார்! மீண்டும் கோர்ட் படியேறிய ராமதாஸ்!