இந்தியாவின் பாரம்பரிய மருத்துவ அறிவை அடுத்த தலைமுறையினருக்கு அறிமுகப்படுத்தும் நோக்கில், பள்ளி மற்றும் கல்லூரி சுகாதாரக் கல்வி பாடத்திட்டத்தில் ஆயுர்வேதம் மற்றும் பாரம்பரிய மருத்துவ அமைப்புகள் விரைவில் இணைக்கப்பட உள்ளன. தேசியக் கல்வி ஆராய்ச்சி கவுன்சில் (NCERT) மற்றும் பல்கலைக்கழக மானியங்கள் ஆணையம் (UGC) இதற்கான பாடத் திட்டங்களைத் தயாரிக்கும் பணியில் ஈடுபட்டுள்ளன. இந்தத் திட்டம், சமகால சுகாதாரத்துடன் பாரம்பரிய அறிவை இணைத்து, மாணவர்களை முழுமையான ஆரோக்கியக் கோட்பாடுகளுடன் பழக்கப்படுத்தும் என்று ஆயுஷ் அமைச்சர் பிரதாப் ராவ் ஜாதவ் தெரிவித்துள்ளார்.

இந்த அறிவிப்பு, கடந்த ஏழாண்டுகளில் ஆயுஷ் அமைச்சகம் மேற்கொண்ட முயற்சிகளின் தொடர்ச்சியாக அமைகிறது. யோகாவை உலகளவில் பிரபலப்படுத்தியது முதல், உலக சுகாதார அமைப்பின் (WHO) பாரம்பரிய மருத்துவத்துக்கான உலகளாவிய மையம் அமைத்தது வரை, இந்தியாவின் பாரம்பரிய அறிவு அமைப்புகள் சர்வதேச அளவில் அங்கீகரிக்கப்பட்டுள்ளன. "நாம் ஆயுஷ் அமைப்புகளை அறிவியல் ஆதாரங்களுடன் நிலைநாட்டியுள்ளோம். இன்டர்னேஷனல் யோகா டே, ஆயுஷ் சேர்ஸ், சர்வதேச MoUகள் போன்றவை மூலம் உலகளாவிய முழுமையான ஆரோக்கியத்தை அடைந்துள்ளோம்," என்று ஜாதவ் கூறினார்.

இதையும் படிங்க: உங்க ஸ்கூல்ல பாம் வெச்சிருக்கோம்.. பரபரப்பான டெல்லி.. பதறிய ஆசிரியர்கள், மாணவர்கள்..!!

NCERT மற்றும் UGCவின் இந்த ஒத்துழைப்பு, பள்ளிகளுக்கான பாடத் திட்ட மாதிரிகளையும், உயர்கல்விக்கான கோர்ஸ் மாட்யூல்களையும் உருவாக்கும். இதன் மூலம், மாணவர்கள் ஆயுர்வேதத்தின் சமநிலை, இயற்கை சிகிச்சைகள், யோகா மற்றும் பாரம்பரிய மூலிகை அறிவைத் தெரிந்துகொள்ளலாம். ஏற்கனவே கோவா, மத்தியப் பிரதேசம், உத்தராகண்ட், உத்தரப் பிரதேசம் போன்ற மாநிலங்கள் தங்கள் பள்ளி பாடத்திட்டத்தில் இந்திய அறிவு அமைப்புகளை இணைத்துள்ளன.

ஆயுஷ் அமைச்சகம், ஆயுர்வேதத்தின் உலகளாவிய நம்பகத்தன்மையை உறுதிப்படுத்த, சான்று அடிப்படையிலான ஆராய்ச்சிகளை ஊக்குவிக்கிறது. சென்ட்ரல் கவுன்சில் ஆஃப் ரிசர்ச் இன் ஆயுர்வேதிக் சயின்ஸஸ் (CCRAS) மூலம் உயர்தர கிளினிக்கல் டிரையல்கள் நடத்தப்படுகின்றன. WHO உடனான கூட்டு முயற்சிகள், ஆயுர்வேத சிகிச்சைகளுக்கான சர்வதேச தரங்களை அமைக்கின்றன. சமயல் மருத்துவமும் பாரம்பரிய அமைப்புகளும் இடையிலான போட்டியைத் தவிர்த்து, ஒருங்கிணைந்த சுகாதார மாதிரியை உருவாக்குவதே இலக்கு என்று அமைச்சர் வலியுறுத்தினார்.

தேசிய ஆயுஷ் மிஷன் (NAM) கீழ், நாடு முழுவதும் ஆயுஷ் சுகாதார மையங்கள் மற்றும் மருத்துவ பூங்காக்கள் அமைக்கப்பட்டு வருகின்றன. இந்தத் திட்டம், இளைஞர்களிடம் பாரம்பரிய அறிவின் மதிப்பை அதிகரித்து, சுகாதார விழிப்புணர்வை வலுப்படுத்தும் என எதிர்பார்க்கப்படுகிறது. கல்வியாளர்கள் இதை வரவேற்றுள்ளனர், ஆனால் சிலர் அறிவியல் சான்றுகளை வலியுறுத்துகின்றனர். இந்த முயற்சி, இந்தியாவின் பழங்கால ஞானத்தை நவீன கல்வியுடன் இணைக்கும் புதிய அத்தியாயத்தைத் தொடங்குகிறது.

இதையும் படிங்க: சம்மன் கொடுத்தும் வரல! தவெக நிர்மல் குமார் எங்கே? வலைவீசி தேடிவரும் போலீஸ்...!