தென்மேற்கு வங்கக் கடலில் உருவான 'டிட்வா' புயல் இலங்கையை கடுமையாகத் தாக்கியதால், நாடு முழுவதும் கனமழை, வெள்ளம், நிலச்சரிவுகள் ஏற்பட்டுள்ளன. இதனால் 100க்கும் மேற்பட்டோர் பலியானதாகவும், 25 பேர் காணாமல் போயுள்ளதாகவும் கூறப்படுகிறது. கனமழை காரணமாக ஒட்டுமொத்த இலங்கையுமே ஸ்தம்பித்து போயுள்ள நிலையில், மக்களின் இயல்பு வாழ்க்கை கடுமையாக பாதிக்கப்பட்டுள்ளது. 

வெள்ள பாதிப்பு, நிலச்சரிவு, மழைநீர் தேங்கியுள்ளதால் இலங்கையில் சாலைகள், ரயில்கள் மற்றும் விமான போக்குவரத்து சேவைகள் பாதிக்கப்பட்டுள்ளன. கொழும்பு விமான நிலையம் 3 நாட்களாக மூடப்பட்ட நிலையில், துபாய், குவைத் உள்ளிட்ட நாடுகளிலிருந்து வந்த 150 தமிழர்கள் உட்பட 300-க்கும் மேற்பட்ட இந்தியர்கள் உணவு, அடிப்படை வசதிகள் இன்றி தவித்து வருகின்றனர். 

குறிப்பாக வடகிழக்கு மாகாணங்களான திருகோண மலை, கிளிநோச்சி, முல்லைத்தீவு, யாழ்பாணம், திருகோணமலை, மட்டக்களப்பு, அம்பாறை ஆகிய மாவட்டங்கள் தமிழர்கள அதிகம் வசிக்கக்கூடிய பகுதிகளாகும். அப்பகுதிகளுக்கு வியாபாரம் செய்வதற்காக தமிழர்கள் செல்வது வழக்கமானது. இங்கு கனமழை பெய்து வருவதால் மக்கள் வீடுகளில் முடங்கியதோடு, அத்தியாவசிய உணவுப்பொருட்கள் கூட கிடைக்காமல் பசியால் வாடும் நிலை ஏற்பட்டுள்ளது. 

இதையும் படிங்க: இலங்கையை கலங்க வைத்த இயற்கை... ஒரு கிராமமே மண்ணில் புதைந்த சோகம்... 100க்கும் மேற்பட்டோர் பலி...!

எனவே வியாபாரத்திற்காக சென்ற தமிழர்கள் எந்த விதத்திலும் பாதிக்கப்பட்டு விடக்கூடாது என்பதற்காக தமிழ்நாடு முதலமைச்சர் மு.க.ஸ்டாலின், இந்திய தூதரகம் மூலமாக நடவடிக்கை எடுக்க வேண்டும் என அதிகாரிகளுக்கு அறிவுறுத்தியுள்ளார். அதன் அடிப்படையில்,  அதற்கான முயற்சிகளும் இலங்கையாய் இருக்கக்கூடிய கொழும்பு இந்திய தூதரகம் அதற்கான முயற்சிகளில் ஈடுபட்டு வருகிறது.

 குறிப்பாக யாழ்பாணத்தில் அதிக தொழில் செய்யக்கூடிய தமிழ்நாட்டை சேர்ந்த தமிழர்களும் இருக்கிறார்கள். எனவே இந்தியாவிலிருந்து இலங்கைக்கு சென்ற தமிழர்கள் எந்தவித பாதிப்பும் ஏற்படாத வண்ணம் அனைவரையும் மீட்டெடுக்க வேண்டும் என்றும் தமிழ்நாடு சார்பில் மத்திய அரசுக்கு கோரிக்கை விடுக்கப்பட்டுள்ளது. இதுதொடர்பாக தமிழ்நாடு பொதுத்துறை செயலாளர், கொழும்புவில் உள்ள இந்தியாவிற்கான இலங்கை தூதரகத்தை தொடர்பு கொண்டு ஆலோசனை நடத்தி வருவதாக தகவல்கள் வெளியாகியுள்ளன. 

இதையும் படிங்க: நாங்க இருக்கோம்... இலங்கைக்கு உதவிக்கரம் நீட்ட இந்தியா தயார்... பிரதமர் மோடி உறுதி...!