தமிழ்நாடு சட்டப்பேரவைத் தேர்தல் 2026-ல் திமுக பெரும் தோல்வியைச் சந்தித்த நிலையில், கட்சியின் தலைவர் மு.க. ஸ்டாலின் சென்னை அண்ணா அறிவாலயத்தில் மாவட்டச் செயலாளர்களுடன் முக்கிய ஆலோசனை நடத்தி வருகிறார். இன்று காலை 10.30 மணிக்கு கலைஞர் அரங்கத்தில் தொடங்கிய இந்தக் கூட்டம், கட்சியின் தேர்தல் பின்னடைவை முழுமையாக மதிப்பீடு செய்து, அடுத்தகட்ட அரசியல் உத்திகளை வகுப்பதில் கவனம் செலுத்துகிறது.
திமுக பொதுச் செயலாளர் துரைமுருகன் வெளியிட்ட அறிக்கையின்படி, அனைத்து மாவட்டச் செயலாளர்களும் தவறாமல் பங்கேற்க வேண்டும் என உத்தரவிடப்பட்டிருந்தது. தேர்தல் முடிவுகளின்படி, தமிழக வெற்றிக் கழகம் தலைவர் விஜய் தலைமையிலான கூட்டணி 108 இடங்களைப் பெற்று ஆட்சி அமைத்துள்ள நிலையில், திமுக சுமார் எதிர்க்கட்சியாக உருவெடுத்துள்ளது.
முன்னாள் முதலமைச்சர் ஸ்டாலின் தனது கொளத்தூர் தொகுதியில் தோல்வியடைந்தது கட்சிக்கு பெரும் அதிர்ச்சியை ஏற்படுத்தியது. பல மூத்த அமைச்சர்கள் மற்றும் தலைவர்கள் தோல்வியைத் தழுவினர், அதே நேரத்தில் உதயநிதி ஸ்டாலின் உள்ளிட்ட சிலர் வெற்றி பெற்றனர். இந்த முடிவுகள் திமுகவின் நீண்டகால ஆதிக்கத்துக்கு சவாலாக அமைந்துள்ளன. சென்னை அண்ணா அறிவாலயத்தில் திமுக தலைவர் ஸ்டாலின் தலைமையில் கூட்டம் நடந்து வருகிறது.
இதையும் படிங்க: தலைக்கீழான கொளத்தூர் தொகுதி..! 500க்கும் மேற்பட்ட திமுகவினர் தவெகவில் ஐக்கியம்..!
ஆலோசனைக் கூட்டத்தில் தேர்தல் தோல்விக்கான காரணங்களை ஆழமாக விவாதிக்கப்படுகின்றன. கட்சியின் அமைப்பு ரீதியான பலவீனங்கள், உள்ளூர் மட்டத்தில் ஏற்பட்ட அதிருப்தி, புதிய அரசியல் சக்திகளின் எழுச்சி, இளைஞர்கள் மற்றும் பெண்கள் வாக்குகளில் ஏற்பட்ட மாற்றம் போன்றவை முக்கிய புள்ளிகளாகக் கருதப்படுகின்றன.
இதையும் படிங்க: திமுக ஒரு தீய சக்தி.. 76% மக்களால் நிராகரிக்கப்பட்ட கட்சி! புள்ளிவிவரங்களுடன் விளாசிய முதல்வர் விஜய்!