நாடாளுமன்றப் பருவக்காலக் கூட்டத்தொடரில், மேகதாது அணை கட்டும் கர்நாடக அரசின் முயற்சிகளுக்கு எதிராகவும், காவிரியில் தமிழ்நாட்டிற்குள்ள தார்மீக மற்றும் நியாயமான உரிமைகளைப் பாதுகாக்கவும் திராவிட முன்னேற்றக் கழகத்தின் நாடாளுமன்ற உறுப்பினர்கள் அனைவரும் நாடாளுமன்றத்தில் மிகவும் உரத்துக் குரலெழுப்புவார்கள் என்று திமுக தலைவரும் முன்னாள் முதலமைச்சருமான மு.க.ஸ்டாலின் அவர்கள் அதிரடியாக தெரிவித்துள்ளார்.

டெல்லியில் நடைபெறவுள்ள நாடாளுமன்றப் பருவக்காலக் கூட்டத்தொடரை எதிர்கொள்வது மற்றும் தமிழ்நாட்டின் முக்கிய உள்கட்டமைப்பு மற்றும் வாழ்வாதாரப் பிரச்சினைகளை நாடாளுமன்றத்தில் முன்வைப்பது குறித்த திமுக நாடாளுமன்ற உறுப்பினர்களின் (MPs) ஆலோசனைக் கூட்டம் இன்று காணொளி வாயிலாக நடைபெற்றது. இக்கூட்டத்திற்குத் தலைமை தாங்கி நாடாளுமன்ற உறுப்பினர்களுக்கு அறிவுறுத்தல்களை வழங்கிய பின்னர், திமுக தலைவர் மு.க.ஸ்டாலின் அவர்கள் வெளியிட்டுள்ள சமூக வலைதள அறிக்கையின்  விவரங்கள் பின்வருமாறு 

இதையும் படிங்க: சென்னை ஆழ்வார்பேட்டை இல்லத்தில் திமுக மறுசீரமைப்பு குழுவுடன் மு.க.ஸ்டாலின் ஆலோசனை!

காவிரி நதிநீர் விவகாரத்தில் தமிழ்நாட்டிற்குரிய தார்மீகத் தண்ணீர்ப் பங்கைத் தடையின்றிப் பெறுவதிலும், மேகதாதுவில் அணை கட்ட முற்படும் அண்டை மாநிலத்தின் முயற்சிகளை முறியடிப்பதிலும் திமுக எம்பிக்கள் நாடாளுமன்றத்தின் இரு அவைகளிலும் மிக உறுதியான வாதங்களை முன்வைப்பார்கள். காவிரிப் பிரச்சனைக்காக நாடாளுமன்றத்தில் திமுக தொடர்ந்து தனது அசுரக் குரலை எழுப்பும். 

மேலும், மத்தியில் ஆளும் அரசு கொண்டு வரும் எந்தவொரு புதிய சட்ட மசோதாவாக இருந்தாலும், அவை மாநிலங்களின் சுயாட்சி உரிமைகளையும், இந்திய அரசியலமைப்புச் சட்டத்தின் அடிப்படைத் தத்துவங்களையும் பாதுகாத்திடும் வகையில் உள்ளதா என்பதை ஆராய்ந்தே திமுக தனது தார்மீக நிலைப்பாட்டை எடுக்கும். மாநில உரிமைகளைப் பறிக்கும் எந்தவொரு சட்ட உத்திகளையும் திமுக நாடாளுமன்றத்தில் வன்மையாக எதிர்க்கும். நாடாளுமன்றத்தில் ஒட்டுமொத்த தமிழ்நாட்டு மக்களின் மனசாட்சியாகவும், அவர்களின் குரலாகவும் ஒவ்வொரு திமுக எம்பியும் டெல்லியில் செயல்படுவார்கள் என்று மு.க.ஸ்டாலின் அவர்கள் தனது அறிக்கையில் திட்டவட்டமாக தெரிவித்துள்ளார்.

இதையும் படிங்க: தவெக அரசுக்கு முழு பெரும்பான்மை உள்ளது! மு.க.ஸ்டாலின் பேச்சுக்கு மார்க்சிஸ்ட் கம்யூனிஸ்ட் சண்முகம் பதில்!