பீகாரில் வரைவு வாக்காளர் பட்டியலை இந்திய தேர்தல் ஆணையம் இன்னைக்கு (ஆகஸ்ட் 1, 2025) வெளியிட்டு, அரசியல் களத்துல பெரிய பரபரப்பை கிளப்பியிருக்கு. இந்த பட்டியல் தேர்தல் ஆணையத்தோட அதிகாரப்பூர்வ இணையதளத்துல வெளியாகியிருக்கு. இதன்மூலம், வாக்காளர்கள் தங்கள் பெயர் இருக்கானு சரிபார்க்கலாம். 
ஆனா, இந்த வரைவு பட்டியலில் மொத்தம் எவ்வளவு வாக்காளர்கள் இருக்காங்கன்னு தேர்தல் ஆணையம் இன்னும் வெளியிடலை. இது எதிர்க்கட்சிகளுக்கு ஒரு ட்விஸ்ட்டா இருக்கு, ஏன்னா இவங்க இந்த பட்டியல் மூலமா கோடிக்கணக்கான வாக்காளர்கள் பெயர் நீக்கப்பட்டிருக்குன்னு குற்றம்சாட்டி வர்றாங்க.

இந்த வரைவு பட்டியல், பீகாரோட 38 மாவட்டங்கள்ல உள்ள 90,817 வாக்குச்சாவடிகளை உள்ளடக்கி, 243 சட்டப்பேரவை தொகுதிகளுக்கும் தயார் செய்யப்பட்டிருக்கு. இந்த பட்டியலை அங்கீகரிக்கப்பட்ட அரசியல் கட்சிகளுக்கு காகித வடிவத்திலும், டிஜிட்டல் வடிவத்திலும் தேர்தல் ஆணையம் கொடுத்திருக்கு.

பெயர் விடுபட்டவங்க, தகுதியற்றவங்க பெயரை நீக்கணும்னு நினைக்கிறவங்க, இல்லை பட்டியலில் திருத்தம் செய்யணும்னு நினைக்கிறவங்க ஆகஸ்ட் 1-ல இருந்து செப்டம்பர் 1 வரை தங்கள் கோரிக்கைகளை முன்வைக்கலாம்னு தேர்தல் ஆணையம் சொல்லியிருக்கு. இந்த கோரிக்கைகளை தேர்தல் பதிவு அதிகாரிகள் (EROs) பரிசீலிச்சு, செப்டம்பர் 30-க்கு முன்னாடி இறுதி பட்டியலை வெளியிடுவாங்க.

இதையும் படிங்க: அதெல்லாம் பார்லி.,-ல பேச முடியாது! தர்மேந்திர பிரதான் கறார்.. எதிர்க்கட்சிகள் கோரிக்கை நிராகரிப்பு..!

ஜூன் 24-ல தொடங்கின சிறப்பு தீவிர திருத்த (SIR) பணிக்கு முன்னாடி, பீகாரில் 7.93 கோடி வாக்காளர்கள் இருந்தாங்கன்னு தேர்தல் ஆணையம் சொல்லுது. இந்த SIR-ல 7.24 கோடி பேர் (91.69%) தங்கள் விவரங்களை பதிவு செய்ய படிவம் கொடுத்திருக்காங்க. ஆனா, 64 லட்சம் பேர் இறந்திருக்கலாம், இடம்பெயர்ந்திருக்கலாம், இல்லை கண்டுபிடிக்க முடியாதவங்கன்னு பட்டியலில் இருந்து நீக்கப்படலாம்னு ஆணையம் சொல்லுது. இது எதிர்க்கட்சிகளுக்கு பெரிய கவலையை கொடுத்திருக்கு. காங்கிரஸ், ஆர்ஜேடி, CPI(ML) மாதிரி கட்சிகள், இந்த SIR பணி பாஜக-ஜேடி(யு) கூட்டணிக்கு ஆதரவா, எதிர்க்கட்சி ஆதரவாளர்களை நீக்குறதுக்கு முயற்சின்னு குற்றம்சாட்டுறாங்க.

காங்கிரஸ் தலைவர் மல்லிகார்ஜுன் கார்கே, “பாஜக-ஆர்எஸ்எஸ் இந்த SIR-ஐ வச்சு தலித், பிற்படுத்தப்பட்ட மக்களோட வாக்குரிமையை பறிக்க முயற்சிக்குது,”னு X-ல பதிவு செஞ்சிருக்காரு. CPI(ML) பொதுச் செயலாளர் தீபங்கர் பட்டாச்சார்யா, “இந்த பட்டியல் திருத்தம் ஜனநாயகத்துக்கு எதிரானது,”னு சுப்ரீம் கோர்ட்டில் வழக்கு தொடர்ந்திருக்காரு. சுப்ரீம் கோர்ட், “எந்த மாஸ் டிலீஷனும் நடந்தா உடனே தலையிடுவோம்,”னு சொல்லியிருக்கு, ஆனா ஆகஸ்ட் 1-ல வரைவு பட்டியலை வெளியிட தடை விதிக்கலை. ஆதார், வாக்காளர் அட்டை, ரேஷன் கார்டு போன்றவற்றை ஆவணங்களா ஏற்கணும்னு கோர்ட் ஆலோசனை சொல்லியிருக்கு.

எதிர்க்கட்சிகள் இந்த SIR-ஐ “வாக்கு திருட்டு”னு குற்றம்சாட்ட, தேர்தல் ஆணையம், “இது வெளிப்படையான பணி, எல்லா கட்சிகளும் பங்கேற்கலாம்,”னு மறுத்திருக்கு. ஆனா, பீகாரில் உள்ள சமூக-பொருளாதார நிலைமைகளால, ஆவணங்கள் இல்லாத பலர் வாக்குரிமையை இழக்கலாம்னு அச்சம் இருக்கு. இந்த குழப்பத்துக்கு மத்தியில், ஆகஸ்ட் 12-13ல சுப்ரீம் கோர்ட்டில் இந்த வழக்கு மறுபடி விசாரணைக்கு வருது.

இதையும் படிங்க: பீகாரில் நாய்க்கு இருப்பிடச் சான்று.. இந்த அளவுக்கா அரசு நிர்வாகம்..!!