வடகிழக்குப் பருவமழை தொடங்கியுள்ள சூழலில், சென்னை மற்றும் புறநகர்ப் பகுதிகளில் தொடர்ந்து இரண்டாவது முறையாக நேற்று இரவு முதல் கனமழை பெய்து வருகிறது. இதனை நம்மால் பார்க்க முடிகிறது.
குறிப்பாக, சென்னை மீனம்பாக்கத்தில் அதிகபட்சமாக 12 சென்டிமீட்டர் மழையும், நுங்கம்பாக்கத்தில் 10 சென்டிமீட்டர் மழையும், தரமணியில் 9 சென்டிமீட்டர் மழையும், மாதவரத்தில் 8 சென்டிமீட்டர் மழையும் பதிவாகியுள்ளது.
இந்நிலையில், சென்னையில் மீண்டும் மழை பெய்வதற்கான வாய்ப்பு தொடர்ந்து நீடிப்பதாக வானிலை ஆய்வு மையம் தெரிவித்துள்ளது. அதன்படி, இன்று காலை 10 மணி வரை சென்னை உட்பட பல்வேறு மாவட்டங்களுக்கு மழை எச்சரிக்கை விடுக்கப்பட்டுள்ளது.
இதையும் படிங்க: இத்தனை சென்டி மீட்டரா?... சென்னையை உக்கிரமாக தாக்கிய கனமழை... விடிய, விடிய கொட்டித்தீர்த்த அளவு இதோ...!
அந்த வகையில், சென்னை, திருவள்ளூர், ராணிப்பேட்டை, செங்கல்பட்டு, காஞ்சிபுரம், விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம், தூத்துக்குடி, திருநெல்வேலி, கன்னியாகுமரி ஆகிய 16 மாவட்டங்களிலும், புதுச்சேரி மற்றும் காரைக்கால் பகுதிகளிலும் இன்று காலை 10 மணி வரை இடியுடன் கூடிய லேசானது முதல் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
இந்த மழையின் காரணமாகச் சில பகுதிகளில் தாழ்வான இடங்களில் மழைநீர் தேங்குவதற்கும், போக்குவரத்து நெரிசல் ஏற்படுவதற்கும் வாய்ப்புள்ளதாகக் கணிக்கப்பட்டுள்ளது.
சென்னையைப் பொறுத்தவரையில், நேற்று நள்ளிரவு தொடங்கிய மழை தொடர்ந்து பெய்து வருகிறது. இதனால், தாழ்வான பகுதிகளில் தேங்கியுள்ள மழைநீரை வெளியேற்றும் பணிகளில் மாநகராட்சி ஊழியர்களும் அதிகாரிகளும் ஈடுபட்டு வருகின்றனர்.
இதற்கிடையே, இன்று காலை 10 மணி வரை மழைக்கு வாய்ப்புள்ளதாக வானிலை ஆய்வு மையம் தெரிவித்துள்ள நிலையில், பள்ளிகளுக்கு விடுமுறை அளிக்கப்பட்டுள்ளது. அதேசமயம், அலுவலகங்களுக்குச் செல்பவர்கள் மழை நிலவரத்தைக் கருத்தில் கொண்டு தங்களது பயணத் திட்டத்தை முன்கூட்டியே திட்டமிட்டுப் பயணிக்க வேண்டும் என்றும் அறிவுறுத்தப்பட்டுள்ளது.
இதையும் படிங்க: #BREAKING சென்னை மக்களே இனி தான் ஆட்டம் ஆரம்பம்... வேலைக்கு போறவங்க மறக்காமல் குடையை எடுத்துக்கோங்க...!