இந்தியா மற்றும் இலங்கையில் நடைபெற்று வரும் 10வது டி20 உலகக் கோப்பை தொடரில், நேற்று (பிப்ரவரி 15) கொழும்பு ஆர். பிரேமதாசா மைதானத்தில் நடந்த குரூப் A போட்டியில் இந்தியா பாகிஸ்தானை 61 ரன்கள் வித்தியாசத்தில் தோற்கடித்தது. இது இரு அணிகளுக்கும் இடையேயான மிகப்பெரிய வெற்றி என்ற பெருமையை இந்தியாவுக்கு சேர்த்துள்ளது.

போட்டியில் டாஸ் வென்ற பாகிஸ்தான் முதலில் பந்து வீச தேர்வு செய்தது. இந்திய அணி 20 ஓவர்களில் 7 விக்கெட் இழப்புக்கு 175 ரன்கள் எடுத்தது. இஷான் கிஷன் 40 பந்துகளில் 77 ரன்கள் (சென்சேஷனல் இன்னிங்ஸ்) அடித்து சூப்பர் ஃபிளேயர் ஆனார். சூர்யகுமார் யாதவ் 32 ரன்கள் எடுத்தார். பாகிஸ்தான் சார்பில் அயூப் 3 விக்கெட்டுகள் வீழ்த்தினார்.

பாகிஸ்தான் சேஸிங் செய்தபோது, ஜஸ்பிரித் பும்ரா, ஹர்திக் பாண்டியா, அக்ஸர் படேல், வருண் சக்ரவர்த்தி ஆகியோரின் சிறப்பான பந்துவீச்சால் 18 ஓவர்களில் 114 ரன்களுக்கு ஆல் அவுட் ஆனது. உஸ்மான் 44 ரன்கள் எடுத்தார். இந்தியா சூப்பர் 8 சுற்றுக்கு தகுதி பெற்றது.

இதையும் படிங்க: ரயில் பயணமா..?? குழந்தைகளுக்கு ஹேப்பி நியூஸ்..!! படுக்கை வசதி டிக்கெட்டில் '2 ஆப்ஷன்'..!! என்ன தெரியுமா..??

இரு அணிகளும் டி20 உலகக் கோப்பையில் 9 முறை மோதியுள்ளன. இந்தியா 8 முறை வென்றுள்ளது, பாகிஸ்தான் ஒரு முறை மட்டுமே. 50 ஓவர் உலகக் கோப்பையிலும் பாகிஸ்தானுக்கு எதிராக இந்தியா தோல்வியடைந்ததில்லை. இந்த வரலாறு தொடர்கிறது.

போட்டிக்கு முன் பாகிஸ்தான் வங்கதேசத்துக்கு ஆதரவாக போட்டியை புறக்கணிக்க முயன்றது. ஐசிசி அதிகாரிகள் பேச்சுவார்த்தை நடத்தி சுமூக உடன்பாடு எட்டிய பிறகு விளையாடியது. ரசிகர்கள் மத்தியில் பெரும் எதிர்பார்ப்பு இருந்தது. இந்திய ரசிகர்கள் வெற்றியை கொண்டாடி வருகின்றனர்.

சமூக ஊடகங்களில் #INDvPAK டிரெண்டிங் ஆகியுள்ளது. பாகிஸ்தான் விக்கெட்டுகள் சரிந்ததை கிண்டல் செய்யும் மீம்ஸ்கள் வைரலாகி வருகின்றன.இந்தியாவின் வெற்றியை கொண்டாடும் இந்திய ரசிகர்கள், சமூக ஊடகங்களில் பாராட்டி கருத்து பதிவிடுகின்றனர். அத்துடன் பாகிஸ்தானை கிண்டல் செய்யும் வகையில், பல்வேறு விதமான கருத்துகளையும் பதிவிட்டு வருகின்றனர். இதற்கு ஏராளமானோர் கமெண்ட் செய்தும், அதனை மறுபதிவும் செய்து வருகின்றனர்.

இதையும் படிங்க: மாஸ் ஐடியா..! மாணவர்கள் கற்றல் திறனை மேம்படுத்த செஸ் வகுப்புகள்... தமிழக அரசு திட்டம்..!