இந்திய யூனியன் முஸ்லிம் லீக் கட்சி தமிழக வெற்றி கழகத்தின் அமைச்சரவையில் இடம்பெற வேண்டும் என்று அழைப்பு விடுக்கப்பட்டிருந்தது. இதை எடுத்து அமைச்சரவையில் பங்கேற்பதாக இந்திய யூனியன் முஸ்லிம் லீக் கட்சி அறிவித்துள்ளது. தவெக சார்பில் வெளியான அறிவிப்பு முக்கியத்துவம் பெற்றது. பொதுப்பணி மற்றும் விளையாட்டு மேம்பாட்டுத் துறை அமைச்சர் ஆதவ் அர்ஜுனா, செய்தியாளர்களிடம் பேசியபோது, விசிக தலைவர் திருமாவளவனை அமைச்சரவையில் இணைக்க அழைப்பு விடுக்கப்பட்டுள்ளதாகவும், அதேபோல் ஐயூஎம்எல் கட்சியும் அமைச்சரவையில் பங்கேற்க வேண்டும் என்பது முதல்வர் விஜய்யின் விருப்பம் என்றும் தெரிவித்தார்.
மதச்சார்பற்ற கட்சிகள் அமைச்சரவையில் இடம்பெற வேண்டும் என்பதில் தவெக உறுதியாக உள்ளது என்று அவர் வலியுறுத்தினார். இந்த அழைப்பு, தவெக அரசின் விரிவாக்கத் திட்டத்தின் ஒரு பகுதியாகக் கருதப்பட்டது. இந்த அழைப்பு காரணமாக ஐயூஎம்எல் கட்சி இன்று அவசர ஆலோசனை கூட்டத்தை நடத்த முடிவு செய்தது. கூட்டத்தின் இறுதியில் தமிழக வெற்றிக்கழகம் தலைமையிலான அமைச்சரவையில் இந்திய யூனியன் முஸ்லிம் லீக் கட்சி இடம்பெறும் என்று அறிவிக்கப்பட்டுள்ளது.
திமுக கூட்டணியில் இருந்து இந்திய யூனியன் முஸ்லிம் லீக் கட்சி வெளியேறியது. தமிழக வெற்றி கழகம் தலைமையிலான அமைச்சரவையில் இந்திய யூனியன் முஸ்லிம் லீக் கட்சி பங்கெடுக்கிறது. எம்எல்ஏ ஷாஜகான் பெயரை அமைச்சர் பதவிக்கு பரிந்துரைப்பது என IUML மாநில நிர்வாகக் குழு கூட்டத்தில் முடிவெடுக்கப்பட்டிருக்கிறது என்று கட்சியின் தலைவர் காதர் மொய்தீன் தெரிவித்தார். அமைச்சரவையில் இடம்பெறும் இந்திய யூனியன் முஸ்லிம் லீக் முடிவை ஸ்டாலின் வரவேற்று இன்று காலை வாழ்த்தியதாகவும் தெரிவித்தார்.
இதையும் படிங்க: அமைச்சரவையில் இடம்.? பரபரக்கும் அரசியல்..! ஐயூஎம்எல் கட்சி நாளை அவசர ஆலோசனை..!
தவெக தலைமையிலான நல்லாட்சி தொடர்வதற்கு இந்திய யூனியன் முஸ்லிம் லீக் ஆதரவு அளிக்கும் என்றும் உறுதிப்பட தெரிவித்துள்ளார். பாபநாசம் தொகுதியில் போட்டியிட்டு வெற்றி பெற்ற ஏ எம் ஷாஜகான் எம்.எல்.ஏ. அமைச்சராகிறார்.
இதையும் படிங்க: #BREAKING: விஜய்க்கு IUML கட்சி முழு ஆதரவு..! தவெக பலம் 120 ஆக உயர்வு..!